72 kostume sportive për fëmijë, dhuratë e një bisnezmeneje nga Tirana.

Rrëshen. Puna eksperimetale por mjaft intensive dhe e kualifikuar për ngritjen e ekipeve zinxhir të futbollit, tashmë ka marrë një dimension të ri pas mbështetjes së fuqishme të njërës prej firmave private më njohura në Tiranë, me presidente znj. Ela Dosti. Pikërisht sot në qytetin e Rrëshenit, kjo zonjë ka dhuruar plot 72 komplete sportive për ekipet zinxhir në futboll të cilat por përgatiten prej disa muajsh nga dy dashamirës të këtij sporti Ded Deda dhe Bardhok Deda. Ardhja e kësaj bisnzmeneje në ndihmë të ekipeve të fëmjëve që duan futbollin, është bërë falë interesimit të z. Ndrec Deda i cili është me detyrë Drejtor i Policisë Bashkiake të Tiranës.

 Rreth orës 12.30 të ditës së mërkurë, qindra fëmijë kanë duartrokitur momentin kur znj Ela Dosti me shoqëruesit e saj është ngjitur në skenën e Qëndrës Kulturore për nisur me dhurimin e kompleteve sportive. Ajo ka falenderuar për pritjen që i bënë, ndërkohë që ka theksuar se kjo ditë koincidon me gjashtë vjetorin e humbjes aksidentale të vëllait të saj i cili e donte kaq shumë futbollin. Ajo ka premtuar se ky është fillimi ndërsa do të jetë edhe në të ardhmen shumë pranë këtij ekipi. Pas saj ka përshëndetur edhe kryetari i Bashkisë z. Gjon Dedaj i cili e ka falenderuar përzemërsisht bisnzmenen nga Tirana për ndihmë që i ka ofruar ekipeve zinxhir të futbollit në Mirditë. Drejtuesi i këtij ekipi z. Dedë Deda u ka bërë thirrje të gjithë të pranishmeve që të qëndroja sa më larg stekës së bilardos, sa më larg kafeve dhe alkolit dhe ti drejtohen sportit dhe futbollit pasi me të mund të kalohet koha në mënyrë të kulturuar. Pas kësaj znj. Dosti është pritur në zyrë nga drejtori i Qëndrës Kulturore z. Gjergj Marku, ku është diskutuar për mundësinë e bashkëpunimit në fushën e kulturës.

Më tej vizita ka vijuar me një pritje nga kryetari i bashkisë z. Gjon Dedaj. Në fillim të takimit me kryetarin e Bashkisë, z. Ndrec Dedaj bëri një përshkrim të shkurtër të znj. Ela Dosti dhe bisnezit të saj. Ai tha se znj. Dosti është një ndër bisnezmenet më të fuqishme të Tiranës, dhe një ndër firmat me cilësore dhe në përputhje me ligjet e shtetit Shqiptar. Z. Ndrec Deda tha se edhe kjo bisnezmene që sot ka një bisnez të konsoliduar, e ka nisur punën e saj në vitin 1993, që nga nivelet fillestare por falë këmbënguljes së saj ka pasur një sukses të madh, në bisnezin e prodhimit të veshjeve. Tashmë bisnezi i saj ka një partneritet të sigurtë me bisnezin italian dhe atë perëndimor. Ai shprehu falenderimet e tij ndaj kësaj zonje e cila ju përgjigj pa hezitim ftesës për të  ndihmuar fëmijët e Rrëshenit, që në të ardhmen ato të bëhen sportistë të talentuar.

