Bashkia dhe zyra arsimore, aktivitet për edukimin atdhetar të të rinjve

Bashkia Rrëshen në bashkëpunim me Drejtorinë arsimore Mirditë organizuan një veprimtari të përbashkët të larmishme me nxënës dhe drejtues të shkollave të rrethit për edukimin atdhetar të nxënësve,me qëllim rritjen dhe kultivimin e kredos kombëtare si një kusht i rëndësishëm për integrimin e aspiruar në Bashkimin Europian. Aktiviteti i zhvilluar në shkollën e mesme Rrëshen u cel simbolikisht me ngritjen e flamurit kombëtar nën kolonën zanore te Himnit Kombetër, për ta kthyer në një ritual të përjavshëm për të gjitha shkollat në cdo fillim jave.

Pas ceremonisë së ngritjes së flamurit përshëndeti të pranishmit drejtoresha e shkollës së mesme Rrëshen Valbona Reci, kryetari i bashkisë Gjon Dedaj dhe drejtori i zyrës arsimore Gjon Kola.

Kryebashkiaku Dedaj,theksoj nevojën e edukimit atdhetar të të rinjëve duke afruar bashkëpunim të frytshëm me institucionin që drejton,duke iu drejtuar nxënësve të kësaj shkolle edhe si ish mësues,për nevojën e një edukimi të shëndetshëm për t’i shërbyer më mirë vendlindjes dhe atdheut të përbashkët.

Në takimin që u mbajt me qeverinë e nxënësve dhe drejtorët e shkollave,u theksua fakti se duhet t’i kushtohet kujdes forcimit të punës edukative, rolit të mësuesit kujdestar,forcimit të rregullit dhe disiplinës në shkolla.

U theksua gjithashtu se një ndër kolonat kryesore të reformës në arsim është dhe mësimi i gjuhës shqipe, shkrimi i bukur që në klasën e parë dhe natyra krijuese si për tregime,esse,etj për kulturën,historinë dhe traditën tonë kombëtare. Flamuri kombëtar do të ngrihet cdo të hënë nga dy nxënës më të mirë të javës dhe do të jetë një standart i përhershëm.

Ndërkohë porosi janë dhënë për eskursionet që organizohen cdo fund vitit me nxënësit për të rritur kujdesin ne menaxhimin e tyre,disiplinën,komunikimin me policinë dhe përzgjedhjen e automjeteve që i qarkulloinë nxënësit në pika turistike etj.

Në fund nga ana e bashkisë dhe institucionit të kulturës të kësaj bashkie, është përuruar hapja e sezonit turistik malor për Mirditën, si aktivitet në prag të disa festave të zonës me veprimtari të larmishme përgjatë verës.

Ameda Pjetri, nxenese