... qyterimi ishte bere i domosdoshem, pikerisht atehere kur Krishtin e kryqezuan. Refleksion nga Gjon DEDAJ.......click here.

Degjo ne Audio dhe shkarko zerin e Papa BENEDIKTIT XVI .....click here.....

Rikthehen në Rrëshen 47 familjet dioqezane që vizituan Vatikanin dhe u takuan me Papa Benediktin e XV.

  Qindra qytetarë, ndër ta edhe 47 familjet që për nje javë vizituan Vatikanin dhe u pritën në audienca nga Papa Benedikti XVI, janë mbledhur në sallën e kulturore “Mirdita” për të biseduar në lidhje me këtë vizitë, dhe për të diskutuar në lidhje me familjen dhe shejtërinë e saj. Në këtë takim i cili moderohej nga z. Gjergj Marku, fillimisht e ka marrë fjalën z. Luigj Gjergji i cili duke komentuar pamjet nga vizita që përcilleshin përmes një Vidio-Projektori, ka folur për impresioniet e tij gjatë vizitës në vëndin e Shënjtë, dhe takimin me Papën. Po ashtu ai ka folur edhe për vizitën në vënde të tjera të shënjta, si dhe në vëndin ku prej shekujsh ruhet zonja e Shkodrës, e cila e cila mrekullisht u strehua aty për t’i shpëtuar pushtuesve osmanë të shekullit XV. Pas kësaj të pranishmit kanë ndjekur një kronikë filmike në të cilën u dhanë të përmbledhura të gjitha vizitat e peligrinëve mirditorë, të cilët më 2 autobuzë vërshuan në rrugët e Romës dhe Vatikanit. Ai ka falenderuar përzëmërsisht Papa Benediktin e XV, dhe Ipeshkëvin e Dioqezës së Rrëshenit, imzot Cristoforo Palmieri, për mundësinë që krijuan për një peligrinazh të tillë.

 Më pas e ka marrë fjalën imzot Cristoforo Palmieri, cili në fillim falenderoi zotin dhe Papa Bendeiktin për pranimin e ftesës, që një numër kaq i madh besimtarësh nga Mirdita të priteshin në audiencë në Vatikan. Ai tha se ende nuk jemi vënd i lirë për sa i përket levizjes për në vënde të tjera, por me ndihmën e konsullit morëm vizat për 47 familje. Imzot Cristofori tha se ne u kujdesëm që lista e këtyre familjeve të përbehej nga familje që kanë kontakt me kishën, dhe ofronin të gjitha garancitë e duhura për një kthim të sigurtë. Imzot Cristofori, shprehu kënaqësinë e tij për faktim që kjo vizitë shkoi shumë mirë, dhe të gjithë u kthyen në familjet e tyre.

 Ipeshkëvi tha se c’do pesë a gjashtë vite, Papa  takohet me ipeshkëvinjtë vec e vec, por edhe me të gjithë sëbashku. Këtë rast unë mendova që të shkoj sëbashku me familjet dioqezane, dhe falenderoj zotin që kjo u bë realitet. Më tej përmes teknikës audio, të pranishmit kanë ndjekur përshëndetjen e Papa Benediktit të XVI, që u ka rezervuar famileve dioqezane të Mirditës, me rastin e vizitës së tyre në Vatikan. Më tej ka përshëndetur  Kryetari i Bashkisë z. Gjon Dedaj i cili ishte një ndër pjestarët e familjeve që vizituan Vatiaknin. Në refleksionin e tij më këtë rast, Gjon Dedaj thotë se  ... qyterimi ishte bere i domosdoshem pikerisht atehere kur Krishtin e kryqezuan......(refleksion nga Gjon Dedaj).

 Kanë qënë edhe vizitorë të tjerë që kanë dhënë opinionet e tyre, ndër ta edhe HiL Gjaci, i cili tha se ajo ditë me të cilën familja e tij u takua me Papën do të mbesë si  dita më e veçantë për të, dhe familjen e tij.  

