Ceremoni me rastin e fillimit të vitit të ri shkollor.

Kryebashkiaku Ndue Gega: Do të jem pranë jush për shqetësimet, për të patur rezultate sa më të larta.

Në të gjithë Bashkinë Rrëshen sot janë hapur dyert e shkollave për sezonin 2011-2012. Ceremonia fillimisht ka nisur në shkollën e mesme në Rrëshen, përpara qindra nxënësve dhe mësuesve. Ngritja e Flamurit dhe  shoqërimi me hymnin e Tij, ka qënë pika kulminate e kësaj ceremonie. Më tej ka përshëndetur drejtorja e kësaj shkolle znj. Valbona Reci. Në fjalën e saj, pasi ka uruar nxënësit dhe mësuesit për një vit të mbarë shkollor, u është drejtuar në veqanti maturantëve të cilëve u ka kërkuar më shumë përkushtim për rezultate të larta, duke i njoftuar për corikulën e re, e cila do të zbatohet gjatë këtij viti.

Më tej ka përshëndetur mësuesi veteran i kësaj shkolle z. Zef Macaj, i cili tha se jam shumë i emocionuar që në moshën 80 vjecare vij këtu para jush, mësues dhe nxënës, për t’ ju uruar një vit suksesi dhe arritjesh. Z. Macaj duke evidentuar faktin se kjo shkollë ka një histori suksesi, tha se nga këto banka kanë dalë intelektualë të shquar, njerëz të pendës, artit dhe kulturës, por edhe drejtues të zotë të shtetit dhe shoqërisë. Duke përfunduar, mësuesi veteran ka falenderuar të gjithë ata që mundësuan që ai të marrë pjesë në këtë ditë festive për arsimin.

Ndërkohë ceremonia më e spikatur për ditën e parë të shkollës, është zhvendosur në ambientet e kompleksit shkollor të sistemit 9-vjecar, kompleks i cili është plotësuar pas ndërtimit të një shkolle të re e cila i ka lidhur në formë gërme “U” dy godinat e mëparshme. Ky kompleks tashmë ka kapacitetin për të pritur rreth 1400 nxënës në kushte mjaft të mira.

Përafërsisht një numër i tillë ka qënë sot në oborrin e kësaj shkolle, pasi shkolla 9-vjecare që ishte ngjitur me shollën e mesme, do të nisë mësimin në këtë kompleks shkollor, për ti lënë ambientet e saj në dispozicion të shkollës së mesme, e cila zgjidh  përfundimisht  problemin e ambienteve të kufizuara.

Ambientit festiv në këtë kompleks shkollor i ka paraprirë muzika e gëzuar dhe zërat e fëmijëve që nisin nga klasa e parë deri në klasën e 9-të.

 Albina Niklolli drejtoreshë e shkollës 9 vjecare ka qënë e para që ju ka uruar nxënësve dhe mësuesve një vit shkollor të mbarë dhe me cilësi.

Ndërkohë që Drejtori i Arsimit në Mirditë në përshëndetjen e tij ka evidentuar sukseset e arsimit në Mirditë, reformën e kujdesshme për të përftuar një kuadër të mirpërgatitur.

Me duartrokitje është pritur përshëndetja e Kryetarit të Bashkisë z. Ndue Gega i cili vjen në këtë detyrë pas një karriere të gjatë në armatën e mësimdhënësve.

z. Ndue Gega tha se kam rastim për t’ju uruar për një vit shkollor ku do të përfitohen dije të gjera, për tu bërë qytetarë të denjë të këtij vendi. Dua të uroj të gjithë nxënësit e shkollave 9 vjecare, por një urim të veqantë ju dërgoj nxënësve të shkollës së mesme. Unë këtë vit shkollor nuk do tu bëj mësim, por ata nxënës dhe mësuesit shokët e mij të më konsiderojnë si pjestar të armatës së tyre. Unë nuk do tu bëj mësim maturantëve këtë vit, por do të jem pranë tyre për shqetësimet për të patur rezultate sa më të larta.

Siguroj drejtoreshat Valbonën, Albinën, Vitoren se do të jem pranë tyre, pasi jemi të ndërgjegjshmë se shkolla ka shumë probleme dhe shqetësime. Me këtë rast dua tu ju uroj për këtë ambient të ri, dhe u kërkoj ta mirëmbani sa  më mirë. Në fund kryebashkiaku Ndue Gega përshëndetjen e mbylli me urimin “Dalshi faqebardhë”.

Më pas është vijuar me dhurimin e librave për fëmijët e komunitetit egjyptian që zhvillojnë mësim në shkollat e bashkisë Rrëshen.

a. ndoja

12. 09. 2011