“Mirdita, 30 vite në fokusin e televizionit shqiptar”

Veprimtaria e sillojit të parë në Shqipëri në sallën e pallatit të kulturës “Mirdita” në Rrëshen

 Ashtu siç dhe pritej nga sinjali i dhënë që me lançimin e një veprimtarie të tillë prej muajsh, spektakli show i gërshetuar në mes pamjeve filmike interesante të Mirditës që prej 3 dekadash dhe atyre artistikë, intervistave, kujtimeve, reportazheve të improvizuara etj, aktiviteti i zhvilluar ditën e martë më 17 qershor 2008 në orën 18.00 të pasdites në sallën e pallatit të kulturës “Mirdita” në Rrëshen, ka emocionuar pjesëmarrësit e shumtë dhe mbi të gjitha dhe të ftuarit e veçantë të kësaj nate të mrekullueshme, gazetarët më në zë të televizonit publik shqiptar.

Ekspozita e talentit 12 vjeçar

Fillimisht është bërë përurimi i ekspozitës së piktorit 12 vjeçar Silvan Lala, nxënës i klasës së gjashtë në Rrëshen. Ka patur një lidhje, gërshetimi i kësaj veprimtarie me piktorin e vogël talent që siç theksohet në një gazetë kosovare, “piktori i vogël që nuk do të bëhet president, por ëndërron famën e PICASOS!”.

Në fakt ka qenë befasi e vërtetë ekspozita me rreth 40 punime të piktorit të talentuar të vogël, babai i të cilit Pjetër Lala është i njohur për publikun si piktori shëtitës i rrugës, ku më së shumti ka për atelie bulevardin afër Televizionit Publik Shqiptar, i preferuar i gazetarëve dhe kronikanëve për portretet e bukura që realizon në Tiranë, duke e kthyer këtë profesion në artin e mbijetesës.

Këtë rrugë ka ndjekur me talentin e spikatur dhe vetë djali i tij Silvani, i cili që 8 vjeç është bërë i njohur për publikun si këtu dhe në Kosovë. Ndërsa i mbështetur nga pallati i kulturës dhe mësuesi Viktor Cupi, kjo është dhe ekspozita e parë e organizuar për publikun. Për të thënë pak fjalë për këtë talent le të sjellim një thënie të piktorit të njohur kosovar pedagog në akademinë e arteve në Kosovë Ferit Morina: “Kam studentë në akademinë e arteve që ende nuk janë në nivelin e tij”. Dhë bëhet fjalë për Silvanin kur ishte veçse 10 vjec!

Ekspozita u hap në hollin e pallatit në prani të dhjetëra qytetarëve të Rrëshenit si dhe gazetarë të shumtë lokalë, të televizionit shqiptar dhe televizioneve të tjera. Fjalën e rastit e ka mbajtur mësuesi Viktor Cupi, i cili si kurator i përbashkët me babain e Silvanit, ka theksuar talentin e këtij piktori të ardhshëm, i sigurtë në dhuntinë që disponon për të pikturuar.

Me entusiazëm është shprehur dhe kryetari i bashkisë Gjon Dedaj, duke thënë se ndjehet i mrekulluar në mes talenteve të tillë që me pikturën e tij e pasqyrojnë më së miri bukurinë dhe hijeshinë e krahinës dhe të njerëzve të këtyre anëve, duke na dhënë shembullin se e bukura ekziston në mes nesh dhe se me anë të këtyre talenteve kemi të tëra mundësitë për ta kultivuar në rrugën e duhur.

E ndërkohë piktori i vogël, në një kënd të hollit ka vazhduar të përformojë “live” me pikturën e tij në portretin e një fëmijë që pozonte, i rrethuar nga dhjetëra kureshtarë.

Spektakli, gërshetimi i artit gazetaresk me atë artistik.

 Më pas veprimtaritë e kësaj dite janë shpërnguluir në sallën e pallatit të kulturës, ku përmes një valle të grupit të fëmijëve, që janë lauruar me kupën-trofe para pak ditësh në festivalin e instrumentistëve të vegjël në Fushë Arrëz, nën drejtimin e muzikantit Kol Picaku dhe koreografit Fran Nikolli ka hapur siparin “Mirdita, 30 vite në fokusin e televizionit publik shqiptar”, që ka patur në fokus të saj gazetarin dhe kameramanin televiziv korespondet i Mirditës për televizionin shqiptar që nga viti 1974.

Pikërisht pas një pune njëmujore pas një komunikimi shkresor në mes kryebashkiakut Gjon Dedaj dhe drejtorit të televizionit publik shqiptar Petrit Beci, u arrit që nga arkivat e këtij televizioni të merren rreth 70 minuta filmime të vjetra nga kronikat e bëra gjatë këtyre viteve. Filmime që u montazhuan nga montazhieri Aldor Përtena për t’u sjellë në episode të veçanta përgjatë tërë aktivitetit. Vetë skena ku ishte shkruar dukshëm nga skenografi Gjok Pepa përmbajtja e kësaj veprimtarie, ka qenë e përceptuar në këtë mënyrë ku gazetari i hershëm Xhelal Marku do të ishte dhe “ciceroni” i pamjeve filmike, kronikave të sjella ndër vite. Kronika që flisnin për minierat, punën në galeri, kronika dhe reporatzhe nga punët në bujqësi, portrete, një gjithëpërfshirje fushash si kultura apo ekonomia, e deri disa kronika me zë. Kronikat përmblidheshin në dy kohë, para 90-s dhe pas këtyre viteve.

