Bisnezi privat në ndihmë të reabilitimit të infrastrukturës në qytet.

Bardhok Jushi është një ndër ivestitorët e njohur në fushën e ndërtimeve. Pas disa ndërtimeve të tilla në qytetin bregdetar të Shëngjinit, ku spikasin disa pallate banimi por edhe lokale, z. Jushi ka filluar që të ivestojë edhe në qytetin e tij të lindjes, Rrëshen. Në një kohë rekord prej disa muajsh, në afërsi të Muzeut Historik u ndërtua një pallat banimi 9-katësh, me lokale në katin e parë. Cilësia e lartë e ndërtimit, përmasat dhe kushtet brëndshme të apartamenteve kanë bërë që ata të jenë mjaft të kërkuar nga tregu. Por ndërtimi në fjalë, mbi të gjitha i ka dhënë një pamje mjaft komode asaj pjese të qytetit ku është vendosur ai ndërtim.

Por në rastin konkret, nuk është fjala për të vijuar më tej me cilësinë dhe vizionin e ndërtuesit Bardhok Jushi, por me kontributin e tij në shërbim të komunitetit të Rrëshenit. Të gjithë kujtojnë se si ka qënë rruga që shkonte në drejtim të Muzeut Historik. Gropat e shumta kishin ditë që po ravijëzoheshin, ndërkohë duhej edhe pak kohë që vetë Bashkia të ndërhynte për reabilitimin e saj. Kjo ka rënë në sy edhe të ivestitorit të pallatit 9-katësh, Bardhok Jushit, i cili në mënyrë vullnetare, me fondet e firmës së tij filloi nga puna për reabilitimin total të saj.

Vetë Bardhoku thotë se situata para pallatit të sapo ndërtuar ofronte jo shumë qytetari. Unë e mora vendimin që të ndërhyja këtu, duke ivesuar një pjesë të konsiderueshme nga fitimet e firmës së ndërtimit, që në rastin konkret kanë kaluar mbi 6000 euro. Për pasojë unë kontaktova me  specialistë të reabilitimi të rrugëve, dhe u kërkova atyre që kundrejt tarifave të tyre, të fillonin nga puna për riparimin e saj. Pra u fillua me hapjen e kanaleve anësore, dhe atyre të shkarkimit të ujrve të zeza dhe të bardha. Pas kësaj u fillua me asfaltimin e plotë të  rrugës, ndërsa më përpara u identifikuan dhe u neutralizuan gropat e thella. Në pak kohë kjo u reabilitua totalisht, dhe për pasoj edhe hyrja për tek pallati i ri por edhe te muzeu, është bërë mjaft komode. Kjo rrugë është e lidhur edhe me bllokun e pallateve pranë spitalit dhe me lulishten aty pranë.

Ndërsa Bardhoku tashmë ka premtuar edhe për një ndërhyrje të rëndësishme për reabilitimin e çatisë së Muzeumit Historik. I lënë në mëshirë të fatit prej më shumë se 17 vitesh, ky muze mbart brënda tij vlera të pa tjetërsueshme të historisë sonë. Por prej kohësh ato vlera janë seriozisht të kërcënuara nga lagështia që vjen nga çatia, e cila ka nevojë për shtresa izoluese. Bardhoku thotë se me të dalë koha e cila do të bëjë tharjen e tarracës, firma e tij menjëherë do të nisë nga puna për izolimin total të saj, dhe shpëtimin e vlerave historike nga rreziku i dëmtimit të tyre.

A. Ndoja