Të nderuar Qytetarë!

 Bashkia Rrëshen ka detyrim ligjor që të ndihmojë me të gjitha mënyrat mbarvajtjen e procesit të zgjedhjeve që do të mbahen më 28 Qershor. Në këtë kuadër, Bashkia Rrëshen që në fillim ka ofruar mbështetjen e saj për procesin e paisjes me karta identiteti të shtetasve. Ndonëse në kushte të diktuara nga mungesa e ambienteve, administrata e Bashkisë  ka bërë të pa mundurën për të qënë sa më pranë qytetarëve, duke i modifikuar këto ambiente me kolltuqe për qëndrim të moshuarve apo grave me fëmijë. Gjatë kohës së ftohtë në këto ambiente u vendosën mjete ngrohëse, ndërkohë tani është vendosur një kondicioner-klimatizator i fuqishëm me qëllim që të kushtet të jenë sa më të mira. Gjatë gjithë kohës pjestarë të administratës kanë qëndruar pa pushim në ambientet hyrëse, duke i paisur qytetarët me kuponë përkatës që diktojnë mbajtjen e rradhave dhe shmangien e konfuzionit.

 Bashkia Rrëshen i fton edhe një herë qytetarët që kanë mbetur pa aplikuar që të shkojnë të aplikojnë sa më parë, pasi do të gjejnë shërbim të kulturuar dhe të shpejtë.

 Prej disa ditësh është shtuar numri i operatorëve në zyrën e aplikimit. Kjo ka bërë që rradhët të jenë shumë më të vogla, dhe koha për një aplikim është shumë e shkurtër.

Sherbimi per pasjen e qytetareve me karta identiteti do te jete i hapur deri ne ora 21.00

 Bashkia Rrëshen vendos në dispozicion linkun përkatës ku cdo qytetar mund të verefikojë emrin e tij, dhe vëndin ku do të votojë.

Bashkia Rrëshen ju fton që të marrin sa më shumë pjesë në votime, pasi ky është një akt përgjegjshmërie dhe qytetarie.

Bashkia Rrëshen  edhe një herë ju fton të paraqiteni sa më parë në Qëndrën e Aplikimit pranë Bashkisë Rrëshen, për të aplikuar për Kartën e Identitetit.

 Bashkia Rrëshen.