Pritje falenderuese për CAFOD-UK

  Përfaqësuese e CAFOD UK Judith Rees (programme support officer for Albania & India, bëri një vizitë për të parë nga afër punën e bërë në ndërtimin e strategjive të njësive vendore në Mirditë, një proces i gjatë i nisur prej dy vitesh dhe i realizuar tashmë në bashkinë Rrëshen, komunat Fan, Orosh, Kacinar dhe në përfundim komuna Selitë e Kthellë, duke përmbyllur kësisoj gjithë “qarkun” e hartimit të planeve strategjike dhe të profileve të këtyre rajoneve.

  Zonja Rees, e shoqëruar nga Anduena Shkurti, drejtuese ekzekutive e CANGOS, fillimisht është pritur nga nënprefekti Gjon Pjetri, i cili ka falenderuar CANGON dhe Cafod UK, që kanë bërë të mundur financimin e një projekti shumë serioz, i cili mundëson programimin afatgjatë të punëve dhe projekteve nga njësitë vendore në tërë Mirditën. Këto plane dhe strategji, theksoi nënprefekti Pjetri, vijnë në harmonizim e sinkronizim me gjithë zhvillimet e vendit dhe në mënyrë të vecantë me impaktet që po jep autostrada në përfundim Durrës-Kosovë, një pjesë e rëndësishme e të cilës kalon përmes Mirditës.  Ndihma në këtë rast me këto dokumente e CANGO-s theksoj ai, ka ardhur në momentin e duhur, dhe tashmë pritet që gjithcka të shndërrohet në veprim nga njësitë vendore.

  Më pas përfaqësuese e CAFOD-UK, zonja Rees, është pritur nga kryetari i bashkisë Rrëshen Gjon Dedaj, njësi e cila prej një viti u angazhua në procesin e hartimit të dy dokumentave themeltarë, të cilët tashmë janë shnëdërruar në dokumente veprimi dhe gjithcka në vijim detajohet sipas tyre.

Kryebashkiaku Dedaj ka falenderuar CANGON për ndihmën e dhënë, gjë që ka qenë një trajnim special për gjithë kapacitetet organizative të bashkisë, rritjen e tyre.

E ndërkohë që takimi ka kaluar në një bashkëbisedim të këndshëm dhe produktiv.

Pyetjes së zonjës Rees se cila do të jetë sfida e realizimit të projekteve, kryebashkiaku Dedaj e ka klasifikuar në disa kategori të tilla; që nga ajo e pranimit të vlerave që sillen në këtë rast, harmonizimit me zhvillimet rajonale dhe kombëtare, sfida e gjetjes së burimeve financiare për t’i realizuar projektet e listuara e me rradhë, dhe për këtë po bashkëpunohet në drejtimin e duhur.

  Ndërkohë pyetjes tjetër se ky grup mix i trajnuar, a do mund të jetë konfident për tu bërë bashkëpërgjegjës në detyrat e lëna, ka marrë përgjigjen se “po, cdo trajnim është një vlerë, ndërsa ky i kësaj permase, ia vlen të mos e humbasim dhe ne po i konsiderojmë kapacitetet e trajnuara për të patur efektivitet në sektorët përkatës, duke qenë adaptivë me projektet e hartuara bashkërisht nga grupi komunitar, legjislativ dhe administrativ”.

Më pas është folur gjatë për eksperienca të ngjashjme në njësitë vendore në Angli dhe në Shqipëri, përvojat që mund të komunikojnë, dhe ku kryebashkiaku Dedaj ka sjellë në vëmendjen e bashkëfolëses disa probleme që e shqetësojnë decentralizimin real të pushteteve, duke theksuar se si pushteti qendror dhe ai vendor, duhet të bashkohemi tek një pikë, tek qytetari dhe administrimi i territorit.  Për fat të keq, është shprehur ai, shumë prej zyrtarëve në dikastere, nuk dijnë hartën e vendit, dhe kjo është lehtësisht e kuptueshme për handikapin e krijuar më pas në gjithë gjërat e rëndësishme, kopetencat e pushteteve respektive e me rradhë.

Gjithsesi, ka shtuar më tej ai, ne jemi një krahinë, një qytet, një bashki që mund ta kapim ritmin e kohës, të ridimensionojmë hirearkinë e vlerave dhe të integrohemi në zhvillimet rajonale dhe globale. Për këtë vlerësojmë kontributin e cmuar edhe tuajin, ka përmbyllur ai, me bashkëbiseduesen Judith Rees.

  Përgatiti: Gj.Marku