Bashkia ofron një performancë të kulturuar brënda ambienteve të saj.

Prej disa ditësh bashkia e Rrëshenit ka ndryshuar rrënjësisht performancën e brëndshme të ambienteve të saj. Tashmë çdo qytetar që viziton këto ambiente për shërbime nga më të ndryshmet që ofron ky institucion, ballafaqohet me pamje dhe ambiente të cilat ofrojnë kulturë, pastërti dhe shërbim cilësor. Ka rreth një muaj që sektori i shërbiemeve po punon pa orar që bashkia të jetë një vënd i shërbimit të kulturuar dhe cilësor për qytetarët. Kështu fillimisht është bërë reduktimi i lëvizjeve të pa nevojshme dhe të pa arsyeshme nëpër korridoret dhe zyrat e bashkisë. Kjo nëpërmjet përsosmërisë së punës në zyrën e informacionit, e cila gjëndet në hyrje të katit të parë të godinës së bashkisë. Ç’do qytetar i cili ka nevojë të kontaktojë me zyrat e ndryshme, detyrimisht duhet të kalojë përmes zyrës së informacionit. Pikërisht këtu merret informacioni për mundësinë e takimit me sejcilin prej zyrtarëve të bashkisë, dhe për praninë e tyre në zyrat përkatëse. Kjo, sepse sejcili zyrtar i bashkisë përpara se të largohet nga zyra e tij, për ç’do lloj arsye, është i detyruar që të lejë me shënim orarin e largimit dhe arsyen e largimit. Një rregull i tillë i cili po zbatohet me rigorizitet, bëhet me qëllim që asnjë qytetar të mos presë kot dhe pa arsye për shërbimet e nevojshme dhe të detyrueshme që ka bashkia ndaj qytetarëve të saj. Në këtë zyrë, në një kënd të posaqëm janë vendosur pothuajse të gjithë librat me autorë mirditas, madje janë arkivuar edhe shkrime të rëndësishme të shtypit qëndrorë me autorë gazetarët vendorë.

Po kështu është menduar edhe për ata qytetarë që qëndrojnë nëpër korridore në pritje të shërbimeve që ofron bashkia. Në koridorin e katit të parë, por edhe në atë të katit të dytë ku ndodhen zyrat kryesore të administratës, janë vendosur disa kolltuqe për pushim. Në tavolinat përpara tyre, janë vendosur libra apo gazeta lokale me qëllim që të kalohet sa më mirë koha e pritjes. Shkallët por edhe korridoret e godinës së bashkisë janë veshur me moket, ndërsa muret e lyera me një cilësi të lartë kanë krijur një pamje krejt ndryshe që janë ofruar prej vitesh. Në ditët në vazhdim pritet që të vendoset platforma për komunikim me shtypin e cila në sfond do të ketë emblemën e bashkisë së Rrëshenit. Kjo do të jetë një risi në përformancën e godinës kryesore të pushtetit lokal në Mirditë. A. N