Bashkëpunim dhe partneritet me pushtetin vendor të Spanjës. Vizitë zyrtare në Spanjë e një delegacioni nga pushteti lokal i Mirditës dhe Kurbinit.

  Prej disa muajsh me ndërmjetësimin e Shoqatës së Bashkive të vëndit tonë, shoqata APRODEL me qëndër në Spanjë, ka nisur një bashkëpunim intensiv me bashkitë e Laçit, Rubikut, Rrëshenit, komunën e Oroshit dhe të Fanit. Një shoqatë e tillë ka “OK” e ministrisë së jashtme spanjolle e cila në kuadër të një ndihme ndërkombëtare, ka të përzgjedhur edhe Shqipërinë. Në gjashtëmujorin e dytë të vitit që shkoi, në dy raste ekipe të ndryshme të specialistëve të pushtetit vendor nga Spanja kanë ardhur në trajnime një javore në Bashkinë e Rrëshenit dhe atë të Rubikut. Në këto trajnime janë përfshirë secialistë të fushave të ndryshme nga bashkitë e Laçit, Rubikut dhe Rrëshenit. Sipas trajnuesve spanjollë, shteti i tyre ka vendosur të mbështesë zhvillimin e tre bashkive dhe dy komunave në fjalë, por më parë duhen përgatitur specialistë për emplementimin e programeve të zhvillimit që do të ofrojë qeveria spanjolle. Madje përmes pyetsorëve të shumtë, në këto kurse trainimi janë evidentuar edhe nevojat më imediate të zonës ku mendohet të ndërhyhet me projekte. Pas këtyre vizitave pune të trainuesve spanjollë, rradha ka qënë e kolegëve shqiptarë për të vizituar Spanjën, në kuadër shkëmbimeve të mëtejshëme të përvojave në vëndet respektive.

Vizita.

  Nga data 13 deri më 20 janar 2008, një delegacion zyrtar vendor bëri një vizitë në Spanjë me ftesë të Aprodel. Delegacioni përbëhej nga dy stafe, ai politik dhe teknik. Në përbërje të stafit politik ishin z. Mark Ruçi, Kryetar i Bashkise Rubik, z. Luigj  Isufi  Kryetar i Bashkisë Laç, z. Gjon Dedaj, Kryetar i Bashkisë Rrëshen, z. Aleksandër Lala Kryetar i komunës Orosh,  dhe z. Gjergj Prenga, Kryetar i Komunës Fanë. Në përbërje të stafit teknik ishin znj Rita Përjaku nga Bashkia Laç, Dedë Pepkolaj nga Bashkia Rrëshen dhe Sandër Ndoj nga Bashkia Rubik. Përkthyese te delegacionit ishin Flutura Pulaci dhe Sara Radovicka. Nisja nga aeroporti " Nënë Tereza "  i Rinasit  u bë rreth orës 11.30 të datës 13 janar 2008, me itinerar Tiranë -Munich-Madrid. Ky aeroport, ndonëse me përmasa më të vogla  është modern dhe ka standarte europiane si në shërbimet edhe funksionimi i tij, çka të le një shije të mirë pasi kësisoj veprash me standarte të tilla i duhen vendit tonë.

  Delegacioni u prit në Aeroportin e Madridit dhe u shoqërua gjatë rrugës nga z.Alejandro CAÑAS ZAPATA,  Kordinator i Projektit Të Bashkëpunimit  APRODEL, dhe nga teknikë të tjerë,  të cilët më parë kishin qenë në Shqipëri. Rrugëtimi ishte i gjatë por relaksues nga bukuritë që ka një vend i Bashkimit Europian, si Spanja. Ky rrugëtim prej 400 km në rrethet e Madridit, në drejtim të BADAJOZ në zonën e Extremadurës ku pushuam në një fshat turistik malor me plot 8 shtëpiza alpine  me komoditetin e duhur, dhe e përshtatur mrekullisht për një turizëm malor dhe familjar. Të nesërmen delegacioni  u shpërngul në një lartësi më të madhe rreth 800 m mbi nivelin e detit, tek Manastiri i Vaukus në rajonin e Veras ku pati takime intensive me personalitete politike të DIBUTACIONIT, dhe të Mankomuniteteve. Me shumë interes ishin pasqyrimet që bëri GRUPI i AKSIONIT LOKAL. Ne patëm fatin që u njohëm me to dhe që së shpejti do të implementohen në Komunitetet tona.

