Edhe fëmijët e çerdhes festë për 1 Qershorin.

 Renisa, Diana, Klevi, Leo, Xhesika, Emi, Saimoni, Reni etj, janë disa nga fëmijët që ende nuk kanë mbushur tre vjeç, por falë punës së edukatoreve në çerdhen e tyre, kanë surprizuar dhjetra prindër e të tjerë vizitorë. Të rrjeshtuar në karriget e tyre të vogla, ata kanë zbukuruar të gjithë mjedisin në koridorin e godinës së çerdhes, ndërsa ambienti ka qënë tepër i ngushtë për të mbajtur prindërit e fëmijëve por edhe vizitorët kuriozitarë, të cilët janë shfaqur tepër surprizuar nga recitimet, vallet, e këngët e fëmijëve, në një moshë që sapo kanë filluar të flasin gjuhën e bukur shqipe. Recitimet për yllin, macen, edukatoren, prindërit etj, kanë bërë që prindërit e tyre dhe shumë të pranishëm të duartrokasin, por edhe të falendërojnë edukatoren e tyre Mrika Përgega, për punën me përkushtim, jo vetëm për sa i përket trajtimit brëda shtëpizës së tyre por edhe punës së pa lodhur për të ndikuar tek fëmijët që ata të jenë sa më të çlirët, të hapur dhe të kuptojnë sa më shumë nga ambienti që i rrethon. Përveç këngëve dhe përshëndetjeve fëmijët kanë prezantuar edhe disa gara të vogla, se cili ishte më i shpejti për të kapur mollën, apo biskotat. Kështu fëmijë kaq të vegjël nuk kanë qëndruar më pas atyre të godinës fqinje, kopshtit të cilët tashmë kanë krijuar një traditë të spikatur për festimin e ditës së tyre festës së 1 qershorit. Kjo është hera e parë që fëmijë kaq të vegjës stimulohen të festojnë festën e tyre 1 Qershorin. Sipas edukatore Mrikës, fëmijët edhe pse janë kaq të vegjël, kanë shijet e tyre për muzikën, recitimin etj. Kjo më bëri që të nis përgatitjet duke u konsultuar me prindërit, por edhe duke tërhequr mendimin e psikologut. Ajo që më ndihmoi më shumë në këtë nismë, ka qënë mbështeja e pridërve të tyre, të cilët them se dolën shumë të kënaqur nga ky lloj testimi për fëmijët e tyre. Edukatorja thotë se pas kësaj jam shumë e kënaqur edhe pse fëmijët nuk arritën të përcillnin të gjithë atë që ata mund dhe kishin dhënë gjatë provave në shtëpizëen e tyre. Në fund të gjithë prindërit janë shprehur të kënaqur me punën e edukatoreve, dhe të gjithë çerdhes të fëmijëve të qytetit. 1. 06. 2008

A. Ndoja