MADA takim me forumin e Mirditës.

Forumi i zhvillimit të zonave malore sëshpejti me programe konkrete finacimi në Mirditë.

  Rrëshen. Përfaqësues të MADA-s zhvilluan një takim në Rrëshen për të përcaktuar prioritet e punës për vitin 2008. Ky forum i njohur ndryshe edhe si Fondi i zhvillimit të Zonave Malore, është Fond Shtetëror i themeluar me vendim të Këshillit të Ministrave nr. 560, datë 02.12.1999, dhe ka si qëllim përcaktimin e prioriteteve për të ndërhyrë me mënyra të ndryshme, për të zbutur varfërinë në zonat malore të vëndit. Donator kryesor i Fondit të Financimit të Zonave Malore, është Fondi Ndërkombetar për Zhvillimin e Bujqësisë (IFAD), i cili është themeluar në vitin 1977 me synim ndihmën dhe mbështetjen financiare të vendeve anëtare në luftën ndaj varfërisë rurale. Donatore të tjere janë qeveria shqiptare dhe qeveri te vendeve te tjera. Aktualisht fondi i financimit të Zonave Malore ka një shtrirje gjeografike në pothuaj të gjitha zonat kodrinore-malore, nëpërmjet 19 degëve të tij, në Dibër, Bulqizë, Burrel, Rrëshen, Puke, Kukes, Tropoje, Has, Librazhd, Pogradec, Korçe, Erseke, Tepelene, Skrapar, Berat, Permet, Gjirokaster, Sarande dhe Shkoder.

   Në takimin e rradhës që sot u bë në Rrëshen mori pjesë zv/shefi i IFAD-it për Shqipërinë Lorenzo Copola dhe Roland Bardhi, menaxher i MADA-s për Shqipërinë.

  z. Bardhi fillimisht bëri një ekspoze të punës së MADA-s dhe vëndin që zë forumi i Mirditës si një ndër forumet më të kompletuara të këtij organizimi. Më tej ai tha se forumi juaj konsiderohet si një ndër forumet më efektivë të MADA-s. Ai tha se jemi këtu me përfaqësuaes të IFAD-it për të vlerësuar efektet e oraganizimit tuaj, ndërsa ekipe të tjera po merren me detaje të tjera të rëndësishme që ky forum të jetë efektiv për misionin e tij, për zhvillim të zonave malore. Z. Bardhi arriti në përfundimin se Forumi i Mirditës është në fazën e përgatitjeve të për të përfituar grande për vitin 2008.

  Më tej njëri prej anëtarëve të forumit të Mirditës z. Nik Nikolli në diskutimin e tij tha se forumi ynë ka tregues të veqantë, pasi shumë nga drejtuesit e pushtetit vendorë kanë dalë nga dyert e këtij forumi. Sipas tij, kjo është edhe një garanci më shumë për seriozitetin e këtij forumi i cili ka si mision zhvillimin e zonave malore.

  Po ashtu edhe drejtuesi tjetër i këtij forumi, z. Gjergj Marku tha se ju  keni evidentuar se Mirdita ka qënë një lloj prologu, pasi jemi avangardë për forumet e tjera. Është e rëndësishme që ka ide për projekte konkrete, pasi këtu janë hartuar strategji zhvillimi, ndërsa janë në përfundim e siper profilet e komunave të cilat sëshpejti do të publikohen në tre faqe që Mirdita kanë në internet. Po ashtu ka përfunduar një publikim “Mirdita Turistike” dhe një projekt katër vjeçar për turizmin. Në këtë sens vijoi Marku, janë planifikuar dy veprimatari kryesore për vitin 2008 të përcaktuar si “ditë të kulturës së aksit”, në të gjitha gjurmët turistike duke filluar që nga tuneli i Thirrës deri në Shëngjin.

  Po ashtu përfaqësuesi i IFAD-it në Mirditë z. Zef Beleshi ka vënë theksin në përmirësimin e infrastrukturës brënda fshatrave përmes grandeve të vogla, për të ndërhyrë në rrugë, ujsjellës të fshatrave, lagjeve.

  Ndërsa zv/shefi i IFAD-it Lorenzo Copola shprehu mirnjohjen e tij për prezencën e të pranishmëve në këtë takim. Ai tha se forumi duhet të ngrejë zërin për ivestime dhe projekte. Ai tha se forumi duhet të gjejë rrugët për të ndikuar në grupet e varfëra.

  Ndërsa Marie Biba tha se këtë forum e kam parë si një dritare nga e cila duhet marrë informacione. Është e vërtetë se jemi në zona me probleme për sa i përket gjysmës së popullsisë, që janë vajzat dhe gratë. Nëse burrat dalin edhe në emigrim apo punë të ndryshme, gratë janë më të mbyllura ndaj edhe ka pas raste vetëvrasjesh ose vetë ato janë kthyer në gra të dhunshme. Mendoj se ky forum është i përshtatshmë për zonën tonë, ka pwrfunduar znj. Marie Biba.

  Më tej të gjithë të pranishmit kanë vizituar qëndrën e gruas e cila është finacuar nga Caritasi-Austriak. Në këtë qëndër mblidhen gra dhe vajza të cilat trainohen përmes kurseve në degët e rrobaqepësisë, kompiuter dhe guzhinë. Pjesmarrësit kanë vizituar zyrën e forumit të Mirditës, ku kanë evidentuar mangësitë infrastrukturore dhe nevojat për përmirësimin e punës

a. n