Bashkia Rrëshen dhe qytetarët bashkëbisedojnë për tre çështje kryesore. Planin rregullues, taksat dhe rendin e qetësinë.

 Tri kanë qënë problemet kryesore që janë diskutuar mes Kryetarit të Bashkisë Rrëshen dhe qytetarëve të Rrëshenit në kuadër të takimve të zakonshme, me qëllim vjeljen me mendimeve. Të renditura sipas rëndësisë, qytetarët dhe drejtuesit e Bashkisë në sallën e Qëndrës Kulturore  të Rrëshenit, kanë diskutuar për probelmet e rendit dhe sigurisë, planin rregullues të qytetit, dhe sistemin e tatim-taksave.

I pari që ka referuar për cështjen e diskutimit të Planit Rregullues të Bashkisë Rrëshen ka qënë z. Gjon Reçi, drejtor i Departamentit të Shërbimeve. Z. Reçi përmes një promocioni me video-projektor, ka paraqitur edhe një herë të gjithë projektin e realizuar nga Studio MAX II, dhe e mbështetur nga APRODEL-i spanjoll dhe ambasada e këtij vëndi. Z. Gjon Reçi i ka ftuar të gjithë aktorët e interesuar dhe qytetarët që të japin mendimet e tyre për përmirësimin e këtij projekti, përpara se ai të  marrë aprovimin përfundimtar në KRRTSH.

Ndërsa Drejtori i Dep. të Kontrollit z. Alfred Shtinja bëri një panoramë të gjatë të pozicionit të zyrës së tij dhe shërbimeve që ajo mbulon. Përmes slaiderave z. Shtinja paraqiti disa shkelje ligjore të disa prej bisnezeve që kanë zënë padrejtësish ambientet publike. Ai u bëri thirrje qytetarëve për më shumë qytetari, pasi vetëm kështu nuk do të ketë nevojë për më shumë policë.

Z. Alfred Përgjoni ka bërë një pasqyrë të hollësishme të planit dhe realizimit të taksave dhe tatimeve. Ai ka vënë në dukje se niveli i vjeljes së taksave të familjarëve është i dobët, ndërkohë që bisnezet janë më të rregullta në këtë drejtim.

Pas kësaj është kaluar pyetje nga ana e pjesmarrësve në takim. E para ka qënë Dava Reçi e cila pasi ka hedhur dyshime se jo të gjithë bisnezet paguajnë takast, ka kërkuar të dijë se ku shkojnë taksat e paguara prej saj. Marie Brozi pasi ka vlerësuar përmirësimin e dhënies së informacionit nga ana e bashkisë, ka kërkuar të dijë se çfar behet me shkollat, dhe shërbimet në to.

Ndue Gega, fillmisht ka kërkuar të dijë kufirin e vijave kufizuese të qytetit. Ai ka thënë se nuk na intereson shumë bazat ligjore, por sa taksa janë mbledhur dhe sa kanë shkuar për qytetarët. Z. Gega ka folur për numrin e administratës, duke aluduar se disa hallka janë të tepërta. Më tej z. Ndue Gega ka folur për punë e Policisë Bashkiake dhe për situatën e rëndë të rendit që u pasua me vrasjen e një të riu.

Ndërsa Nikoll Beci ka thënë se është alarmante situata në pallatin pas Qëndrës Kulturore, pasi ajo është një godinë e vjetër dhe në rrezik shembje.

Pal Brozi ka kërkuar më shumë informacion në lidhje me pyjet që i kanë kaluar në administrim Bashkisë, ndërkohë që ka vlerësuar kurajon qyetare me të cilën u përballua ngjarjet e rënda të ditëve të fundit dhe analizën që i bënjë kësaj situate gazetarët e Mirditës.

Ndërsa Gjovalin Kola ka kërkuar të dijë nëse ka një plan për të ndërtuar një rruge që do të lidhë autostradën me qytetin e Rrëshenit.

Gjok Filopati ka folur për rendin publik duke vënë në dukje se jeta është më e pa sigurtë se asnjëherë tjetër. Ai ka vënë në dukjse plumbat e kallashnikovit i kanë thyer xhamat e lokalit, duke rrezikur seriozisht jetën e klientëve. Z. Filopati kwrkoi njw takim tjetwr me pjesmarrjen e deputetwve, prefekturws dhe Drejtorisw sw Policisw.