Pas çdo episodi dhe komentesh nga gazetari Xh.Marku dhe përfaqësues të fushave për të cilat flitej, vinte dhe përshëndetja artistike të këngëtarëve të vegjël, këngëtarë të ansamblit Mirdita dhe të ftuarve këngëtareve të përmendur dibranë Lirie Rasha dhe Sherif Dervishi.

Kanë sjellë emocionet e tyre minatorë, metalurgë, njerëz të kulturës, ashtu si dhe gazetarët e ftuar nga televizioni shqiptar. Kanë qenë tepër të emocionuar gazetarja Tefta Radi, që u shpreh se ky është ndër evenimentet e rralla që bëhet në këtë mënyrë dhe nuk e prisnim që vlerësimi për punën e kolegut tonë Xhelal Marku, për të gjithë ne, vjen pikërisht nga Mirdita, ky vend kaq i bukur. Ajo ka sjellë kujtime të punës në televizon me sa pasion i përcillte kronikat e rretheve e ne mes të cilave dhe ato  që sillte gazetari ne fjale, ku Mirditën e kishin vazhdimisht prezent me shuëm profesionalizëm.

Bajram Hoxha, shef i emisioneve periodike ne televizionin publik shqiptar, ka sjellë emocionet e tij duke u shprehur se është një gjë shumë e bukur kjo që u kushtohet gazetarëve të televizionit shqiptar, janë vite të paharruara për të gjithë ne dhe gjithçka e bërë në kontekstin e kohës, është e veçantë kur ajo dokumentohet në mënyrë krejt të paanshme. Dëfrim Met’hasani ka ardhur me një përshëndetje dhe dhurata të vecantë, duke i sjellë gazetarit Xhelal Marku bluzën me numërin 30 të ekipit kombëtar, ndërsa ardhjen e kolegëve të tij e ka qujatur si një “ekip futbolli”.

Me emocione është shprehur gjatë përshëndetjes edhe Xhelil Aliu, Edlira Hoxha e të tjerë. Fatos Daci, president i shoqatës Dibra, botues i gazetës Dibra, shkrimtar, ka thënë se kjo që bëtë sot i bën nder Mirditës, këtij vendi me tradita dhe se ky nderim për një dibran është obligim për të vazhduar bashkëpunimet tona në fushën e kulturës e më tej. Këtë ka theksuar dhe kryebashkiaku Gjon Dedaj, duke përshëndetur gjithë gazetarët e nderuar të televizionit shqiptar, të cilët kanë dokumentuar historinë shqiptare në një kohë të vështirë, ashtu siç ka bërë dhe gazetari që mbulonte Mirditën, Xhelal Marku.

Ky aktivitet që kishte në fokus dokumentimin historik përmes fokusit të një kamere të vjetër por me shumë vlerë, na tregon se e bukura ekziston dhe atë duhet të dijmë ta nxjerrim dhe evidentojmë në mënyrë të paanshme, në mënyrë shkencore dhe kulturalisht bukur, ka përfunduar kryebashkiaku Dedaj.

Në fund moderatori i këtij takimi, gazetari Gjergj Marku, ka improvizuar një telereportazh që vinte me pamje të Xhelal Markut ndër vite në zonën e Recit dhe Dardhës së Peshkopisë nën titullin “Reci, një mal në këmbë”, i lexuar nga gazetari dhe folësi i njohur Roland Roshi dhe reporterja e re Flavia Maca, si dhe me transmetimin muzikor të teknikut të pultit Lin Kiku dhe të pamjeve filmike nga Olsi Simoni në pultin viziv, cka solli shumë ngrohtësi në sallë, telereportazh i cili u duartrokit gjatë nga publiku i shumtë që ishte i pranishëm në sallë.

Më pas grupi i valleve duke ftuar dhe gazetarët e ardhur të televiziont shqiptar ka tërhequr një valle, të cilën e ka filmuar po me kameren e vjetër gazetari Xhelal Marku duke sjellë një ambient mjaft festiv në sallë.

Në fund për të pranishmit është shtruar dhe një kokteil ku janë shkëmbyer biseda në mes gazetarëve dhe banorëve të qytetit, duke përmbyllur një veprimtari interesante e vlerësuar si e para e këtij lloji në Shqipëri, një veprimtari që në muajin shtator mendohet të promovohet në Tiranë si bashkëpunim dhe me televizioznin shqiptar.

 Disa nga filmimet arkivore

Para ’90-ta

Përgatitja e asnamblit “Mirdita” në vitin 1978

Puna në mimnierën e Kurbneshit dhe të Përlatit e Kaçinarit si dhe Batërr të Martaneshit.

Reportazh nga brigada e Kaçinarit me personazhe kooperativiste.

Reportazh nga Oroshi dhe bjeshkët e Nënshejtit.

Puna në pyje.

Bllokimi i rrugës nga dëbora ndër vite dhe sidomos 1985.

Ndërrimi i viteve dhe puna në uzinën e Rubikut, si prodhohej bakri i parë blister në orën 24.00 kur ndërroheshin vitet.

Puna në postat e Mirditës.

Veprimtari të Mirditë.

Ditët e aksioneve në fushën e bujqësisë.

Nga punimet në hekurudhën Milot-Rrëshen-Klos.

Pas 1990

Mitingjet e para në Rrëshen nga Partia Demokratike.

Takimi me intelektualë të transformimeve demokratike të vendit.

Zhvarrimi i eshtrave të ngjarjes së rëndë të 17 shkurtit.

Kronika nga punët në Mirditë pas viteve 1990.

Nga turizmi, vëzhgime speleologjike.

Flimime dhe etyde nga zonat e Dibrës.

Përgatiti: Aleksandër Ndoja