District XI  (Beso tek unë)

-Shfaqje treditore në anglisht e grupit të vullnetarëve të Korpusit të Paqes-

 Për tri ditë me rradhë salla e shfaqjeve në pallatin e kulturës Rrëshen ka patur publikun e vecantë të Rrëshenit për të ndjekur shfaqjen teatrale mixe në anglisht me një nga përvojat e bukura të sjella tashmë në këtë qytet prej vullnetarëve të Korpusit të Paqes.

Sarah Christensen, vullnetare pasionante në Rrëshen, ka mundur të mbledhë një kastë prej 45 nxënësish, të cilët kanë perfomuar këndshëm dhe në nivel të lartë artistik shfaqjen “District XI” (Beso tek unë)”,duke mbajtur të “gozhduar” për tre netë vëmendjen e publikut tek gjithcka që është përcjellë në skenë.

Është ndër shfaqjet e bukura të kthyera në traditë pas disa teatrove të organizuara cdo vit nga ky grup vullnetarësh dhe që më pas në muajt e verës grupet e nxënësve kanë mundur të shijojnë kampet verore në Amerikë.

Por shfaqja e sivjetme ishte e vecantë jo vetëm për faktin e një pjesëmarrje të gjerë aktruesish, por dhe mënyrën e konceptimit dhe organizimit si dhe lëvrimin e shumë gjinive të artit brenda një show, që nga kënga, interpretimi teatror, kërcimi, baleti dhe në njëfarë mënyre dhe copëza “musicall” të performuara bukur nga trupa e nxënësve të shkollës së mesme Rrëshen.

Morën pjesë në këtë aktivitet si interpretues, solistë ne këngë apo balet si dhe interpretime të tjera këta nxënës: Livia Bala, Gerti Beleshi, Valeria Canga, Emanuela Dedaj, Mark Dedaj, Stela Dodaj, Klevis Dushi, Anita Gjaci, Antonio Gjaci, Ana Gjeci, Valesa Gjeci, Edizano Gjini, Alisa Gjoka, Eneida Hoxha, Retila Hoxha, Ilia Jahja, Ergena Kacorri, Erisa Kacorri, Joana Kacorri, Eliona Kola, Flavia Kola, Adriano Lleshi, Simona Lurthi, Eneida Marku, Alda Molla, Ada Mrruku, Eridiola Ndoj, Erterina Ndoj, Eurenia Ndoj, Xhorxhida Ndoj, Dorentina Nikolli, Elias Nikolli, Ina Nikolli, Serxhio Pergjoni, Arlinda Pikuli, Gjergji Pjetraj, Jonida Pjetraj, Ameda Pjetri, Klementina Reci, Megi Reci, Samanta Reci, Kejsi Topollaj,

Si dhe: Amanda Doll, Fran Gjini, Rebecca Lipman.

Në hapjen e këtij aktiviteti për publikun, drejtuesja Sarah Christensen tha se “ndjehem krenare të paraqes para jush shfaqjen time të tretë në Rrëshen District XI (Beso tek une). Pranverën që shkoj po mendoja se cfarë pjese do vinim në skenë në fund të vitit, por kur shkova këtë korrik me grupin e vjetshëm të nxënësve tek Kampi KIDS WHO CARE në Ford Worth Texas,u mahnita nga energjia e stafit atje. Në vetëm tri javë u arrit të ngrihej në këmbë një shfaqje e tërë, i thashë vetes: nëse ata e arritën në tri javë,unë duhet të jem e zonja ta organizoj për dy muaj në Rrëshen! Me ndihëm e disa vullnetarëve të terë të Korpusit të Paqes jam e lumtur t’u paraqesim punën tonë me një kastë prej 45 nxënësish, një profesor shqiptar, dy vullnetarë të Korpusit të Paqes dhe me një grup pune të përbërë nga një regjisor, një asistent regjisor, një koreograf dhe me një asistent regjizore në muzikë, ky ka qenë grupi më i madh teatral që kam organizuar ndonjëherë, faleminderit që po e ndani këtë kënaqësi me mua!

Falenderime speciale shkojnë dhe për bashkianë Rrëshen për ndihmën e dhënë, përgjegjësin e kulturës Gjergj Marku, teknikun e zerit Lin Kiku, për ata që na ndihmuan si vullnetarët Frances Anderson, Rachel Berryman, Stephanie Dorning,Brett Mons, KT Gustafson apo Olta Beleshi,Dori Prenga,Antola Filej.

Drejtore muzike Tauschia Kopeland, e cila ka lindur në Portland, Oregon. Punon vullnetare në Korpusin e paqes në departamentin për zhvillimin e komunitetit Gramsh. Në moshën 8 vjecare ajo filloj të aktivizohej në fushën e artit, kryesisht në muzikë dhe producimin e operave. Pas dy vitesh shkolle muzike ajo ndryshoj fokusimin e saj për t’u diplomuar në komunitet, mjedis, planifikim dhe frëngjisht në universitetin Uashington, Siatëll.

Koreograf kërcimi: Travis Sabram. Vullnetar i Korpusit të Paqes për shëndetin që punon dhe jeton në Vlorë. Ka marrë pjesë në një produksion të shfaqjes „Les Mouches“ dhe ka drejtuar e ka marrë pjesë në shumë performanca tek The Rokcky Hororr Picture Shoë. Asistent koreograf: Julian Gjaci. Asistente mzuike: Ornela Lleshaj. Asistent direktor: Pavio Gjini. Drejtore e shfaqjes: Sarah Christensen.

Në natën e tretë të shfaqjes ka qenë dhe kryetari i bashkisë Rrëshen, i cili ka përshëndetur gjithë organizatorët-vullnetarë të Korpusit të Paqes që prej vitesh i japin tonin jetës komunitare në Mirditë dhe jo vetëm. Ai i ka përshëndetur në anglisht trupën e kësaj shfaqje,duke theksuar se përvoja të tilla na bëjnë më të ndjeshëm ndaj zhvillimeve si dhe perspektivës që duhet t’iu hapim këtij brezi të talentuar, pas një shfaqjeje që na bën të mendojmë shumë. Ishte një nga netët më të këndshme që kalon qyteti dhe që në fakt  kjo sallë do duhej të ishte më e mbushur, për të kuptuar energjitë tuaja, pasionin dhe idealizmin tuaj për ta bërë qytetin tonë më të bukur, më të jetueshëm. Ne do të luftojmë për ditë për ta bërë të mundur këtë aspiratë, të gjithë sëbashku.

Më pas e gjithë trupa ka bërë një fotografi sëbashku si një kujtim i një pune të bukur e të pëlqyeshme nga publiku i tre netëve.

Përgatiti: Aleksander Ndoja