Agjensia Kombëtare e Burimeve Natyrore, takim promovues për evidentimin e dhe shfrytëzimin e burimeve natyrore. Merr pjesë edhe Kryetari i Bashkisë Rrëshen z. Gjon Dedaj.

 Prej disa kohësh  Agjensia Kombëtare e Burimeve Natyrore (AKBN), po organizon në Qarqe të ndryshme të vëndit, një tur promovimi të misionit të tij. Këtë rradhë drejtuesit e kësaj axhensie bënë takimin e rradhës në qytetin e Shkodrës, ku ishin të ftuar drejtuesit e Pushtetit Lokal të qarkut të Shkodrës dhe të Lezhës. Nga Mirdita i pranishëm në këtë takim të rëndësishëm, ishte kryetari i Bashkisë së Rrëshenit z. Gjon Dedaj.

Takimin e hapi Kryetari i AKBN, Z. Milo Kuneshka, i cili pasi u uroi mirëseardhjen të pranishmëve në sallë, përcolli përshëndetjen e Ministrit të Ekonomisë, Tregëtisë dhe Energjitikës, Z. Genc Ruli, që për detyrime të qeverisë nuk mundi te merrte pjesë në këtë takim. Në vënd të tij mori pjesë Sekretari i Përgjithshëm i kësaj ministrie z. Durim Kraja. Në historikun e shkurtër të kësaj axhensie, z. Kuneshka bëri të ditur se AKBN e krijuar një vit e gjysëm me parë, është konceptuar si pjesë e reformës qeverisëse, me një program afatmesëm dhe afatgjatë të saj, është konceptuar dhe krijuar si një strukturë që të mbrojë interesat e shtetit shqiptar dhe që lidhet me Burimet Natyrore të Shqipërisë. Njëherazi, është konceptuar dhe krijuar si strukturë edhe për të lehtësuar jetën e investitorëve, nëpërmjet procedurave sa më të thjeshta, transparente dhe sa më të zbatueshme. AKBN vazhdoi Z. Milo - është një strukturë që varet nga Ministri, promovon burimet natyrore dhe synon tregun. Detyrat kryesore të AKBN jane: promovimi i burimeve natyrore, monitorimi i veprimtarive te ndryshme, si minerare dhe HEC-et, të bëjë oponenca për llogari dhe sipas kërkesës së Ministrisë për projekte në fushat e veprimtarisë që mbulon dhe shumë shpejt edhe në rastet e burimeve të tjera natyrore. Për të realizuar këto detyra dhe objektiva, AKBN është organizuar në pesë Departamente, si Departamenti Minerar, i Hidrokarbureve, i Hidroenergjitikës, i Burimeve të Rinovueshme dhe ai i Bashkërendimit, që bashkërendon punën midis departamenteve të Agjensisë dhe të Agjensisë me struktura të tjera. Këto vitet e fundit vazhdoi Z. Milo - është rritur numri i investitorëve vendas në fushën minerare dhe në atë të ndërtimit të HEC-eve. Kjo edhe për arësyen, se çmimet janë të favorëshme dhe pikërisht, ngacmimi i parë, që AKBN nisi ketë tur promovimi në gjithë Shqipërinë, është që t’i mbështesë të gjithë investitorët, që burimet natyrore të vendit tonë të shfrytëzohen sa më mirë dhe në mënyrë racionale. Ne, tashmë, kemi procedura të qarta dhe të sakta dhe për çdo vështirësi, kontaktoni me AKBN, si hallkë e rëndësishme e zinxhirit. Të jeni të sigurtë vazhdoi Z. Milo - se do të keni gjithmonë mbështetjen e saj. Ju mund të vizitoni dhe faqen tonë të Internetit, me mjaft material, ku mund të gjeni atë që jeni të interesuar dhe pikat e kontaktit me AKBN .

Ndërsa më tej specialistë të kasaj axhensie kanë bërë të ditur me shifra për mundësitë e shfrytëzimit të resirseve të ndryshme natyrore ku një vënd të rëndësishëm zë edhe zona e Mirditës. Pas përshëndetjes së konsullit Italian në Shkodër fjalën e ka marrë kryetari i Bashkisë së Rrëshenit z. Gjon Dedaj.

 Fjala e plotë e kryetarit të Bashkisë së Rrëshenit z. Gjon Dedaj:

 Personalisht e kënsideroj si privilegj këtë takim, ju falenderoj për ftesën pasi së pari pasi mendoj se kontaktet dhe informacioni janë një pushtet i shtuar, dhe së dyti se mendoj se jemi mjaft vonë për të ditur se sa i vlefshëm dhe sa i mbrojtur cdo metër2 i Shqipërisë. Pavarësisht se unë e kam privilegjin me qënë qytetar i parë, besoj se privilegjin më të madh do e kisha nëse AKBN-ja të mund të përkthehet në terrenin e Mirditës dhe bashkisë Rrëshen. Unë me të vërtetë e kam edhe një avantazh, sepse tash pas 15 vitesh kthehem për të biseduar rreth elementëve të profesionit tim të parë, pasi unë jam inxhinier gjeolog. Jeta ka dashur që ne të marrim profesione të tjera. Këtë të politikës e kam më të ri, por mendoj që të mund ti japësh jetë këtyre elementëve profesionalë, duhet patjetër të jemi përputhur me një sentencë të mirditorëve të cilën unë e kam për ndër ta përdor edhe në mënyrë të përsëritur.

Që të mund të hapësh një derë të paktën duhet me i ditur tre gjëra. E para të dish ku është dera, e dyta të dish si të trokasësh, dhe e treta, të dish të presësh. Më duket se shumëca e pushtetarëve vendorë nuk e dinë mirë se ku është dera e kësaj axhensie. Natyrisht pritja e një ministrie mund të jetë e drejt përdrejtë, por kur kjo nuk është e mundur, mirë që ligji të mundësonte të kalohej përmes pushtetit lokal. Nëse kjo kopetencë zbret në këtë mënyrë, atëherë ne kemi personat përgjegjës për të qënë aktiv. Shpresoj që një ditë Mirditës të mund t’i kthehet ai efektivitet i pasurisë që ka pasur, për të qënë kaq krenar sa ç’është një mirditor në Shkodër që respektohet. Shkodranët, shumë mirë duhet ta verefikojnë një mirditor se është i pa ditur që të mos e respektojnë. Ky është një privilegj i yni që na e kanë ndërtuar të parët. Tani na duhet të ndërtojmë një mardhënie tjetër të qytetarisë, të bashkëjetësës. Unë pash këtu mjaft gjëra që mua më pëlqejnë, por natyrshëm të vijmë edhe tek modifikime të tjera. P.sh. Leja e shfrytëzimit mund të jetë aktive ose e pezulluar, por jo s epunohet ose nuk punohet. Unë e kuptoj se këtu ka mungur kontrolli në terren. Unë ju përshëndes dhe ku falenderoj që më dëgjuat.

Pas kësaj Drejtori përkatës i dhënies së lejeve të shfrytëzimit të inerteve tha se sëshpejti do të merren masa për anullimin e disa lejeve për subjektet që nuk kanë respektuar ligjin dhe rregulloret e AKBN.

a.n