Bashkia Rrëshen merr në pronësi 5953 ha tokë pyjore.

 Bashkia Rrëshen po punon intensivisht për t’i paraprirë punës për të qënë e përgatitur për emplementimin e të gjitha nismave për transferimin e aseteve në territorin e Bashkisë, në kuadër të decentralizimit të mëtejshëm dhe pavarësisë së saj. Fillimisht po punohet për tu realizuar kalimi në pronësi të bashkisë i fondit pyjor i cili deri tani është menxhuar nga Ndërmarrja Pyjore. Në këtë kuadër, për ecurinë e punës  në transferimin e pyjeve  më l0.06.2008 në Bashkinë Rrëshen u organizua  takimi me pjesëmarrjen e qeverisë vendore, shoqatës përdorimit  pyjeve e kullotave të bashkisë, federatës pyjeve të qarkut Lezhë, Drejtorisë  Shërbimit Pyjor Mirditë, Projektit Zhvillimit Burimeve Natyrore në  Ministrinë e Mjedisit, Pyjeve dhe Administrimit të Ujrave. Morën pjesë donatorët e implementimit të projekteve Banka Botërore dhe SIDA si dhe sipërmarrësi i ndërgjegjsimit të komunitetit e ngritjes së kapaciteteve S N V. Sipas të dhënave të dokumentuara rezulton se Bashkia  Rrëshen disponon gjithsej 13899 ha pyje, ku shumica dërmuese e tyre, janë  pyje dushku të mundëshme per t’u riprtrirë  me pak investime. Kjo pasuri  shtrihet me të  15 fshatrat e Bashkisë. Që në vitin 2002 ushtron veprimtarinë Shoqata e Përdorimit Pyjeve e Kullotave  të bashkise,në të cilën  janë të përfshira 5 fshatra (Ndërfushaz, Ndërfanë,Fushë Lumth, Bungaj e Kodër Rrëshen). Po punohet për ndërgjegjësimin që të gjithë fshatrat të përfshihen në shoqatë. Është investuar në vitin 2002 dhe 2007 nga shoqata në 134 ha të fshatrave  Ndërfanë, Ndërfushaz Bungaj e Fushë Lumth, për të cilin vlerësimi ka qënë shumë i mirë. Me Vendim të Këshillit  të  Ministrave Nr,124, datë  03.02.2008  kanë kaluar në pronësi të bashkisë 5953 ha fond pyjor, të  11 fshatrave. Është në proces  edhe transferimi i sipërfaqeve të tjera, ku të përfshihen  gjithë fshatrat. Për sipërfaqen  e transferuar në pronësi të bashkisë në vitin 2007 është kryer edhe plani i mbarështimit të pyjeve. Në trajtimin e cështjes u evidentua puna e bërë nga vetë komuniteti për ruajtjen e administrimin e mirë të pyjeve “prone e tyre”, puna e bërë për hartimin e planit menaximit te pyjeve të sipërfaqes transferuar, mirë menaxhimi i investimeve te kryera nga shoqata në të dy projektet e implementuara, intensiteti i veprimtarive  për ndërgjegjësimin e komunitetit dhe  ngritjen e kapaciteteve të shoqatës e komisioneve të pyjeve në fshatra, rritja e shkallës përgjegjësisë dhe interesit të  pushtetit lokal e aktorëve të tjerë që janë përfshirë në kuadrin e transferimit e mirëmenaxhimit të pyjeve e kullotave komunale. U evidentuan edhe rolet  e reja që lindin  dhe  përgjegjësitë  e reja që kanë të gjithë aktorëtt e lidhur me pyjet komunalë si Bashkia, D SH P ja, Shoqata e Përdorimit Pyjeve si dhe domosdoshmëria e një  bashëpunimi  te ndersjelltë e të vazhdueshem. Gjithashtu  u evdidentuan edhe probleme që lindin në këtë proces, si  mos transferimi i gjithë sipërfaqes pyjeve, mungesa e  një plani mbarështimi të pyjeve  per mbi 8000 ha, mospërfshirja e gjithë fshatrave në shoqatë, mos doëzimi faktik i pyjeve në bashki. Doli në pah edhe nevoja për ndimë më të madhe kryesisht me investime për ato grupe  familjesh që janë më interesuarit për pyjet e tyre  si dhe  krijimi i strukturës përkatese në njësinë lokale e probleme të tjera të mbarëvajtjes së punës me pyjet komunalë.

Pal Kola

Specialist i Bujqësisë pranë Bashkisë Rrëshen