 Në përgjigje të shqetësimit dhe të pyetje të qytetarëve e ka marrë fjalën kryetari i Bashkisë z. Gjon Dedaj i cili në një analizë të gjatë ka bashkëbiseduar me të gjithë të pranishmit, duke qënë i hapur për dialog të mëtejshëm me të gjithë të pranishmit.

 Lidhur me shqetësimin se në bashki janë punësuar militantë, z. Gjon Dedaj tha se natyrisht e kam kryer detyrimin ndaj PD-së duke punësuar disa, por gjithashu kam kryer detyrën ndaj opozitës sepse nuk kam nxjerrë jashtë asnjërin prej tyre që kam gjetuar aty. E kam marrë bashkinë me 15 zyra dhe asnjë nuk është prishur, por mendoj se nuk është tashmë momenti për të diskuatauar në këtë frymë. Kryetari i Bashkisë z. Gjon Dedaj ka shtuar në bashki vetëm 10 punëtorë me një rrogë prej 16700 lekë, por nuk ka preferuar tw harxhojw fonde pwr blerje makine. Duke ju referuar prezencës në sallë, Gjon Dedaj tha se karriget bosh kur vritet një njeri, karriget bosh kur diskutohet plani rregullues i qytetit, apo edhe problemet e tjera, natyrisht nuk është qytetari.

Vullneti im është që administrata e bashkisë të komunikojnë, ti zgjidhin hallet duke qënë kryetari i bashkisë një menaxher.

Sigurisht moshatarët e mij kanë drejtuar por nuk ka qënë të fatin e tyre të ruanin mardhëniet me opinionin publik në masën që unë i kam ruajtur.

Pë ata që pyesin se ku janë të ardhurat e Bashkisë Rrëshen unë ju kujtoj atyre dritat që ndricojnë rrugët e Bashkisë Rrëshen, lulishtet që kanë pushtuar sheshet e këij qyteti etj. Por kërkohet që taksat të paguhen. Por Bashkia wshtw e hapur pwr secilin qw tw verefikojw cdo lek tw menaxhuar ashtu siç i kanw verefikuar kontrollet e organeve tw specializuar. Nëse ka ndonjë që për shkak të varfërisë nuk ka mundësi të paguajë, është në kompetencën e Këshillit të Bashkisë për ta zhveshur atë nga këto detyrime. Për informacione të tjera, ju duhet ti drejtoheni edhe faqes së Bashkisë, por mesa duket ajo është faqe për emigrantët dhe për të nxënësit e shkollave, pasi ne të tjerët nuk e kemi qef.

Në lidhje me Planin urbanistik, z. Dedaj tha se kërkohet vlerësimi i qytetarëve dhe për këtë është përgatitur një anketë që do tu shpërndahet qytetarëve. Unë dua që kur të largohem nga kjo punë, fëmijët e sotëm të mos më akuzojnë se nuk i kam pyetur prindwrit e tyre.

Gjon Dedaj ka vlerësuar situatën e rendit si shqetësuese për edhe reagimin e qytetareve si shumë të denjë për qytet të kulturuar. Ai ka theksuar se edhe në këtë takim kanë qënë të ftuar përfaqësues të rendit, ndonëse ata nuk janë paraqitur.

Gjon Dedaj ka folur edhe për çështjen e pallatit i cili është në rrezik shëmbje pas pallatit të kulturës. Ai ka thënë se nuk është në kompetencën e bashkisë për të ndërmarrë një vendim përfundimtar, por bashkia vetë me specialistët përkatës kanë bërë dhe dorëzuar të gjithë praktikën në organet përkëtëse. Dedaj tha se ka edhe një shans të fundit i cili po shqyrtohet.

Në fund z. Dedaj ka bërë thirrje edhe një herë që qytetarët e Rrëshenit të bëhen pjesë e bashkëpunimit me Bashkinë si në procesin e shqyetimit të Planit Rregullues, në pagimin e taksave dhe në vendosjen e një qetësisw dhe rendit për qytetarët.

A. N