“..kemi zbuluar një pjesë të Shqipërisë që nuk e njihnim!”

 Kryebashkiaku Gjon Dedaj priti kryetarin e Unionit Kristiandemokrat të Lombardisë.

 Kryetari i Bashkisë së Rrëshenit z. Gjon Dedaj ka pritur sot pasdite në zyrën e tij, një delegacion Italian të zonës së Lombardisë i cili kryesohej nga Luigi Baruffi, sekretar regional i Unionit Demokristin. Ai shoqërohej nga katër pjestarë të tjerë të këtij delegacioni, të gjithë faktorë të rëndësishmë në Unionin Demokristian dhe në ekonominë e Lombardisë. Sëbashku më këtë delegacion në Rrëshen ka mbërritur edhe Kryeari i PDK z. Nard Ndoka, dhe kreu i grupit parlamentar të kësaj partie z. Ndue Shpani.

Në fillim kryetari i Bashkisë së Rrëshenit z. Gjon Dedaj, ka thënë se ndihem i privilegjuar që tu them “Mirdita” në Mirditë. Për mua është kënaqësi e veqantë se jo vetëm se numri, por edhe cilësia e vizitorëve shtohet në këtë Bashki. Është një kënaqësi e përbashkët e imja dhe e gjithë kolegëve drejtues të njësive të tjera vendore, që të shtojmë kontaktet tona, për më tepër që ky vënd i ka pasur të hershme mardhëniet me Italinë, pavarësisht nga e shkuara 60 vjecare nga regjimi që u zgjodh. Ne besojmë se jemi duke kaluar nga një Mirditë që u bë gati e askujt, tek një Mirditë që të jetë jo vetëm e mirditorëve por edhe atyre që u takon, e Shqipërisë dhe e Europës. Unë jam i sigurtë se shoqëruesit tuaj dhe posacërisht ministri i nderuar z. Ndoka, do tu ketë dhënë informacion për këtë trevë. Unë gjej rastin ta falenderoj z. ministër dhe kolegët e tij, kuptohet nga pozicioni i tij politik, por edhe si minister, i cili dha mundësinë që ne të mund të prezantojmë jo vetëm situatën konkrete në të cilën kalojmë, por dhe nevojat, mundësitë, dhe vizionin që ne kemi për të ardhmen. Sigurisht ne jemi bashkë me ministrin dhe kolegët e tij, për të provuar se ne dëshirojmë që Mirditën ta bëjmë me të vërtetë pjesë të Europës. Në këto kushte jam i gatshëm dhe i hapur për këtë komunikim për të gjitha detajet e mundshme. Unë edhe njëherë ju falenderoj.

Pas fjalës përshëndetjes të kryetarit të Bashkisë z. Gjon Dedaj e ka marrë menjëherë miku demokristian i vëndit fqinj  Luigi Baruffi.

Fjala e plotë e Sekretarit të unionit të kristian demokratëve të Lomabardisë z. Luigi Baruffi,

 Falemiderit z. Kryebashkiak për ekspozenë. Kemi vizituar një pjesë të Shqipërisë që nuk e njohim. Duke parë nga dritarja e makinës kuptuam që Shqipëria është një vënd që po ecën shpejt. Pamë kantiere ndërtimi nga të gjitha anët. Pikërisht kjo më jep shpresë që ky vënd po zhvillohet me shpejtësi. Jam i lumtur që konstatoj që politika nuk bëhet vetëm në Tiranë, por edhe në pjesë të tjera të vëndit. Është një përpjekje e vecantë për të mbajtur lart vlerat e një vëndi të vecantë, sic është Mirdita. Ju jeni edhe porta e Kosovës në këto momente. Kosova ende nuk është akoma e qetë situatën e saj politike. Por besoj se duke punuar në të dy anët, nga njëra anë Italia dhe nga ana tjetër Shqipëria, situata do të normalizohet. Unë kam ardhur këtu në Shqipëri i shoqëruar me katër eksponentë të rëndësishëm të kristian-demokratëve italianë, përfaqësues të rajoni të Lombardisë. Lombardia është një rajoni më i pasur, më i madh dhe më i rëndësishëm i Italisë me 9.5 milion banorë dhe ka nivelin më të ulët të pa punësisë. Kam ardhur sëbashku me ministrin Ndoka që me të vërtetë e falenderoj nga zemra për të parë se si mund të jemi të nevojshmë në këtë rajon, si në projektet politike edhe në ato administrative.

