Në gjashtë vjetorin e inagurimit të Katedrales, edhe dy priftërinj të rinj për dioqezën e Rrëshenit.

 Genci Çupi nga Kaçinari është i pari mirditas që pas 90-tës merr  titullin e meshtarit.

 Qindra besimtarë, drejtues të pushtetit vendor, intelektualë, të rinj dhe të reja etj, kanë tejmbushur sallën e madhe të Katedrales për të përcjellë ceremoninë madhështore dhe meshën e cila finalizoi shugurimin e dy të meshtarëve të rinj, të cilët kanë zgjedhur ti përkushtohen shërbimit të njerzve, në emër të Zotit. E veçanta e kësaj dite ka të bëje me faktin se Kisha Katolike merr në familjen e saj të madhe, një të ri nga Mirdita. Ai është Genci Çupi  nga fshati Simon i Kaçinarit, i cili është i pari mirditas i pas viteve 90-të, që merr bekimin e zotit me veladonin e meshtarit. Sëbashku me të, një privilegj të tillë e ka përfituar edhe një i ri tjetër Ambroz Demaj, nga Vitia e Kosovës. Pas një studimi të gjatë për priftërinj dioqezan, ata u shuguruan si të tillë për të shërbyer përgjithnjë në dioqezën e Rrëshenit. Ceremonia e shugurimit meshtarak me këtë rast, ka nisur rreth orës 15 të ditës së shtunë. Mesha është udhëhequr nga Ipeshkëvi i Dioqezës së Rrëshenit, imzot Kristoforo Palmieri, i cili ka hyrë në Katedrale i shoqëruar nga rreth 40 meshtarë të mbërritur nga të gjithë kishat e Dioqezës së Rrëshenit, me shtrirje në Burrel dhe Peshkopi, gjithashtu edhe Seminari ndërdioqezan i Shkodrës. Në rradhën e parë kanë qënë vendosur familjet e mbërrituara nga Kosova dhe Kaçinari të cilët kanë ndjekur gjithë emocion ritin madhështor të drejtuar nga atë Kristofori dhe mbështetur nga qindra besimtar. Ndërsa në rradhë kanë qënë vendosur deputeti i zonës z. Gjovalin Prenga, N/Prefekti Gjon Pjetri, Kryetari i Bashkisë Rrëshen Gjon Dedaj, Kryetari i Bashkisë Rubik z. Mark Ruçi, Kryetari i komunes Kaçinar, z. Kastriot Ndoji, dhe drejtues të tjerë të pushtetit lokal në Mirditë. Ceremonia meshtarake është përcjellur nga Radio Maria (kliko ketu)  dhe disa prej gazetarëve të shtypit qëndror që operojnë në Rrëshen. Një festë e tillë ka konciduar me gjashtë vjetorin e përfundimit të ndërtimit të Katedrales së Rrëshenit.  

Pas hyrjes madhështore të meshtraëve nga dioqeza e Rrëshenit dhe seminari ndërdioezan i Shkodrës mes të cilëve ka qënë edhe atë Kristofori, ka nisur edhe ceremonia e shugurimit meshtarak. Për më shumë se dy orë Ipeshkëvi Palmieri i mbështetur nga bashkëpunëtorët e tij dhe kori i kishës, ka udhëhequr meshën duke respektuar çdo detaj të saj. Momenti final ka qënë kur të gjthë meshtarët e pranishëm në këtë ceremoni, janë vënë në rradhë duke u vënë duart në kokë, dhe më pas dy priftërinjtë e rinj, janë  vënë në rradhë duke u dhënë dorën të gjithë meshtarëve. Ky ka qënë momenti i cili ka finalizuar pranimin e dom Genc Çupit dhe dom Ambroz Demajt, në familjen e madhe dhe fisnike të kishës dioqezane. Më pas është lexuar përshëndetja e dërguar nga përfaqësuesi i Selisë së Shenjtë në Tiranë. Epilogu i kësaj meshe ka qënë përshëndetja me këtë rast e Ipeshkëvit Kristoforo Palmieri, dhe kryetarit të Bashkisë z. Gjon Dedaj. Të pranishmit kanë marrë pjesë në një koktej festiv.

Në ditën pasuese ceremonitë kanë vijuar në fshatin Simon të Kaçinarit. Meshtari i ri Çupi, meshën e parë pas marrjes së titullit ja ka rezervuar fshatit të tij të lindjes. Ka qënë mjaft emocionant për të gjithë të pranishmit, moment i ritit të bekimit nga prindërit e tij. Dom Genci pasi mori bekimin e dy prindërve doli nga kulla ku ka lindur dhe është rritur, dhe u drejtua për nga kisha e fshatit për ceremoninë e meshës. E gjithë ceremonia është ndjekur nga qindra bashkëfshatarë të tij, të cilët e kanë mirpritur këtë fakt. Po ashtu ne kete ceremoni kane marre pjese shume prej banoreve te Kaçinarit te cilet jane larguar per te banur ne zona te tjera te vendit. Në fund kryetari i komunës së Kaçinarit z. Kastriot Ndoji, ka organizuar një koktej festiv me këtë rast.

Pershendetja me kete rast e Ipeshkevit Kristoforo Palmieri...Kliko ketu.

Pershendetja me kete rast e Kryetarit te Bashkise z. Gjon Dedaj...Kliko ketu.

Foto nga ceremonia meshtarake...Kliko ketu...

Aleksandër Ndoja