CANGO përmbyll fazat e hartimit të Planit Strategjik të përgatitur nga Bashkia Rrëshen

Përgatiti: Gj.Marku

Janë përmbyllur fazat e ndihmës në hartimin e planit strategjik të bashkisë Rrëshen, nga organizata e njohur Organizata CANGO (Qendra për bashkëpunim ndermjet Komuniteteve, Autoriteteve vendore dhe OJF-ve), në një takim “axhustues” të materialit vëllimor i mbledhur nga grupet e ndryshme të interesit në bashki, për të konkluduar në një program që do të japë mundësinë e ecjes përmes një plani të detajuar tashmë që nga misioni dhe listë qëllimet e deri objektivat dhe projektet për fusha të ndryshme.

Takimin e sotëm ku ishin drejtues e trajnues të CANGO-s, si dhe përfaqësues të bashkisë e të shoqërisë civile, e ka hapur drejtorja ekzekutive e CANGO-s, Anduena Shkurti, e cila ka theksuar punën serioze të bërë në këtë bashki nga tërë aktorët pjesëmarrës në tërë seancat trajnuese dhe përpiluese të materialit konkret që i serviret publikut si plan strategjik pas miratimit që do t’i bëjë këshilli bashkiak si instancë e fundit e këtij  proçesi.

Ndërkohë Kryetari i Bashkisë z. Gjon Dedaj, duke përshëndetur drejtuesit dhe trajnerët e CANGO-s, ka theksuar se ne po mbyllim një punë të gjatë e të frytshme, dhe jemi drejt hartimit të njkë plani që na vë piketat e të ardhmes së punës së bashkisë, për implementuar ato çfarë janë piketuar si udhërrëfyese në tërë sektorët në të cilët operon qeverisja jonë vendore. Mendoj se të gjithë bashkë kemi shkuar drejt një plani sa më real dhe më këmbë në tokë, ndërkohë që për të gjithë ne këta muaj sa i përket artit të qeverisjes kanë shërbyer si një lloj shkolle “pa diplomë”, por me shumë vlerë praktikisht dhe didaktikisht. Ne do të mund të besojmë se tashmë do të jemi para publikut me një plan strategjik që nuk neglizhon asgjë të mirë të bërë ndër vite, por të pasuruar në shkallën e duhur, dhe që do të zhvillohet sëbashku me kohën, për të qenë sa më produktiv e sensibël ndaj zhvillimeve të reja në favor të përfitimit komunitar.

Artan Rroji, trajner i CANGO-s, një nga specialistët e evidentuar të trajinimit të qeverisjes vendore, është ndalur në thelbin e këtij plani strategjik, që përbënte dhe draftin 8-të të tij, duke azhornuar me përfaqësuesit e pranishëm disa saktësime të nevojshme.

Mendime për punën e bërë kanë dhënë dhe ish kryetarët e bashkisë Marie Biba dhe Preng Toma, si dhe kryetari katual i këshillit Nikolin Kaçorri, drejtori i arsimit Bardhok Filopati e të tjerë. Zoti Kacorri theksoj punën e mirë të bërë në këtë drejtim si dhe ndihmën që i është dhënë dhe legjislativit në seancat e trajnimit duke e obliguar këtë këshill të jetë i orientuar në programet afatgjate që shtjellohen në këtë dokument të rëndësishëm, çka ia lehtëson punën tërë bashkisë.

Në këtë takim u hodhën ide që të ketë një njohje të publikut me tërë punën e bërë dhe që me miratimin e dokumentit dhe botimin e profilit në shqip dhe anglisht, si një pasaportë me vlerë e bashkisë, do të bëhet e mundur dhe prezantimi publik. Ndërkohë që për të interesuarit në sit-in e bashkisë do të hidhet dhe drafti i këtij dokumenti strategjik, nga ku priten mendime dhe sygjerime edhe në online nga publiku i gjërë, në mënyrë që këshilli të mund të miratojë një program me vlerë për komunitetin.

