Këshilli i bashkisë miraton buxhetin për vitin 2008

Buxheti i bashkisë Rrëshen për vitin 2008 ka marrë udhë ditën e djeshme, pas miratimit nga këshilli bashkiak. Me disa ndryshime jo shumë të rëndësishme këshilltarët pas diskutimeve e debateve në komisione dhe me grupet e interesit ka miratuar projektin e sjellë nga sektori përkatës i bashkisë, duke i dhënë mundësi tashmë funksionimit vjetor të këtij institucioni si përsa u përket investimeve, shpenzimeve dhe gjithë procesit funksionues të bashkisë Rrëshen. Gjithashu janë miratuar dhe projektet e investimeve për vitin 2008 si nga të ardhurat dhe granti.

Ky buxhet i cili ka objektiv të ofrojë shërbime për rreth 14 mijë banorë të bashkisë, ku gjysma banojnë në qytet dhe gjysma tjetër në zonën rurale me 15 fshatra. Sipas sektorit të financës draft-buxheti u përgatit në bashkëpunim me sektorët e bashkisë dhe institucionet në vartësi të saj, bazuar në kërkesat për shpenzime nga secili sektor.

Kështu në detajimin e fondeve janë patur parasysh grandi i trashëguar, investimet në proçes, të ardhura të planifikuara nga takes-tarifat, transferta e pakushtëzuar dhe të ardhura jotatimore.

Vihet re se grandi i deleguar për këtë vit është 3 përqind më i lartë se ai i vitit 2007, ndërkohë që të ardhuratr shënojnë ulje që në planifikim.

Gjithashtu bazuar në këtë planifikim të buxhetit është caktuar dhe lista e prioriteteve të investimeve që nga një urë në Tarazh Epër, blloku i stadiumit, rrugë në lagjen Zme, rikosntruksion rruga Kacorraj-Jezull, sistemim rruga e pallateve të fermës, rruga tek shtëpia e oficerëve-unazë, kënd lojrash për fëmijë në Rrëshen, ndërtimi i impiantit të mbeturinave, ambulance, rrugë e të tjera në fshatra. Në diskutimin e prioriteteve kanë qenë pjesëmarrës dhe kryetarët e këshillit të fshatrave dhe të interesuar të tjerë.

Gjatë kësaj mbledhje është miratuiar dhe ndihma ekonomike e projekvendime të tjera.

Një pikë e vecantë i është kushtuar dhe vlerësimit me titullin “qytetar nderi” i presidentit të Republikës, që pritet të vizitoje bashkinë Rrëshen.

gj.m