Besoj se në rajonin e Mirditës mund të bashkëpunojmë në nivel binjakëzimi, edhe në sektorin politik dhe atë administrative.

Z. kryebashkiak, nëse do të donit të kishit kontakte dhe të bashkëpunoni me ivestitorë të fuqishëm italianë, gjithë delegacioni i Lombardisë që më shoqëron, është në dispozicioni tuaj. Sot raporti i Shqipërisë ka ndryshuar krahasimisht me 10 vite më parë. Shqipëria shikohet si partner i rëndësishëm si në politikë ashtu edhe në ekonomi, dhe në kemi se cfar ti japim nëri tjetrit. E gjitha Partia Kristian Demokrate e rajonit të Lombardisë do të jetë pranë jush në procesin e integrimit euroatlantik. Ky është rezultati i parë që ju duhet të arrini. Në ditën kur ju do të arrini për ta realizuar këtë, problemet e Shqipërsë do të jenë të zgjidhura. Do të ketë stabilitet politik më të madh sa keni tani. Falenderoj edhe një herë z. Ndoka për këtë vizitë dhe tani ju mund të na konsideroni si vëllezërit tuaj.

Ndërsa në vijim të takimit z. Gjon Dedaj tha se unë ju falenderoj. Këtë vënd e ka mbajtur vëllazërimi dhe dashuria dhe sigurisht me frymë kristiane. Për këtë unë ndjehem vërtetë i emocionuar, dhe bashkë me mua janë edhe kryetarët e komunave me mjaft emër, e që ju do ti keni në hartat e mardhënieve politike dhe jo vetëm kaq, ju  të gjithë do të keni gatishmërinë tone sëbashku me kolegët, sic janë kryetari i komunës së Oroshit z. Sandër Lala dhe ai i komës së Fanit, z. Gjergj Prenga. Sëbashku ne kemi fatin e madh që një lumë që ju shërbente të parëve tanë, sot do të shërbejë për ta bërë jetën tonë më të begatë, pasi do të bashkojë të dy kryeqytet tona, Tirana dhe Prishtina. Ne na duhet që të jemi të aftë që të marrim vendime të përbashkëta kur fati na bie të kemi ivestime të mëdha. Nëse situatat politike kanë mundur që ta korigjojnë këtë dënim në njërin krah të Mirditës, nuk ndodh kështu në krahun tjetër, dhe kryetari i komunës së Ulzës që është këtu, ndonëse i ka të gjitha lidhjet shpirtërore me ne, ashtu edhe kryetari i Kthellës që përshkon përditë një rrugë që kanë ndërtuar italinat në kohën e mbretit Zog, nuk e ka shansin që të shtyhet drejt bashkisë më të afërt, asaj të Burrelit sepse ndërtimi i një hidrocentrali ashtu sic nuk ka ndodhur askund, ka ndërprerë një rrugë e cila nuk funksionon prej 60 vitesh. Kësisoj, që neve na duhet që sëbashku ti korigjojmë të gjitha plagët, pasi një vëlla i plagosur në kufi, nuk është në lartësinë e duhur, por me siguri unë mendoj se jemi vëllezër që kemi të njëjtat lartësi shpirtërore.

 Ju jeni këtu midis njerzve që i duan këto male, këtu shërbejnë sic është drejtori i shëndetit publik  z. Simon Kala, apo kolegët e mij sic është n/kryetari i Bashkisë z. Dod Pepkloaj që edhe jashtë orarit zyrtar, është këtu i pranishëm. Ne e duam këtë vënd, dhe dëshirojmë ta bëjmë të vizitueshëm jo vetëm për italianët, por me siguri duke qenë se ju jeni vëllezërit tanë më të afërt, ne e kemi kurajon që të themi se na mungojnë  resurset e domosdoshme për ti bërë ato ndërtime efektive në një kohë sa më të shkurtër, por gjithësesi sikurse ju keni konstatuar, unë besoj se energjitë e këtij vëndi janë të drejtuara pozitivisht, shkojnë drejt qytetërimit e bashkëjetësës ose e thënë ndryshe, “Qytetërimit të Dashurisë”. Kësisoj unë mbetem i privilegjuar te deklaroj se bashkëpunimi i parë është me atë që pasuron mendjet dhe shpirtin tone sic ëshë shkolla dhe shkollimi i vazhdueshëm dhe sigurisht pastaj, komponetët e tjerë ekonomikë e socialë që me siguri ju jeni krejt të ndërgjegjshëm se ne po ndjekim Italinë e shumë viteve me parë. Kësisoj ne përpiqemi të mos e humbasim zotësinë që patëm për të dalë nga diktatura, por gjithësesi jemi duke humbur energji nga dita në ditë për shkak të orientimit tone, dhe mbështetjes së kufizuar. Me siguri Lombardia mund të përbëjë një shëmbull dhe mundësi të mirë për ne. Edhe njëherë ju falenderoj.

