Këshilli Bashkiak miraton Buxhetin dhe Strukturën për vitin 2009.

Me disa ndryshime të vogla, bashkisë i hapet rruga për një vit të sukseshëm dhe më pranë qytetarëve.

  Mbledhja me e rëndësishme e një viti për Këshillin Bashkiak dhe për vetë administratën e bashkisë, ka filluar rreth orës 10 paradite, dhe ka vijuar për disa orë. Në këtë mbledhje keshillarët pas diskutimeve të gjata i kanë dhënë viston përfundimtare Buxhetit dhe Strukturës për vitin 2009. Duhet theksuar se Bashkia ka përcjellë projektin në kohë të përshtatshme, brënda afatit të caktuar, dhe këshilltarët të gjitha krahëve gjatë gjithë mbledhjes kanë prezantuar një frymë debati, por edhe tolerance e bashkëpunimi për shumw nga pikat më të rëndësishme që kanë të bëjnë me nisjen e një viti të mbarë për komunitetin.

Në fillim ka qënë kryetari Këshillit Bashkiak z. Nikolin Kaçorri i cili i ka ftuar të gjthë këshilltarët për të vijuar me rendin e ditës. Në rendin e ditës ka qënë përcaktuar si fillim projekt vendimi për kalimin e listave të ndihmës ekonomike, vendim i cili është kaluar pa ndonjë debat dhe vonesa, për te hapur rrugë administrates, për të bërë të mundur kalimin e parave tek persont në nevojë, para festive të fund vitit. Në projekt është shtuar edhe një kërkesë e ardhur nga Vullnetari i Korpusit të Paqes z. Den, i cili ka kërkuar të miratohet në parim një shumë e percaktuar, për një grup fëmijësh të cilët do të shkojnë në Teksas, SHBA, për të marrë pjesë në një eveniment botëror. Kjo tashmë është bërë traditë dhe viti që vjen do të jetë viti i tretë që nxënësit e shkollës së mesme shkojnë në Teksas gjatë pushimeve të verës.

Në vijim të mbledhjes, kryetari i grupit te këshilltarëve socialist ka kërkuar që të jepet një informacion më i plotë për strukturën aktuale dhe më pas të kalohet për vlerësim struktura e re, ku ishte parashikur të shtohet edhe një department, ai i strukturave të kontrollit.

Në përgjigje z. Gjon Dedaj, kryetari i bashkisë, tha se sistemi i kontrollit ka qënë pjesa më e dobët gjatë dy viteve që kaluan, e pikërisht për këtë kërkohet që të jetë një strukturë me vete jo më e varur nga n/kryetari i bashkisë. Në mbështetje të kësaj ideje ka qënë edhe këshilltari Arben Tusha i cili tha se me ligjin e ri edhe pyjet kalojnë në varësi të bashkisë dhe për pasojë një pjesë e mirë e kontrollirëve të pyjeve do të kalojnë në varësi të bashkisë. Pas kësja me shumicë votash u kalua në procedim sipas rendit të ditës.

Pas kësaj z. Gjin Dedaj, përmes një video projektori ka paraqitur buxhetin në mënyrë të detajuar, duke dhënë të gjithë zërat e shpenzimeve, të ivestimeve si edhe strukturën.

Pas kësaj z. Ndrec Biba, këshilltar i pa varur dhe shefi komisionit të ekonomisë ka pyetur nëse struktura e re është shoqëruar me efekte buxhetore. Pashk Krepi ka thënë se në projektet për rrugët nuk është parashikuar ndonjë fonnd përkatës. Po ashtu Gjovalin Reçi n/kryetari i këshillit pyeti se në çfar mase janë realizuar prioritetet e miratuara një vit më parë. Më tej z. Pjeter Pjetri duke ju referuar një tradite të mirë të fillim vitit të kaluar, pyeti pse tashmë administrate e bashkisë nuk ka dalë për llogaridhënie para qytetarëve.

Në përgjigjë të këtyre pyetjeve z. Gjon Dedaj tha se funksionet e reja nuk janë shoqëruar me fonde përkatëse, pasi ato do të përballohen brënda fondit egzistues. Do të korigjohet pjesa e supervizionit, ndërsa për sa i përket projekteve, ato në shumicën e rasteve do të jenë brënda ivestimit. Z. Dedaj vuri në dukje se shumë nga ivestimet që parashikohet të bëhen i kanë projektet e gatshme, të realizuara nga inxhinierët e bashkisë, por nuk përjashtohet komunikimi me studio të specializuara, ndonëse këto janë me kosto. Duke ju referuar pyetjes së z. Pjetri, Dedaj tha se tradita do të vijojë edhe vitin që vjen, dhe brënda muajit janar, ky buxhet do të shpallet para qytetarëve në Pallatin e Kulturës.

Z. Preng Toma kërkoi të shikohet normimi në konviktin e shkollës, pasi aty është bërë si valvul shkarkuese, duke nënkuptuar se ka mbi ngarkesë me personel.

Më tej rradha ka qënë e kryetarëve të fshatrave të cilat kanë kërkuar më shumë ivestime për zonat e tyre, Ndërfushaz, Ndërfanë, Tarazh, Tenë etj. Duke u përgjigjur, z. Dedaj tha se e dinte situatën, por kërkoi më shumë mirkuptim mes banorëve për çështjet e pronësisë, pasi në shumë raste bashkia e ka të vështirë për të ivestuar si rezultat i konflikteve të pronësisë. Ai vuri në dukje se Bashkia ka për të qënë e hapur me të gjithë ata që janw tw hapur ndaj bashkisë. Unë nuk mund të mbjell konflikte me paratë e bashkisë, ka përfunduar ai.

Në përgjigje të këtij shqetësimi, këshilltari Gjovalin Valca tha se nuk duhet të tundohemi nga presionet e njerzve të pa përgjegjshëm, që dalin dhe bllokojnë rrugët.

Pas këture diskutimeve e ka marrë fjalën kryetari i komisionit të ekonomisë z. Ndrec Biba. Ai ka bërë një përmbledhje të hollësishme të projekt buxhetit. Duke i marrë zë për zë, z. Biba bëri disa propozime duke i argumetuar një për një, për shkurtime fondesh në disa sektorë, dhe kalimi nëpër sektorë tjerë, duke kërkuar më shumë vëmendje ndaj fondeve të partneritetit. Z. Ndrec Biba në cilësinë e kryetarit të ekonomisë kërkoi të ketë normime në harxhimet telefonike, shërbimet publike etj.

Ndërsa këshilltari Pjetër Pjetri kërkoi që të përmirësohet situata në varrezat e dëshmorëve në hyrje të qytetit, si edhe të sigurohen fonde për përmirësimin e kushteve të sallës së mbledhjeve.

Pjesa e fundit e mbkedhjes i është kushtuar miratimit të buxhetit dhe të strukturës. Pas disa debateve u kalua në votim duke reflektuar disa ndryshime të ardhura nga komisioni i ekonomisë dhe kërshlltarët. Kështu në përfundim të votimit rezultoi se buxheti dhe struktura me disa ndryshime të vogla.

Në fund të mbeledhjes Kryetari i Bashkisë z. Dedaj tha se vlerësoj maksimalisht kontributin, tolerancën dhe mirkuptimin e të gjithë këshilltarë pa dallim, ndërkohë që vuri në dukje se miratimi i kërij buxheti i hap rrugën një pune më intensive në shërbim të komunitetit.

A. Ndoja