Bisnezi privat kontribuon në përmirësimin e imazhit të qytetit.

   Në jo pak raste bisnezi në qytetin e Rrëshenit  ka kontribuar për zbukurimin e ambienteve ku ata kanë ngritur aktivitetin, dhe shërbimin e tyre. Rast pas rasti vetë qyteti dhe banorët e tij kanë përfituar nga këto lloj ambientesh që ofrojnë qytetari, komoditet dhe kulturë shërbimi. Intervenimi i pronarëve të lokaleve ka qënë në shumë raste deciziv për zona të ndryshme të qytetit, ashtu siç në jo pak raste ka bisneze të cilat edhe pse mund të jenë ngritur në pikat dominuese të qytetit  apo edhe në qëndër të tij,  vijojnë të shpalosin performancën e  viteve 90-të kur janë ngritur, apo në rastin më të keq, edhe pas përfundimi të punimeve të ndryshme do të duhet ndërhyrja e policisë bashkiake apo sektorëve të tjerë të kontrollit të Bashkisë, për të larguar inertet, dërrasat gozhdët dhe mbetje të tjera të materialeve të ndërtimit. Raste të tilla jo vetëm që shfaqin anti qytetari por edhe ndikojnë negativisht në paraqitjen e elementëve përbërës të një qyteti gjjithnjë e një zhvillim.

   Në një vështrim të përgjithshmëm nëpër qytet syri të ndesh raste të shumta ku bisnezmenë ndikojnë negativisht në ambientet e qytetit, por në jo pak raste ka edhe shumë pronarë lokalesh të cilët komoditetin dhe cilësinë e shërbimit brënda katër mureve të lokalit të tyre, kanë ditur ta përcjellin edhe në ambientet e jashtme. Rasti më i fundit i përket hyrjes në qytetin e Rrëshenit.  Në krahun e majtë të hyrjes në qytet ndodhet lokali me pronar Aleksandër Biba. Ky lokal që është ndërtuar disa vite më parë në ekstremet e rrethimt të spitalit Rrëshen, vit pas viti ka njohur rikonstruksione në përputhje me kohën dhe kondicionet që kërkon një qytet me kulturë në fushën e ndërtimit.

    Rasti më i fundit i ndërhyrjes së pronarit të këtij lokali z. Sandër Biba, është ai pak ditëve më parë, ndërhyrje e cila tashmë ka dhënë efektin e vet në zbukurimin e hyrjes në qytet. z. Biba ka bërë rikonstruksionin total të trotuarit jo vetëm në gjatësinë që zënë themelet e lokalit, por edhe në vijimsi të tij. I gjithë trotuari egzistues është hequr totalisht, dhe në vënd të tij janë vendosur pllaka të një cilesie të lartë dhe me një dizenjo panoramike. Përgjatë gjithë gjatësisë së trotuarit janë vendosur vazo të mëdha lulesh, të cilat janë komportuar me shije estetike me pemët dekorative egzistuese. Ndërkohë që ndriçimi elektrik është bërë më mjaft finesë në të gjithë gjatësinë e trotuarit. Dritat me ndricues cilësor përmirësojnë dukshëm panoramën e mbrëmjeve dhe të natës. Sapo makinat hyjnë në qytet ndeshën me një pamje tepër cilësore në krahun e majtë të hyrjes, ndërkohë që kjo nxjerr në pah nevojën për ndërhyrje në krahun e kundërt të rrugës, me qëllim që hyrja në qytet të ofrojë pamje sa më cilësore.

   Një ndërhyrje e tillë e këtij bisnezmeni ka marrë falenderimin e qytetarëve të shumtë, si edhe të kryetarit të Bashkisë z. Gjon Dedaj. Z. Dedaj ka vizituar këto ambiente dhe është shprehur mjaft i kënaqur për këtë ndërhyrje, ndërkohë që ka bërë apel që edhe bisneze të tjera të ndërhyjnë sipas mundësive të tyre, ose të paktën të mos dëmtojnë qytetin me lënien e lokaleve të tyre me vite të tëra pa lyer apo pa ndërhyrje të tjera infrastrukturale.

A.         A. Ndoja