Vizita e Familjeve në Romë:

Përshkrim i vizitës, nga Luigj Gjergji

 Nuk është e lehtë të përshkruhet ndjesia që kanë patur 47 familje të Rrëshenit në vizitën e tyre në vendin e shenjtë, për të parë dhe dëgjuar nga afër fjalët e atit të Shenjtë, Benediktit të XVI. Pas një rrugëtimi sa të lodhshëm aq edhe turistik me traget, grupi i familjeve kanë mbërritur në Romë për tu mbledhur të gjithë së bashku ditën e mërkurë të datës 21 maj, duke mos u ndalur as nga shiu i rrëmbyeshëm. Pikërisht në sajë të këtij shiu, grupi i Rrëshenit dhe grupe të tjera nga gjithë bota, u drejtuan për në bazilikën e shën Pjetrit, ku përveç emocionit të këtij tempulli të fesë së krishterë, morën edhe një përshëndetje të ngrohtë nga afër të Papës, madje ndonjë familje nga Mirdita pati edhe rastin ti puthë duart, dhe ndonjë fëmijë të jetë i prekur nga duart e shenjta të tij, ndërsa pak kohë më parë autoritetet shtetërore dhe lokale të Mirditës kishin përshëndetur nga afër autoritete të ndryshme të Vatikanit.

 Grupi i familjes dioqezane ishte në Romë si rrjedhojë e vizitës së ipeshkvinjve shqiptarë, e quajtur “Ad Limina”, dhe kishte qenë Ipeshkvi i Rrëshenit, Cristoforo Palmieri, ndryshe nga dioqezat e tjera, që kishte dëshiruar dhe realizuar vizitën e këtyre familjeve, pjesëtarë të grupit të familjes dioqezane të famullisë Rrëshen, dhe përfaqësues të të gjitha familjeve të Rrëshenit dhe tërë Dioqezës.

 Në ditët vijuese, Pelegrinët nga Rrësheni kanë përjetuar me besim dhe devocion vizitën tek varret e Papëve në kohëra, përfshirë atë të Shën Pjetrit dhe të Gjon Palit II, si dhe kanë parë krejt Vatikanin dhe ndoshta tërë Romën nga kupola e bazilikës së Shën Pjetrit, me një pelegrinazh të gjatë për të arritur deri në majë të saj, ndërsa që Papa takohej me të gjithë ipeshkvinjtë shqiptarë së bashku dhe veçmas me secilin. Është lutur bashkë me ta, edhe me Ipeshkvin e Rrëshenit, për popullin shqiptar dhe të Mirditës në veçanti, duke inkurajuar të gjithë ipeshkvinjtë për punën e vështirë që kanë në Shqipëri pas diktaturës ateiste, siç shkruan edhe në letrën finale të drejtuar Konferencës ipeshkvore shqiptare, si dhe nëpërmjet ipeshkvinjve u ka dërguar të gjithëve bekimin e veçantë dhe të Shenjtë të tij.

 Dita e dielë ka qenë sipari i aktiviteteve me meshën e shenjtë në kishën e Gjenacanos, aty ku ndodhet truporja e Zojës së këshillit të mirë, pajtores së Shqipërisë dhe shqiptarëve, që mrekullisht fluturoi në qiell në shekullin e XV për tu ndalur aty ku kishte shqiptarë të larguar nga pushtimi otoman. Ishin mbledhur shqiptarë nga shumë zona të Italisë, për të pranuar bekimin nga ipeshkvinjtë shqiptarë të pranishëm. Vërtet një moment lutje i veçantë duke u shoqëruar edhe me pamjet magjike të rrugëve me rastin e festës së korpit të Krishtit, festë të cilën qyteti i Rrëshenit do ta celebrojë ditën e dielë, sipas shpalljeve që janë të afishuara nëpër qytet. Më pas grupi i familjes dioqezane të mbërritur në Romë nga Rrësheni, ka bashkëndarë me ipeshkvin një drekë vëllazërore, për tu kthyer në Shqipëri të nesërmen të gjithë së bashku si një familje e vetme. 31. 05. 08

Pergatiti: A. Ndoja