Ansambli “Mirdita” pritet me entuziasëm në pallatin “Aleksandër Moisiu” në Durrës.

Fjala pershendetese e kryetarit Gjon Dedaj

Dita e martë me 8 qershor ansambli “Mirdita” për më shumë se dy orë ka mbajtur të ndezur entuziasmin në sallën e Pallatit të Kulturës “Aleksandër Moisiu” në Durrës. Pak para fillimit të koncertit në sallonin e këtij pallati piktori Gjergj Simoni ka shpalosur artin e tij në një ekspozitë picture e cila është vizituar nga shumë qyetarë durrsakë, mirditas që jetojnë në Durrës, por edhe shumë miq të Mirditës si mësues, mjekë, inxhinierë tj që kanë pasur rastin për të jetuar dhe punuar në Mirdtë deri para 20 viteve. Ndër ta edhe mësuesi Xhabir Shurdha i cili ka qënë mësues për shumë vite, ish themeluesi i ekipit të Minatorit Haki Halili etj. Në fillim të ceremonisë kanë folur drejtues të artit dhe kulturës në Durrës të cilët kanë vlerësuar artin e Gjergj Simonit, ndërkohë që kryetari i bashkisë Rrëshen z. Gjon Dedaj ka falenderuar faktorët e artit dhe të kulturës së Durrësit për mbështetjen që i kanë dhënë kolegëve të Rrëshenit për të realizuar aktivitetin e kësaj dite.

Më pas është kaluar në sallën e koncertit e cila ishte mbushur plot me artdashës në pritje të fillimit të koncerit. kanë qënë dejtuesi i qëndrës kulturore të rrëshenit z. Gjergj Marku dhe nxënësja Ameda Pjetri e cila tashmë ka krijuar një profil kualitativ në prezantime, të cilët kanë përshëndetur të pranishmit duke i hapur udhë fillimit të koncertit. Që me vallën e hapjes së koncertit, u duk qartë se e gjithë shfaqja do të përcillej me shumë emocion. Ndërsa vijnë njëri pas tjetrit këngëtarët dhe instrumentistët.

Në hapje Kol Zefi me “Tokën e Katedraleve” dhe më pas Bardhok Deda, Afërdita Lala, Anton Gjoka me zërin e bukur cojnë sallën peshë,ndërsa kënga “Jam shqiptar e s’ul flamur” korr duatrokitje të gjata. Këngët e Kastriot Kolës shoqërohen me kërcime në skenë dhe në sallë. Një kolorit mjaft entuziast kanë dhënë vallet e fëmijvë përgatitur mjeshtërisht nga koreografi Fran Gjergji, dhe grupi orkestral i fëmijëve nën drejtimin e Kol Picakut.

Ritmet e orkestrales së Llesh Lleshit janë të mrekullueshme dhe përmes tyre përcillen dhe foto të shumta nga jeta në Mirditë ashtu si dhe orkestralja e fëmijëve që përcillet me duatrokitje të zgjatura.

Këngët dhe vallet ndjekin njëra tjetrën përmes interpretimeve të Paulin Lulit, Nikoll Precit,Nikollë Dedës, Prena Beleshit e Fran Precit, Eliona Kola deri sa vjen kënga e Mrikë Trumshit “Mirsevjen dita e shqiptarit” që ndez sallën.

Emocionet pushtojnë dhe akademik Kolec Topallin në përshëndetjen tij të ngrohtë ashtu si dhe kryebashkiakun Gjon Dedaj, duke theksuar gjithë kontributin kulturor në evente të tilla, por dhe presidentin e vojelbollit Troplini i cili kumton faktin se tre merkato serioze te volejbollisteve të njohura si Shkurtaj, Nezaj e Tuci, do e cojnë ekipin ne fitoret e dëshëruara,kupe dhe kampionat për sezonin e ardhsëm.

Kënga “Si vendlindja jonë nuk ka” ka sjellë hare në sallë dhe spektatorët janë çuar të gjithë në këmbë për ta kënduar e kërcyer.

Dy orë qetësim shpirtëror për mirditorët dhe plot durrsakë të pranishëm në sallë ishin një mrekulli me vete e një pune serioze të bërë nga gjithë artistët dhe stafi i pallatit të kulturës për të bërë një paraqitje dinjitoze në skena të tilla kulturore.

A.   Ndoja