Ndërsa kryetari i Bashkisë z. Gjon Dedaj  në fjalën e tij fillimisht falenderoi përzemërsisht znj. Ela Dosti për vëmendjen e saj ndaj fëmijëve mirditas. Duke folur për mikun e përbashkët z. Ndrec Dedaj, kryetari i bashkisë Dedaj tha se mendoj se Ndreca është një ndër mirditasit për të cilin jemi krenar që është në Tiranë. Ju jeni në një trevë që besoj se keni informacion për të, por që besoj se gjëja më e veqantë është se këtu të gjithë kanë mundur që të bashkëjetojnë.  Ndoshta shpesh Mirdita është gjetur e glorifikuar, por kaq shpesh shumë më tepër e dënuar. Mendoj se ju sot keni identifikuar elementë shumë dinjitozë për këtë trevë për të cilën shumë breza kanë sakrifikuar për të mbajtur gjallë jetën sportive. Koncidenca është e shumëfishtë pasi ju sot jeni në një qytet që ka pasur një ekip volejbolli femrash, që kanë garuar në mënyrë shumë dinjitoze. Pra besoj se nuk është krejtësisht rastësi që pikërisht një femër kontribuon për të ringjallur diçka që dalëngadalë do të shuhej. Fjalët e mirnjohjes time mund të jenë të normale, por unë e transmetoj këtë mirnjohje në mënyrë të sinqertë. Është e vërtetë që të gjithë ne që banojmë këtu e duam këtë vënd, por jemi në një moment ku çdo dashuri që na ofruat, ku çdo vlerësim që na ofruat ne jemi shumë herë më të sigurt që do ta shpërblejmë. Ka qënë vërtet një rastësi e imja, që unë kam thënë që Mirdita gjëndet mes tre kryeqyteteve, por besoj se është një fakt tashmë që Tirana dhe Prishtina bashkohen duke kaluar bash nëpër Mirditë. Kjo ka qënë merita e të parëve tanë që e ka vendos në anë të luginave nga kanë filluar të gjitha qytetërimet, por nëse kjo ka qënë prapambetje unë do të doja që të paktën për mirditorët të hiqej fjala prapambetje. Pra në mund të quheshim të dënuar por jo të prapambetur. Ju keni ndihmuar një komunitet që është i vyer përsa i përket mirnjohjes, për sa i përket mikpritjes, përsa i përket asaj për të kuptuar ku ndahet jeta me vdekjen. Jue e keni lidhur këtë, me njeriun më të dahsur tuajin, me një përvjetor të një njeriu që e ka dashuar sportin. Ju jeni në një religjion që ka ditur ti bëjë ballë vdekjes, dhe pse jo shpesh ka ditur ti bëjë sfidë asaj. Në kuptimin më pozitiv sporti, arti, kultura më kanë bërë që unë të mendoj se Mirdita është vëndi ku ka mbijetuar dhe do të mbijetojë përjetësisht e bukura. Ju falenderoj si banor i këtij qyteti, si i zgjedhur i këtij komuniteti dhe si miku juaj.

Ndërsa znj Ela Dosti tha se ju falenderoj gjithëve për mikpritjen që na ofruat. Për mua është një nga ditët e mija më të bukura, dhe koha me diell sot na ndihmoi. Nuk kam menduar kurrë që Mirdita të ishte një vënd i prapambetur në ide dhe në mentalitet, pavarësisht kushteve sociale. Kultura ka qënë atribut i kësaj krahine dhe konstatoj se kjo kulturë është gjithnjë në rritje. Dëshira e rinisë dhe të gjithëve që duan të menaxhojnë si sportin si artin, do të thotë që ky popull kërkon të shkojë përpara. Mirdita dhe Tirana nuk janë shumë larg dhe për këtë them që jemi të tërë njëlloj pavarësisht kushteve, pasi Tirana të jep disa mundësi më tepër, mendoj që edhe këtu do të ketë ndryshime për mirë pasi pashë që fytyrat e këtyre fëmijëve rrezatonin shumë shpresë. Mendoj se si për çdo fëmijë tjetër si nga Tirana si nga Durrësi, Gjirokastra, Mirdita etj, ëndërrat të bëhen realitete. Kontributi është i vogël për mendoj që të mos i ndahem asnjëherë kësaj skuadre. Falenderoj Ndrecën që më solli këtu te ju, kështu që sa herë të vij do ta ndjej vehten edhe si mirditore.

Aktivitetet e mëtejshme janë spostuar në fushën e gjelbërt të dioqezës së Rrëshenit, ku është vijuar më dhënien e kostumeve sportive për 72 fëmijët e Rrëshenit. Pas kësaj fëmijët kanë zhvilluar një ndeshje të shkurtër në kohë, me kostumet dhe topat e rinj dhuratë e bisnezmenes Ela Dosti.

A. N