Kryetari i bashkisë Rrëshen priti ambasadorin e Spanjës në vëndin tonë z. Manuel Montobbio. Rubiku miraton Planin rregullues të qytetit.

 Kryetari i Bashkisë Rrëshen z. Gjon Dedaj priti ambasadorin e Republikës së Spanjës në vëndin tonë z. Manuel Montobbio. Z. ambasador shoqërohej edhe nga specialistë të Agjensisë spanjolle “Aprodel” Irene Cabreas kordinatore e këtij projekti, Andreas Conse ekspert për projekte në Spanje, Alejandro Canas edhe ky kordinator i APRODEL.

Në fillim kryetari i Bashkisë Rrëshen z. Dedaj u ka uruar për mirseardhjen, duke i informuar se ishin në qytetin qëndër të Mirditës, një qytet relativisht i ri, i cili zë fill në vitin 1949. Duke vijuar më tej, z. Dedaj tha se jemi një grup i madh i qeverisësve vendorë që kemi një bashkëpunim shumë të mirë me agjensinë spanjolle Aprodel, dhe falë punës dhe ndihmës së specialistëve tuaj, tashmë shumë projekte kanë marrë udhë. Ne tha Dedaj, po punojmë shumë për të përfituar kohën e humbur.

Ndërkohë që ambasadori spanjoll z. Manuel Montobbio, tha se njeriu politik është ai që harton iniciativa. Është mirë që të besohet se ju keni kapacitet për të punuar në këtë trevë. Unë do të doja të të falenderoja për pjesmarrjen qytetare, fakt ky që na bën të besojmë se mund të garantohet një proces i rëndësishëm. Duke folur për aktivitetin e Aprodel, z. amabsador tha se ja ka vlejtuar barra qeranë për angazhimin në këtë proces.

z. Gjon Dedaj duke rimarrë fjalën tha se falenderoj shumë për angazhimin e Aprodel në trevën tonë. Ai theksoi se tashmë është krijuar një normalitet me adminstaratën, dhe se ajo nuk ndërrohet me ndryshimet politike. Ne kemi ditur ti ruajmë kapacitetet pasi kjo është pjesë e marrveshjes tonë.

Duke folur më tej, z. Dedaj tha se se kemi ditur të gjejmë derën por edhe për të trokitur në dyert e Europës.

I menjëhershëm ka qënë edhe reagimi i ambasadorit i cili tha se ju tashmë jeni në Europë, Shqipëria është në Europë, dhe se tashmë kujtoj një thënie të një presidenti amerikan i cili thoshtë: Mos shiko cfar bën Amerika për ty, por cfar bën ti për Amerikën. Referuar kësaj, z. Ambasador tha se duhet të shikoni, jo cfar bën Europa për ju, por çfar bëni ju për Europën, pasi ju tashmë jeni pjesë e saj.

Në fund z. Manuel Montobbio i dhuroi z. Dedaj një roman me titull: “Vullnetarët e Lirisë” ku flitet edhe për luftëtarin Petro Marko, i cili ka marrë pjesë në luftën e Spanjës. Z. ambassador tha se ky është ndër të parët libra që është përkthyer nga spanjishtja në shqip.

 Rubiku miraton Planin rregullues të qytetit.

 Pak orë më parë ambasadori spanjoll u ndalua në qytetin e Rubikut, në ceremoninë e miratimit të planit rregullues të këtij qyteti. Plani rregullues është realizuar me mbështetjen e APRODEL, agjensisë spanjolle për zhvillim.

Në këtë ceremoni ku merrnin pjesë edhe zyrtarë dhe bashkëpunëtorë të APRODEL-it, z. Mark Ruçi në cilësinë e Kryetarit të Bashkisë Rubik tha se me këtë projekt synojmë të realizojmë një plan serioz rregullimi për qytetin por edhe për zonën nga Fangu në Vaushkjezë, zonë e cila kalon edhe autostrada për në Kosovë. Z. Mark Ruçi falenderoi Aprodel-in për bashkëpunimin e ngushtë me Bashkinë Rubik, pasi pikërisht me mbështetjen e tyre sot bëhet i mundur miratimi i planit rregullues. Sipas Ruçit, brënda vitit të ardhshëm synohet dyfishimi i buxhetit. Do të ketë më shumë para në buxhet e për pasojë, më shumë shërbim ndaj qytetarëve. Një mundësi e tillë është falë bashkëpunimit me donatorët, një ndër të cilët është edhe APRODEL. Në fund Kryetari i Bashkisë Rubik z. Mark Ruçi ka falenderuar teknikët e Aprodeli-it për mbështejen e tyre.

Më pas përmes një videoprojektori, ing arkitetkt z. Ndue Gjaci bëri paraqitjen e detajuar të planit urbanistik të Rubikut.

Pas kësaj ka qënë z. Mark Ruçi i cili ka vlerësuar punën e bërë nga studioja e projetimit të z. Ndue Gjaci, duke thënë ky plan është diskutuar gjerësisht me shumë aktorë të interesuar, qytetarë të Rubikut dhe ish-pronarët.

Ndërsa ambasadori spanoll në Tiranë z. Manuel Montobbio, ka dhënë vlerësim mjaft pozitive për projektin e paraqitur. Ai i ka uruar të të gjithë ata për sforcon dhe mundimin, pasi kjo është një shënjë pjekurie në rrugën ku po ecën Shqipëria. Më tej z. Ambasador ka thënë se është e rëndësishme që të kesh një projekt që përfshin interesat e të gjithëve.

Vlerësime shumë pozitive kanë dhënë edhe Alejandro Canas, si dhe pjestarë të tjerë të Aprodel.

 A. Ndoja