Pak fjalë për CANGO-n

CANGO-Qendra  për bashkëpunimin midis Komuniteteve, Autoriteteve dhe OJF është një organizatë jo-fitimprurëse themeluar me nismën e Programit të Ngritjes së Kapaciteteve të Cafod Albania, si një produkt i dalë nga Cafod Albania; i cili në fund të vitit 2007 përfundoi aktivitetin e tij.  Cafod Albania u krijua më 1993 nga Agjencia Katolike e Anglisë dhe Uellsit për Zhvillimin Ndërkombëtar (Catholic Agency for Overseas Development of England & Ëales - CAFOD) dhe ka zhvilluar aktivitetin në Shqipëri për 14 vjet në fushat e zhvillimit dhe ndihmës humanitare. CANGO përfaqëson një dekadë arritjesh në programe dhe projekte të fushës së Ndërtimit të Kapaciteteve për sektorin jo-fitimprurës me fillim në vitin 1996. CANGO është regjistruar si një organizatë e pavarur vendore në 2006.

Në vizionin dhe misionin e saj ka shënuar: “Të ndërtojmë komunitete aktive, të qëndrueshme e të shëndetshme nëpërmjet përfshirjes së qytetarëve dhe të një sërë instucionesh publike dhe private në mënyrë që të arrijmë një ndryshim thelbësor”.

CANGO punon drejtpërsëdrejti me komunitetet (veçanërisht me të rinjtë e gratë), me personelin e qeverisjes vendore dhe me stafin e OJF-ve nëpërmjet programeve për Ngritje Kapacitetesh të cilat synojnë rritjen e pjesëmarrjes qytetare në vendim-marrje, përmirësimin e cilësisë së qeverisjes, promovimin e demokracisë dhe ndërtimin e komuniteteve të shëndetshme në Shqipëri.

Pjesëmarrës në hartimin e këtij dokumenti strategjik, si atë të mëparshmin edhe ky i tashmi ka qenë specialisti i njohur i kësaj fushe që është dhe President i Bordit Drejtues të CANGO-s, Jim Budds, aktualisht Drejtues i Urban International Associates UIA Ltd.

Eksperienca si konsulent: Menaxhimi Publik dhe Financiar, Zhvillimi Ekonomik Lokal, Fuqizimi Institucional. Mbi 25 vjet pune në fushën e menaxhimit të qeverisjes vendore dhe punës zhvilluese të qeverisjes lokale në nëntë shtete të ndryshme. Duke patur qytetari si Amerikane dhe Europiane, kombinon jo vetëm ndryshimet kulturore, por sjell një experiencë me gamë të gjërë si zbatues, mësues dhe profesionist zhvillimi. Si pronar i firmës që drejton ai është i përfshirë gjërësisht në fushën e konsulencës duke ofruar asistencë teknike dhe trajnime në menaxhimin publik dhe atë fiskal, ofrimin e shërbimeve publike, zhvillimin ekonomik, planifikimin strategjik, menaxhimin e burimeve njerëzore dhe pjesëmarrjen qytetare. Eksperienca e tij përfshin shërbim të gjatë si Menaxher Qyteti (ekuivalent i Kryetarit të Bashkisë) si dhe në menaxhimin e përpjekjeve private.

Drejtor Ekzekutiv Anduena Shkurti. Me një eksperiencë të gjatë pune si Koordinaore Programi pranë Save the Children (2000-2008) dhe SOROS-it (1996-2000) si dhe Ministrisë së Punës dhe Çështjeve Sociale në rolin e specialistes (1992-1996), znj. Shkurti vjen në këtë pozicion në vend të znj. Brikena Samara, (një ndër themelueset e CANGO-s), e cila dha një ndihmesë të vyer në përfshirjen e bashkisë Rrëshen në këtë proces, pas punës rezultative dhe shumë të frytshme të bërë dhe për dy komunat e tjera të Mirditës, si asaj të Oroshit dhe të Fanit, si dhe hapat e bërë deri më tash edhe për komunat e tjera si atë të Selitës, Kthellës dhe Kacinarit.

Addresa: Rr. Zenel Baboci, Pall 37. Shk.1, Ap 20 Tirane
Tel/Fax: 04 222 9077