Brenda muajit Mars qyteti Rrëshen vendoset nën vëzhgimin e kamerave të sigurisë.

-Rrësheni qyteti i dytë pas Tiranës me kamera vëzhguese, dhe qyteti i parë që e realizon me fonde buxhetore të veta-

Qyteti i Rrëshenit brenda 10 ditësh do të jetë qyteti më i vëzhguar përgjatë 24 orëve në ditë. Në pesë prej kryqëzimeve kryesore të këtij qyteti do të vendosen kamera të cilësisë së lartë, me një fokus vëzhgimi në një rreze të konsiderueshme, aq sa distancat nga kryeqëzimi në kryqëzim do të jenë të vëzhguara. Pas realizimit të këtij objektivi qyteti Rrëshen është qyteti i dytë në Shqiperi që pas Tiranës realizon vendosjen kamerave vëzhguese, ndërsa është bashkia e parë në vënd që një investim të tillë e bën me buxhetin  lokal, pa u mbështetur nga fonde qendrore.

Një investim i tillë në masën 1. 200. 000 lekë do ti japë një impuls të ri rivendosjes së rendit dhe sigurisë në qytet, të tronditura jo pak nga mungesa e efektivave të policisë apo në disa raste edhe nga inaktiviteti i tyre.

Fitues i tenderit për vendosjen e sistemit moniturues të qytetit Rrëshen është komapnia e njohur në këtë fushë SHPRESA-AL SECURITY një kompani e njohur në vendosjen e sistemeve të sigurisë. Në devizën e kësaj kompanie të specializuar në këtë fushë thuhet se: “Mos harro!!! KURRE NUK ESHTE SHUME HERET apo SHUME VONE per te instaluar nje Sistem Sigurie. Fatkeqesisht shume njerez nuk mendojne per nje system alarmi deri sa ata vete apo dikush qe njohin eshte bere viktime e krimit apo grabitjes. Ne vend qe te instaloni nje Sistem Sigurie si mase sigurie mbrojtje nga krimi pasi ka ndodhur, eshte me mire qe ju ta vini ate si mase mbrojtese para se te behesh viktime” .

Pikërisht në finalizim të kësaj kontrate drejtuesit e kësaj kompanie Altin dhe Besnik Palushi të shoqëruar nga pjestarë të tjerë të stafit teknik, ishin paraprakisht në Bashkinë Rrëshen ku u pritën nga Kryetari i Bashkisë z. Gjon Dedaj dhe drejtues të tjerë të zyrave që e kanë të lidhur aktivitetin e tyre me këtë proces të rëndësishëm për aktivitetin e qytetit.

Z. Gjon  Dedaj pasi i uroi për drejtuesit e kompanisë për pjesmarrjen dhe kualifikimin në garë për këtë tenderim përmes APP-së, tha se Bashkia Rrëshen është shumë e interesuar për të dhënë një kontribut sa më të madh për sa i përketet përmirësimit të rendit dhe sigurisë në qytet. Z. Dedaj tha se përkundër angazhimit të policisë dhe përpjekjeve të Bashkisë, kryqëzimet e qytetit nuk janë në nivelin e duhur. Shpesh herë atao bllokohen falë shkeljes së rregullave të trafikut dhe problemve të tjera me individë problematikë. Ai tha se falë këtij investimi synojmë që të monitorojmë në masën 100 përqint situatën në këtë zona problematike. Pamjet do të akumulohen në servera të sigurtë, për të qënë nën kontrollin e policisë dhe shërbimeve të tjera të të zbatimit të ligjit.

z. Dedaj ka kërkuar korrektesë dhe cilësi në realizimin e projektit duke shpresuar se kjo do të realizohet sa më parë Brenda afateve ligjore të kontratës të nënshkruar nga të dyja palët.

Nga drejtuesit e firmës fituese Shpresa – Al Security u konfirmua se ditën e hënë më datë 7 mars kompania do të nisë punën me kapacitet të plotë në të gjitha pikat e parashikuara për ndërhyrje sipas projetit.  Z. Palushi tha se në do të garantojmë një cilësi të lartë në punime, dhe deri në fund të javës do të testohet realizimi i projektit. Sipas specialistëve do të fillohet me shtrimin e kabllove optikë në të gjithë distancat ku do të vendosen kamerat vëzhguese. I gjithë rrjeti do të përfundojnë në godinën e bashkisë, në një zyrë përkatëse ku do të vendoset njw server akumulues i pamjeve, që ka një hapësirë për të depozituar 4 muaj filmime. Pra pas katër muaj filmim, fshihet në mënyrë automatike dita e parë e rregjistrimit për të vijuar me ditën vijuese.

 A. Ndoja