Prej dy ditësh reshjet e borës kanë mbuluar Mirditën. Bashkia në aksion për minimizimin e efekteve negative.

Dita e djeshme, 2 shkurt është shfaqur me një shtrese dëbore që kalonte 30 cm trashësi, ndërkohë që një situatë e tillë ka paraqitur gjëndje të rënduar të në të gjithë territorin e Mirditës. Edhe pse keto pamje janë të shumëpritura sidomos për fëmijët dhe moshata e reja, pas shijes së parë të përftuar, fillojnë të shfaqen edhe problemet. Në qytetin Rrëshen në orët e para të mëngjesit të djeshëm kanë rezultuar dy pemë dekorative të rrëzuara nga pesha e borës, ndërkohë që njëra prej tyre gjatë rrëzimit është përplasur me një shtyllë të ndricimit public, duke e rrëzuar edhe atë. Në ora 8 të mëngjesit situata  ka qënë mjaft e rënduar edhe për faktin se të gjitha rrugët në qytet dhe hyrjet e banesave dhe të institucioneve kanë qenë të bllokuara totalisht.

Ndërkohë edhe të gjitha rrugët e fsdhatrave kanë qenë të izoluara dhe kalimi është bërë vetëm e makina të tonazhit të madh dhe me zinxhirë.

Pikërisht dje në ora 8. ⁰⁰ të mëngjesit i gjithë stafi i Bashkisë Rrëshen ka qënë në gatishmëri të plotë. Nën drejtimin e drejt përdrejtë të kryetarit të Bashkisë z. Ndue Gega ka nisur aksioni i pa ndërprerë për minimizimin sa më shumë të efekteve negative të ofruara nga reshjet e shumta të borës. Me ndihmën edhe të një kamioni të ofruar nga Firma “Kthella” të gjithë punonjësit kanë nisur shkundjen e degëve të pemëve dekorative të rënduara nga pesha e borës.

Ndërkohë që sektori i shërbimeve, kryesisht brigade e shërbimeve në kohë rekord ka hequr pemët dekorative  të rrëzuara, shtyllën e ndricimit dhe më pas është bërë pastrimi i vendbllokimit të rrugëve.

Ndërsa në ditën e dytë puna është intensifikuar në pastrimin e borës në rrugët brënda qytetit dhe në hyrje të tij. Një fadromë ka punuar për gjatë gjithë ditës, ku me anë të thikës ka shtyrë borën nga akset e rrugës duke e zhvendosur atë jashtë gjerësisë së lëvizjes.

Një punë e mirë është bërë edhe në periferinë e qytetit ku vetë banorët me ndihmën e bashkisë kanë minimizuar efektet negative që ka prodhur rënia e borës e cila në qytet ka kaluar mbi 30 cm trashësi, ndërsa në zona të tjera ka pasur një rritje më të theksuar.

Problematike është akoma situata në rrugët e fshatrave të cilat deri në fund të ditës së sotme kanë qënë të pa kalueshme, ndërkohë që temperaturat kanë qenë të favorshme për të ndikuar në shkrirjen e borës.

A.N    3. 2. 2012