Këshilli Bashkiak miraton Buxhetin për vitin 2010.

Janë dashur më shumë se tre orë debat që Këshilli Bashkiak të miratojë dokumentin më të rëndësishëm të vitit që sapo ka startuar, buxhetin 2010. Nga ana e egzekutivit të Bashkisë Rrëshen ishte bërë një punë e kujdeshme dhe mjaft profesionale për detajimin e buxhetit në dispozicion, që vjen nga të ardhurat nga tatimet dhe grandi qeveritar. Kjo është vënë në dukje edhe nga diskutantë të shumtë të cilët në fund kanë vendosur më shumicë votash kalimin e buxhetit.

Në fillim ka qenë Kryetari i Këshillit Bashkiak z. Nikolin Kaçorri i cili ka hapur mbledhjen e paralajmëruar. Ai pasi ka konstatuar numrin e pjesmarrësve ishte i plote, ka deklaruar mbledhjen të hapur. Në fillim është njoftuar për një kërkesë të Partisë Republikane e cila kërkon zëvendësimin e një këshilltari të saj të vetëm, duke e motivuar atë me konflikt interesi. Pas një debati të shkurtër, është vendosur që kërkesa të kalojë përmes Komisionit të Mandateve, dhe më pas të merret një vendim.

z. Nikolin Kaçorri u ka kërkuar këshilltarëve të pranishëm që të drejtojnë pyetje, ndërkohë që i ka dhënë fjalën kryetarit të Bashkisë z. Gjon Dedaj, për të bërë paraqitjen e detajuar të planit finaciar për vitin 2010.

z. Gjon Dedaj në fillim ka falenderuar Këshillin Bashkiak për ndihmesën e dhënë gjatë vitit të shkoi, ndërkohë ka vlerësuar angazhimin e tyre në procesin e miratimit të këtij buxheti. Duke thekuar se ky është një buxhet vijues, z. Dedaj tha se ka një rritje nga viti në vit,  rritje e cila ka prodhuar më shumë rrugë të shtruara e të ndicuara, ka prodhur më shumë shërbime ndaj qytetarit. Sipas z. Dedaj buxheti është një mesazh për bisnezin, intelektualët dhe qytetarët. Duke paraqitur në një videoprojektor shumë punë në proces, z. Dedaj u ka bërë të ditur këshilltarëve nevojën për të vazhduar. Ai ka theksuar se Bashkia ka qënë shumë e kujdesshme edhe me donatorë të huaj duke gërshetuar mikpritjen, bashkëpunimin dhe partneritetin.

Më pas në mënyrë të detajuar z. Dedaj ka paraqitur në menyrë të detajuar, të ardhurat dhe grandin të ndarë sipas zërave dhe listën e prioriteteve për këtë vit.

Ivestime ne Proces.

Plani Urban                           3 492 600

Ndertim ura Jakaj                  1000 000

Paisje                                     1050 000

Ndertim ure tip Beli rruga

       Zalli I Fanit( g. konk)           5000 000

 Nërsa këshilltarët menjëherë kanë vijuar me pyetjet dhe komentet e tyre. Gjovalin Valca ka kërkur më shumë informacion në lidhje me strukturën e punonjësve të Bashkisë duke evidentuar kryesisht zyrën e ndihmës ekonomike. Gjithashtu ai ka kërkuar interpretim për konflikt interesi për anëtrët e këshillit. Fran Marku ka kritikuar faktin se shumë aplikantë për ndihmë ekonomike i kanë blerë formularët në tregun privat.

Ndërsa Preng Toma duke vlerësuar faktin se rreth 80 % e rrugëve rurale të Mirditës nuk mbulohen nga ndërmarrja shtetërore, ka sygjeruar që të aneksohen fonde për blerjen e një fadrome dhe automjeti.

Po ashtu edhe këshilltarë të tjerë kkanë vijuar me pyetje të ndryshme të cilart kanë marrë përgjgje kryesisht nga Kryetari i Bashkisë z. Dedaj, por edhe pjestarë të tjerë të administratës. Po ashtu në këtë mbledhje kanë marrë pjesë edhe kryetarë fshatrash dhe banorë të tjerë të cilët kanë kërkuar që buxheti të jetë sa më shumë pranë tyre dhe komunitetit. Në fund është kaluar në votim, votim i cili ka konfirmuar miratimin e buxhetit për vitin 2010. pas kësaj Kryetari i Bashkisë z. Dedaj i ftuar të gjithë në një kafe përmbyllëse të një dite të rëndësishme për mirfunksionimin e e qeverisjes lokale të Bashkisë Rrëshen.

A. N