Për një bashkëpunim kulturor Francë-Shqipëri.

-Autoritetet e Porso Saone të Francës në Mirditë për trashëgiminë kulturore-

  Përfaqësues të bashkisë Porso Saone të Francës, kanë bërë një vizitë në Mirditë, konkretisht në bashkinë e Rubikut dhe atë të Rrëshenit. Një ditë më parë axhenda e takimeve të tyre përfshinte Lezhën.

Ka qenë një delegacion i kryesuar nga kryetari i këshillit bashkiak të Porso Saones, Jean Paul si dhe drejtuesi i një festivali të përvitshëm folklorik, dhe pjesëtarë të tjerë, që janë interesuar kryesisht për lidhjet kulturore në mes bashkive dhe rajoneve përkatëse me bashkinë që ata përfaqësojnë.

Në Rubik delegacioni francez është pritur nga kryetari i bashkisë Mark Ruci, i cili ka falenderuar miqtë francezë për vizitën e tyre duke theksuar se ata vijnë në një  krahinë me tradita të kulturës, historisë dhe folkut burimor. Duke bërë një paraqitje të detajuar të bashkisë që ai drejton, punës dhe përpjekjes komunitare për të zhvilluar bashkinë dhe për ta integruar natyrshëm në rrjedhat e kohës, kryebashkiaku Ruci theksoj se ne po integrohemi sëbashku me vlerat tona më të mira ndaj i kushtohet rëndësi përcuarjes së tyre ndër breza.

Vizita tjetër e rradhës e delegacionit francez ka qenë bashkia e Rrëshenit, ku miqtë francezë janë pritur nga kryebashkiaku Gjon Dedaj. Në takim ishimn të pranishëm dhe drejtues shoqatash artistike nga Lezha dhe Mirdita, përgjegjësi i ansamblit “Mirdita” Gjergj Marku etj.

Takimin me këtë rast e ka hapur Pashk Ndoci, si interlekutor në mes miqve francezë dhe autoriteteve, por dhe si drejtues i baseneve ujore të luginës së Matit, duke theksuar faktin se ka një ndërlidhje në mes këtij resursi dhe atij burimor foklorik, gjë për të cilën një përfaqësi e kryesuar nga ai ka qenë për vizitë në rajonin e Porso Leones ku janë vënë dhe piketa bashkëpunimi. Ai theksoj se bashkëpunimi i pritshëm do të jetë ai i fushës së foklorit, dhe për këtë janë bërë dhe disa paraqitje në Lezhë nga grupe dhe individë të ndryshëm, ndërkaq që shkëmbimet me grupe pune do të vijojnë që këtë verë për të vazhduar vitin e ardhshëm me një përfaqësim folklorik në Francë pikërisht me artistë e bartës të foklorit nga treva jonë.

Kryebashkiaku Gjon Dedaj, duke falenderuar për këtë vizitë, theksoj se bashkëndajmë idetë tona për një  qëllim të përbashkët; njohjen e vlerave respektive, duke shtuar se Mirdita është një trevë shumë e vecantë, një vend sic perifrazoj ai, “ ku bashkohet uji me njerezit”. Ne kemi një zonë burimore autentike sa i përket foklorit dhe trashëgimisë, një vend ku mirditasit edhe në ditët më të këqija, edhe nën dikaturën më të egër kanë ditur t’i ruajnë elementët dhe thelbësinë e saj të mocme. Nuk është rastësi që pikërisht treva më e dhunuar nga komunizmi, u vlerësuar me cmimin më të lartë në festfolkun e Gjirokastrës. Mirditorët i kishin ruajtur me fanatizëm traditat, ritet dhe gjithë arealin burimor për ta derdhur përmes një poeme të magjishme folklorike të atij viti, dhe nuk është rastësi që kjo traditë nuk është bjerrur por është bartur brez pas brezi edhe në ditët e sotme.

Bashkëpunimi që na afrohet me bujari nga miqtë francezë, vecse do t’i forcojë rrënjët e kësaj tradite, për t’i përcuar e bërë ato pjesë edhe të folkut burimor ndërkombëtar, dhe sidomos të një populi të ndjeshëm për traditën sic është populli francez. Por nuk është rastësi që ne kemi një grup shumë të mirë frankofonësh në rajonin tonë që e duan dhe e kultivojnë kulturën franceze ndaj dhe ky bashkëpunim vjen i natyrshëm dhe në një terren jo bosh.

Në përshëndetjen e tij kryetari i delegacionit frances Jean Paul, theksoj se për kaq pak ditë sa jemi këtu në Shqipëri jemi të cuditur me ato që po përjetojmë, shohim një vend në rindërtim, shohim shtëpi të reja që ngrihen gjithandej, rrugë që bëhen, është një demokraci që po ecën. Ne kemi 200 vite demokraci por jo cdo gjë e kemi perfekt, ndaj e dijmë se duhet rrugë për të ecur e arritur standartet e kërkuara për një qytetar europian, por epja juaj për të ecur tregon se ju po e konsolidoni gjithnjë e më shumë demokracinë e vendit tuaj.

Më tej ai është interesuar për zhvillimet kulturore në Mirditë, për rrugën e re autostradë, impaktet sociale, ekonomike e kulturore etj. Më pas është theksuar se do të ketë një program të detajuar bashkëpunimi dhe se kjo do të bëhet kohë pas kohe, përmes shkëmbimeve të ndërsjellta.

Më pas delegacioni francez ka vizituar kishën e Rubikut si dhe qytetet Rrëshen e Rubik, si dhe është kaluar në një drekë të përbashkët pune.

Përgatiti: A. Ndoja