Bashkia Rrëshen

E krijuar si institucion më vete pas vitit 1992, ushtron aktivitetin e saj në të gjithë territorin e Bashkisë, me seli në qytetin e Rrëshenit. Bashkia Rrëshen kryen veprimtarinë e saj, mbështetur në parimin e saj të autonomisë, pavarësisë dhe vetëqeverisjes mbashtetur në ligjin Nr. 7572 datë 10. 06. 1992. “Për organizimin dhe funksionimin e Pushtetit Lokal”

Bashkia përbëhet nga katër departamente si, departamenti i Ekonomise, I Zhvillimit, i Shërbimeve, Arsimit Kulturës, Sportit.

Në administratën e bashkisë punojnë 68 veta. Në këtë bashki funksionon Këshilli i Bashkisë me 17 anëtarë nga 11 forca politike, dhe dy të pavarur. Kryetari i parë i bashkisë në vitin 1992, u zgjodh z. Pashk Biba. Ndërsa në vitin 1996 në këtë post u zgjodh z. Gjon Pjetri. Ai u pasua në këtë detyrë nga znj Marie Biba në vitin 2000, dhe pas saj në vitin 2003 u zgjodh z. Preng Toma. Aktualisht që nga zgjedhjet e 18 shkurtit 2007, Bashkia Rrëshen drejtohet nga z. Gjon Dedaj, mandati i të cilit mbaron në vitin 2011.

Pak Histori

   Rrësheni dhe rrethinat e tij në kohët e vjetra banoheshin nga fisi Ilir i Pirustëve, që njihen në histori si përpununues të mineraleve dhe si luftëtarë të zotë. Gjurmët më të hershme arkeologjike janë gjetur në Gëziq dhe i përkasin një kohe rreth 40 vite para erës sonë. Gjetjet arkeoligjike të mëvonshme në Bukmirë, Tenë, Kodër Rrëshen, Malaj, dëshmojnë për vazhdimësinë historike të jetës në këto troje, kulturën Ilire, Romake, Arbnore.

           Në Ndërfanë gjendet një nga monumentet më të rëndësishme të mesjetës Shqiptare, kisha e Shënmërisë. Në mbishkrimin në gur, dhe në stemën e principatës së Arbrit, vërtetohet se në Gëziq, ka pasur selinë e vet Shteti i Parë Shqiptar, në shekullin 12-13. Kjo stemë është edhe stema që përdor Bashkia e Rrëshenit sot.

      Rrësheni dhe rrethinat e tij, bëjnë pjesë në atë trevë që nuk ju nënshtrua pushtuesit turk, duke ruajtur vetëqeverisjen, kanunin e Lekë Dukagjinit, besimin katolik, dhe mos nënshtrimin ekonomik. Popullsia e territorit të Bashkisë, përbëhet nga bajrakët, Orosh-Kuznen-Kthellë. Kishat e Ndërfanës (Shën Mëri), Malaj (Shën Vlashi), Rrëshen (Shënaprëmte) që kanë qënë institucione të krishtërimit, por edhe qëndra të rëndësishme arsmiore, kulturore, atdhetare.

   Bashkia Rrëshen përbëhet nga qyteti Rrëshen dhe 14 fshatra. Rrësheni është qëndra administrative e rrethit të Mirditës. Popullsia e Bashkisë është 15 234 banorë. Në fshat banojnë aktualisht 7030 banorë, të cilët gjithnjë e më shumë po pakësohen për shkak të migrimit. Sipërfaqja e territorit të bashkisë është 12014 ha, në një lartësi nga 100 deri në 900 m. mbi nivelin e detit.

        Në Rrëshen funksionojnë institucionet e shtetit, institucionet publike e kulturore, institucionet e Rrethit dhe disa organizata jo qeveritare. Në Rrëshen është një Qëndër Kulturore me një grup folklorik. Rrësheni është qëndra e Dioqezës për rrethet Mirditë, Peshkopi, Bulqizë dhe Mat.

 Besimi është i gjithi katolik ku ushtrojnë aktivitet 8 kisha dhe një Katedrale, të ndërtuara pas vitit 1992.