  Kjo është një risi sepse është hera e parë që do të implementohen në Shqipëri dhe një e re edhe për Ballkanin . Një merite të tillë vlen t' i adresohet Shoqatës se Bashkive, stafit Politik të delegacionit, në veçanti zotit Mark Ruçi gjë që u evidentua edhe nga partnerët tanë Spanjollë. Pas një rrugëtimi prej 100 km, delegacioni u istalua ne një shtëpi rurale  të një cifti madrilène i cili kishte krijuar të gjitha mundësitë e një jetese normale dhe të një biznesi turistik rural, duke ushtruar edhe kërkime shkencore. Ngritja e paneleve diellore  dhe furnizimi me energji elektrike prej tyre  të të gjitha shërbimeve më kujton se ai çift e kishte hequr mendjen nga mungesat e dritave, apo shikimi se apo bie shi, apo , si do të na furnizojë.

  Vizita u pasua në ditët e tjera  në rajone të tjera  si Aranjues , në provincën  CATERAS me 20000 km2   me një MANKOMUNITET me 219 bashki , një provincë rurale me një buxhet 113 milon euro. Rajoni i EXTREMADURËS  province e KATERAS-BAJKODHIT ka rreth 1 milon banorë  me 450 bashki.  Shtatë prej tyre  kishin rreth 20000 banore ndërsa 400 të tjera kishin deri në 5000 banorë por që të gjitha kishin një barazi absolute në Mankomunitet. Ky rajon ishte tërësisht malor me karakteristikat të përafërta me zonat tona. Grupi i aksionit lokal  ( që në disa rajone quhej ADICOVER ) kishte qëllim dhe ndërtonte politikat, mjetet dhe mënyrat e zhvillit të zonave  në atë mënyrë që shtetasit e atyre zonave  të mos i braktisnin vendbanimet e tyre. Kohët e fundit,  u shpreh njëri prej teknikëve të aksionit lokal, është bërë edhe decentralizimi i shërbimit mjeksor, ndërsa decentralizimi i arsimit kishte kohë qe kishte kaluar funksion i Mankomunitetit.

  Në Verrata  delegacioni pa nga afër  zhvillimin intensive blektoral te saj, si ndihmoheshin fermerët, subvencionimi i tyre. Prodhimet blektorale i nënshtroheshin një përpunimi shkencor dhe kishin një garanci absolute për konsumatorët.  Karakteristike e kesaj zone ishte ruajtja me fanatizem e dhisë vendase dhe blektorisë së zonës, duke dale ne tregun vendas por edhe ate Spanjoll madje edhe në Bashkimin Europian, me patentat e prodhimit te zones duke e garantuar tregun. Vizitat pasuan në Mankomunitetin Alto Jarama Attazar dhe në Mankomunitetin e Sirra Norte.

  Aracova kishte rreth 23 bashki në përbërje. Në provincën e Caceres banonin rreth 3000 banorë në përbërje të 5 bashkive. Bashkia më e vogël kishte 90 banorë. Getafe ishte stacioni i fundit i vizatave të delegacionit tonë. Në këtë zonë u njohëm me zonën industriale, një zonë moderne ku para pak kohesh ishte ndodhur në prag të falimentimit  ashtu siçjemi aktualisht ne me ish ndermarrjet industriale. U njohëm më selektimin, perpunimin e mbeturinave, me ruajtjen e mjedisit që ishte në qendër të cdo lloj aktiviteti apo biznesi, veprimtarie prodhuese dhe jo prodhuese, me prodhimin e paneleve diellore dhe perdorimin ne mase te tyre, vizituam plot objekte të trashëgimisë kulturore si salla danci, Manastire, Kisha, Pallatin Mbreteror në Getafe, Stadiume dhe Vendin ku prodhoheshin pjese te gjigantit AIRBUS 380. Në këtë shkrim sapo kemi cekur  rëndësinë e kësaj vizite pune mjaft të rëndësishme. Në shkrimet e tjera vijuese do të përpiqemi të pasqyrojmë përvojën spanjolle dhe domosdoshmerinë e implementimit të saj në komunitetet tona, krijimin e strukturave të ngjashme, sepse jane standarte zhvillimi qe i përdor Bashkimi Eurpian, një ëndërr por edhe një e ardhme e sigurtë e popullit tone për të hyrë në BE.

Sandër Ndoj

Bashkia Rubik