Ansambli folklorik “Mirdita” bashkon në një sallë mirditasit që banojnë në Durrës.

    Qindra banorë të qyetit të Durrësit, kryesisht mirditorë që në kuadrin e lëvizjes së lirë kanë zgjedhur të jetojnë në këtë qytet, janë mbledhur për të festuar sëbashku. Këtë rradhë në sallën e pallatit të kulturës “Aleksandër Moisiu” banorët mirditas të Durrësit, për më shumë se dy orë kanë ndjekur këngën dhe muzikën e bukur mirditore, interpretuar nga pjesëtarët e anasamblit artistik të qëndrës Kulturore të Rrëshenit. Salla e tejmbushur ka duartrokitur gjatë këngëtarët të hershëm dhe të tashëm të këtij ansambli, që me zërin e bukur dhe me interpretimin e brilant sollën në Durrës, Mirditën dhe mirditorët. Pjëtër Marku drejtori i qëndrës kulturore të Rrëshenit, tha se ansambli është në fazën e rikonstrukturimit total dhe po përgatitemi që së shpejti të organizojmë një aktivitet të gjërë në Tiranë me emërtimin “Mirdita në Metropol”, një vazhdim i traditës më të mirë kulturore, për të bërë sa më të njohur kulturën mirditore jashtë kufinjve të saj. Ndërsa koncerti i dhënë në Durrës ishte një test i cili rezultoi të ishte mjaft i suksesshëm dhe  inkurajues, për aktivitete të tjera në këto përmasa apo edhe në përmasa më të mëdha, siç do të jetë ai i muajit Qershor në Tiranë.

Koncerti!

Ka qënë ora 18 e datës 22 maj, kur me hapjen e siparit të skenës së “Aleksandër Moisiut” në skenë dalin të gjithë pjestarët e ansamblit artistik “Mirdita” nën interpretimin e një intervali muzikor mirditas. Ky ka qënë momenti kur të pranishmit që kishin mbushur të gjithë kapacitetin mbajtës të sallës dhe të llozhës, kanë shpërthyer në duartrokitje të gjata. Ndërsa përmes një monitori janë dhënë pamje nga qyteti i Rrëshenit dhe zona të tjera nga Mirdita. Koncerti filloi përmes prezantimit të z. Gjergj Marku, ndërsa më pas skena ka qënë pronë e  këngëtarëve të ansamblit. Duartrokitjet e para i kanë marrë këngët e interpretuara nga kënkëtari Kastriot Kola dhe Afërdita Lala. Më pas, përmes në inerpretimi muzikor me tekst humoristik me titull “tash erdh koha me lujt derën”, këngëtari Nikoll Preçi ka ndezuar entuziasmin e të pranishmëve. Koncerti ka vijuar me këngëtarët Prena Beleshi dhe Fran Preçi, ndërsa shumë i duatrokitur ka qënë këngëtari Bardhok Deda i shquar për interpretimin brilant të disa këngëve. Por surpriza e këtij koncerti ka qënë këngëtarja e mirnjohur e ansamblit “Mirdita”, Mrika Trumshi. Këngëtarje e mirnjohur e “Xhamadanit të Trimërisë” e cila prej më shumë se 20 vitesh jeton në qytetin e Durrësit, ka ditur që të mposhtë emocionet e shumta dhe pa asnjë provë paraprake, ka korrur duartrokitje të shumta me këngën që dikur tronditi bedenat e Gjirokastrës, duke fituar çmimin e parë në njërin prej festivaleve folklorikë.  Pjesë e këtij koncerti ka qënë edhe interpretuesi virtuoz Gjovalin Ndreca, me origjinë nga pjesa mirditore e Pukës dhe me banim në Lezhë. Ndreca mban gjallë teknikat e hershme të të bërit muzikë përmes disa instrumentave të hershëm, të përdoruara nga mirditasit. Të pranishmit për mes monitorit janë njohur me punimet në rrugën Durrës –Kukës e cila kalon përmes Mirditës, dhe me arritjet e mirditasve të vendosur në zonën e Durrësit. Ndërsa ka përshëndetur nga llozha këngëtari i mirnjohur durrsak, Qemal Kërtusha. Ai vuri në dukje se kënga mirditore është shumë e pëlqyer sidomos për tekstet dhe për muzikën e rrallë. Kërtusha i përshëndeti të pranishmit me një këngë qytetare durrsake të cilën të pranishmit e durtrokitën gjatë. Të pranishmit u përshëndetën nga dr. Nikoll Toma i cili banon në Durrës dhe kryetari i bashkisë së Rrëshenit z. Gjon Dedaj.

 Koncerti artistik i anasamblit “Mirdita” në Durrës u mbyll me këngën hymn të Mirditës, “Si vëndlindja jonë nuk ka” me autor poetin e mirnjohur Gjok Beci. I gjithë teksti i këngës i  kënduar nga të gjithë pjestarët e ansamblit, u mbështet nga të pranishmit. Në fund pjesmarrësit vlerësuan dhe falenderuan të gjithë oraganizatorët, për faktin se udhëtuan nga Mirdita për të bashkuar përmes artit të gjthë mirditasit në qytetin e Durrësit.

A. N