 Ndërsa kreu i Unionit kristian-demokrat z. Luigi Baruffi teksa ka parë në zyrën e Kryebashkiakut z. Gjon Dedaj shejtoren Nënë Tereza jo pa emocion deklaroi se më vjen mirë që këtu shikoj Nënë Terezën, sepse edhe kjo është një shënjë e identitetit tonë të përbashkët, do të thotë që kemi të njëjata vlera të referimit, do të thotë që do bëjmë një rrugë të përbashkët.  E kam thënë edhe gjatë takimeve të tjera në vëndet që ne vizituam, se ne kemi edhe mundësi të tjera të përbashkëta, dhe njëra nga këto është koncepti që kemi mbi familjen. Ne jemi duke përjetuar krisjen e familjes që do të thotë që nuk kuptohet më se cila është familja. Por ne duam të vazhojmë e tu referohemi këtyre vlerave. Edhe ju keni të njëjtat koncepte që kemi ne, kemi pasur një të kalur të njëjtë. Juve u është dashur shumë kohë që të dilni nga diktatura komuniste, por edhe ne na janë dashur 20 vite për tu liruar nga diktatura fashiste. Kësisoj Italia e viteve 50-të ishte si të thuash, si Shqipëria sot, në kuptimin material, gjithashtu edhe në pikpamjen morale. E kështu kryebashkiaku Dedaj është një pikë referimi për të gjithë. Ky komunitet dhe kryebashkiaku bëhen shëmbull për të mirë. Në këtë komunitet kryebashkiaku është shëmbulli i duhur për të zgjidhur problemet e komunitetit. Unë dua të them se me aq sa kam kuptuar nga eksperienca politike, ka një raport mirkuptimi mes të tjerëve edhe problemet më të vështira gjejnë rrugën e zgjidhjes. Ne nuk jemi këtu thjesht për të kaluar, por jemi këtu për të testuar, do të keni mbështetjen tonë. Duhet ta dini se ne cdo moment mund të dëgjohemi, të shkembejmë opinione ose ndoshta dhe për ndihmën që ju nevojitet. Komplimente z. kryebashkiak për ekspozenë. Natyrisht kjo demonstron se ka shumë punë për të bërë, por natyrisht  një pjesë shumë e madhe e tyre janë bërë. Për këtë edhe një herë komplimete!

Pas kësaj e ka marrë fjalën z. Nard Ndoka i cili ka falenderuar përzemërsisht kryebashkiakun Gjon Dedaj për pritjen por edhe miqtë italianë për fjalët e përzemërta por edhe për gatishmërinë në fushat e bashkëpunimit të gjithanshmë. Në kët frymë kanë qënë edhe përshëndetjet e Kryetarit të Komunës së Oroshit z. Aleksandër Lala dhe atij të Ulzës.

Në fund z. Dedaj në shënjë mirnjohje dhe respekti për miqtë italianë, u ka dhuruar atyre një punim artistik ku shfaqej Katedralja e Rrëshenit dhe Heroi ynë kombëtar, Skëndërbeu. Me këtë rast z. Dedaj vuri në dukje punën me përkushtim të Ipeshkevit të Dioqezës së Rrëshenit, imzot Cristoforo Palmieri, por edhe për heroin kombëtar Skënderbeu. Miku Italian u shpreh shumë i kënqur me dhuratën, dhe pasi deklaroi se këto dhurata do ti ekspozonte në zyrën e tij të punës, duke vënë në dukje se, Skëndërbeu ishte hero kombëtar edhe për Italinë, pasi sipas tij, nëse nuk do të ishte Skendërbeu edhe Italia do të kishte marrë drejtim tjetër, duke nënkuptuar se edhe ajo nuk do ti kishte shpëtuar islamizimit. Pas kësaj, kryebashkiaku i Rrëshenit dhe miqtë italianë kaluan në një kafe pune, duke i dhënë fund edhe takimit të sotëm. 27. 06. 08

A. Ndoja