Rrësheni qyteti me gjelbërim të përhershëm.

  Prej kohësh vizitorë të shumtë, emigrantë apo edhe të huaj, nuk kalojnë pa vlerësuar faktin se Rrësheni përveqse një qytet i pastër e pa kafshë nëpër rrugë, është edhe një qytet nga më të gjelbëruarit në vënd. Në çdo rrugë apo sheshe paranë pallateve, bie në sy  një gjelbërim i konsiderueshëm dhe mjaft i larmishëm, i cili ka një efekt të rëndësishëm jo vetëm në pastrimin e ajrit, por edhe në estetikën e një qyteti. Sipas përgjegjësit për gjelbërimin e qytetit, agronomit Gjovalin Jaku, sipërfaqja e gjelbëruar ka arritur në kuotën e mbi 20 mijë m2 lulishte. Referuar premtimeve elektorale të kandidiatit tashmë kryetar i bashkisë z. Gjon Dedaj, mësohet se është premtuar që sipërfaqja e gjelbëruar në qytet do të shtohet me 3000 m2 në vit. Ndërsa Gjovalin Jaku thotë se në vitin e parë të këtij mandati, është tejkaluar dukshëm. Referuar po shifrave, një vit ma parë siparfaqja e gjelbëruar ka qënë në masën prej 15 mijë m2. Sot pas një viti, rezulton se janë shtuar 4 mijë m2 siparfaqe, ndërsa është në proces ndërtimi i një lulishteje moderne në rrethimin e muzeut të qytetit Rrëshen. Kjo sipërfaqe është në masën 1200 m2, përfundimi i së cilës e çon sipërfaqen e gjelbëruar në 20 mijë m2 sipërfaqe të gjelbëruar. Gjovalin Jaku thotë se edhe vitin tjetër do të ketë sipërfaqe të reja të gjelbëruara, deri kur në qytet të mos mbesë asnjë metër e lirë pa u gjelbëruar. Ajo çfar bie në sy ka të bëjë me faktin se lulishtet në të gjitha ambientet e qytetit janë mjaft cilësore dhe rezistente ndaj klimës së qytetit. Përveq tendencës gjithnjë e në rritje për shtim të siparfaqes së gjelbëruar në qytet, një kujdes i veçantë  i është kushtuar kujdesit dhe mirmbajtjes së atyre sipërfaqeve të gjelbëruara që janë në efiçensë. Kështu edhe në këto ditë të nxehta vere me me kufizim të konsiderueshëm të ujit nga thatësira, janë marrë të gjitha masat që lulishtet të mos dëmtohen. Kështu firma përkatëse e drejtuar nga agronomi Jaku, ka bërë rregullisht vaditjen duke e marrë ujin me mjete transporti nga lumi, duke shmangur rrezikun e thatësirës.

 Donatorët:

 Donatori kryesor është vetë Bashkia Rrëshen e cila një pjesë të buxhetit të saj e kalon në dispozicion të gjelbërimit të qytetit. Vlerësimet e qyterëve kanë qënë ndër më të lartat ndërkohë që Bashkia Rrëshen vijon ta shohë me kujdes këtë proces të rëndësishëm. Ndërsa donatorë i rëndësishëm që kanë dhënë një ndihmesë të rëndësishme për gjelbërimin në qytet, është Qendra Rajonale e Mjedisit për Evropën Qendrore e Lindore (REC). Kjo qëndër ka finacuar dy projektë të rëndëshme në Rrëshen. Në financimin e parë prej 10 mijë Euro me donator Ambasadën Suedeze, është ndërtuar një lulishte mjaft e vlerësuar nga qytetarët, në pjesën e sipërme të qytetit, në afërsi të Kopshtit të Fëmijëve. Një ivestim  mjaft i rëndësishëm i cili është në proces është finacuar nga amabasada Hollandeze. Me një donacion prej 10 mijë Euro, po ndërtohet një lulishte mjaft moderne në ambientet e jashtme të Muzeut Historik në një sipërfaqe prej 1200 m2.

Po ashtu edhe Banka Popullore (Societe General Group) ka qënë një donatori i rëndësishëm në qytetin e Rrëshenit. Me një financim të konsiderueshëm është bërë mbjellja e disa pemëve në Bulevardin “atë Gjergj Fishta” Pemët janë të një cilësie të lartë dhe të llojeve të rralla, që përshtaten mirë me klimën e Rrëshenit.

 Pak informacion për REC.

 Qendra Rajonale e Mjedisit për Evropën Qendrore e Lindore (REC) është një organizatë ndërkombëtare jopartizane, joavokate, jofitimprurëse me mision mbështetjen për zgjidhjen e problemeve mjedisore në Evropën Qendrore e Lindore (EQL). Qendra e përmbush misionin e saj duke nxitur bashkëpunimin ndërmjet organizatave joqeveritare, qeverive, bizneseve dhe aktorëve të tjerë mjedisorë, si dhe duke mbështetur shkëmbimin e lirë të informacionit dhe pjesëmarrjen e publikut në vendim-marrjen mjedisore.
REC është krijuar në 1990 nga Shtetet e Bashkuara, Komisioni Evropian dhe Hungaria. Sot REC bazohet ligjërisht në Kartën e REC, nënshkruar nga 28 vende dhe Komisioni Evropian dhe në një marrëveshje ndërkombëtare me qeverinë hungareze. REC ka zyrën qendrore në Szentendre, Hungari dhe zyrat e vendeve në secilin prej 15 vendeve përfituese, të cilat janë: Shqipëria, Bosnja-Hercegovina, Bullgaria, Kroacia, Republika Çeke, Estonia, Hungaria, Letonia, Lituania, RIJ e Maqedonisë, Polonia, Rumania, Serbia-Mali i Zi, Sllovakia dhe Sllovenia. Donatorët më të fundit janë Komisioni Evropian dhe qeveritë e Shqipërisë, Austrisë, Belgjikës, Bosnje-Hercegovinës, Kanadasë, Kroacisë, Republikës Çeke, Danimarkës, Estonisë, Finlandës, Gjermanisë, Hungarisë, Italisë, Japonisë, Letonisë, Lituanisë, RIJ të Maqedonisë, Hollandës, Norvegjisë, Polonisë, Serbi-Malit të Zi, Sllovenisë, Suedisë, Zvicrës, Mbretërisë së Bashkuar dhe Shteteve të Bashkuara, si dhe organizata të tjera ndërqeveritare dhe institucione private. 01. 08. 2008

A. Ndoja