Marjanne Graf, përuron banesën e parë sociale në Veri. Austria-Albania Partnerschaft strehon katër familje nga më në nevojë të Rubikut.

Rubiku është qyteti i parë në veri që përfundoi ndërtimin e banesave të para sociale, në të cilët do të strehohen familjet më në nevojë të këtyre anëve. Ndërtesa e bukur dy katëshe në hyrje të qytetit të Rubikut është ndërtuar nga firma “Nikolli” shpk, ndërsa finacimi ka qënë i znj. Marjane Graf, presidente e fondacionit Austria-Albania Partnerschaft. Kjo grua është shumë e njohur në Mirditë, ndonëse qyteti i saj i lindjes është Grac i Austrisë. Vepra e saj bamirëse konsiston në ndërtimin e numri të madh objektesh social-kulturore, ndërtim banesash për më të varfrit, ndihma të gjithanshme për përmirësimin e jetës dhe kurimin e sëmundjeve tek fëmijë të ndryshëm që nuk kanë pasur mundësinë e kurimit në vëndin tonë. Ndërsa sot atmosfera ka qënë mjaft entuziaste në qytetin e vogël të Rubikut. Qindra banorë janë mbledhur para godinës tashmë të përfunduar, për të marrjë pjesë në ceremoninë festive me këtë rast. Ndërsa Marjane Graff ka lënë për pak ditë spitalin në Grac të Austrisë për të marrë pjesë në këtë ceremoni ku prej ditës së sotme do të strehohen katër familje nga Rubiku. Si gjithnjë e shoqëruar nga bashkëpunëtori më i afërt e saj Skënder Thaçi, Marjane Graf është pritur me lule dhe duartrokitje nga të pranishmit.

Ceremonia

Ka nisur me këngë e me valle, nga Pallati i Kulturës “Mirdita”, ndërkohë që kryetari i Bashkisë Rubik z. Mark Ruçi në hapje të ceremonisë, ka thënë se kam nderin, kënaqësine por edhe emocionion që me jepet shansi të përshëndes në këtë ceremoni të përzemërt, të inagurimit të kësaj banese sociale për familjet në nevojë, një ngjarje tejet e veçantë për banorët e zonës. Kjo falë këmbënguljes, përkushtimit dhe zemrës së madhe të mikes sonë të përbashkët Dr Marianne Graf. Duke vijuar më tej, z. Ruçi tha se tashmë të gjithë e kuptojme mirefilli se Rubiku është transferuar me së shumti nga ndihma bujare e zonjës Graf dhe puna e palodhur e zotit Skënder Thaçi që kanë mbuluar ne vazhdimësi qe prej 12 vjetesh mungesën e strukturave shteterore në zhvillimin e zonës.

Ndërsa përshëndjetja e znj Graff ka qënë mjaft e shkurtër dhe e thjeshtë. Ajo ka falenderuar për pritjen e përzemërt, dhe për punë me cilësi nga firma ndërtuese. Ndërsa është përcjellë me shumë emocion përshëndetja e bashkëpunëtorit më të ngushtë të saj, z. Skëndër Thaçi i cili është nga Kosova. Ai vuri në dukje se zonja Graf ka lënë për ca ditë spitalin në Grac të Austrisë, për të qënë pranë Klajdit të vogël, pranë Ilir Gjokës, pranë gjithë qytetarëve të Rubikut dhe të gjithë Mirditës. Duke ju drejtuar në mënyrë të drejtë përdrejtë, z. Thaqi e ka falenderuar përzemërsisht për punën 12 vjeçare të saj në shërbim të vëllezërve të një gjaku të Shqipërisë. Në këtë ceremoni ka përshëndetur deputeti i zonës z. Gjovalin Prenga etj.

Godina

Është një godinë dy katëshe në të cilën mund të banojnë lirshëm katër familje. Ajo është ndërtuar në të hyrë të qytetit, ndërsa toka për ndërtimin e saj është dhuruar bujarisht nga Kisha e Rubikut e cila e ka në pronësi të saj, ndërsa më të vjetrit kujtojnë se në këtë vënd ka qënë kopshti i kishës në cilën merreshin prodhimet bujqësore. Çdo hyrja ka tre dhoma, koridor të gjatë dhe tualete. Banesat janë mobiluar dhe në to ndodhen të instalauara sistemi i ngohjes, ujit rrjetit elektrik etj. Në një pikmamje, këto banesa nuk mund të quhen socilale, pasi konforti brënda tyre është në kufijtë maksimalë. Të gjitha fondet janë dhuruar nga Marjane Graff dhe fondacioni i saj, Austria-Albania Partnerschaft. Një realizim i tillë është bërë falë një bashkëpunimi të ngushtë mes Marjane Graff dhe bashkisë së Rubikut.

Përfituesit

Një ndër ata që përfituan një banesë të tillë është një i ri i cili afrohet aty në një karrocë. Ilir Gjoka është afruar me ndikhmë e shumë të tjerëve pasi ai prej katër viteve nuk mund të ngrihet nga karroca e ulokut. Megjithëse një djal i fuqishëm dhe mjaft i njohur në zonë, katër vite më parë ka pësuar një aksident të rëndë teksa përpiqej të nxirrte gurë për të siguruar mbijetesën e tij dhe të familjes. Por fatkqësisht një masiv gurësh e ka lënë mbi karrocë, ndërkohë që Marjane Graf, jo vetëm që i ndërtoi një banesë mjaft komode, por i ka garantuar të sjellë një ekip mjekësh nga Austria për të bërë të mundur shërimin e tij.

Banesën tjetër e përfiton Klajdi i vogël i cili është bërë mjaft i njohur për opinionin në Rubik për faktin se kur i kishin mbetur edhe pak ditë jetë, ai është marrë nga Marjanne Graf, dhe është dërguar në një ndër klinikat më të specializuara në Austri ku edhe është operuar në zemër. Falë kësaj ndërhyrje tejet të vështirë, ai është shëruar dhe po bën një jetë normale. Po ashtu, përfitues i një banese është edhe një tjetër banor i fshatit Vau-Shkjezë i cili quhet Preng Prenga. I sëmurë dhe me shumë fëmijë ai nuk ka mundur që me forcat e veta të ndërtojë një banesë ndërsa në ndihmë të tij ka ardhur Marjane Graff, e cila në pak kohë e ka paisur me një banesë bashkëkohore. Pas ceremonise ansambli i Qendres Kulturore "Mirdita" ka vijuar aktivitetin me nje koncert me kenge e valle i cili eshte ndjekur gjate nga te pranishmit.

Aleksandër Ndoja.

Rubik me 30. 10. 2008