Çertifikatë falenderimi për vullnetaren e Korpusit të Paqes, Frances Anderson.

Ishte senatori i vitit 1961 Xhon F. Kenedi i cili i ndodhur para studentëve të Miçiganit sfidoi ata  duke u kërkuar që  t'i shërbyer vendit të tyre në kauzën e paqes, duke jetuar dhe punuar në vendet në zhvillim. Askujt nga Shqipëria e asaj kohe nuk i kishte shkur mendja se një ditë vajza dhe djem të rinj të sapo diplomuar në universitete të SHBA-së, do të vinin për të punuar dhe jetuar edhe në Rrëshen, pa asnjë pretendim për një jetë më të mirë se ajo e vëndasve, madje edhe më të thjeshtë dhe të angazhuar. Të rinj dinamikë të cilët kanë dhënë dhe po japin kontribut në bashki, shkollë e spital. Lista e kontribuesve amerikanë në Mirditë në kuadrin e Korpusit të Paqes është mjaft e gjatë, ndërsa dy prej tyre përgatiten të lënë Rrëshenin në përfundim të misionit të tyre. Lënë pas mjaft miq dhe njerëz të dashur që i kanë shoqëruar prej dy vitesh. Lënë pas shumë kontribute dhe aktivitete që do mbesin gjatë në kujtesë.

Pikërisht një ditë më parë, ishte kryetari i bashkisë z. Gjon Dedaj i cili në ceremoninë e përcjelljes për vullnetaren Frances Anderson theksoi se doja tu falenderoja për kontributin që keni dhënë dhe po jepni në qytetin e Rrëshenit. Unë mendoj se Mirdita ju ka ofruar dashuri dhe respekt, ndërkohë që praninw tuaj e konsideroj si privilegj për Mirditën. Falenderimi për ju është një detyrim i brëndshëm i yni, dhe falenderimi më i madh është për Korpusin e Paqes, ambasadën dhe të gjithë popullin amerikan.

Unë jam i bindur se në një copë letër nuk mund të shprehet mirnjohja për punën dhe kontributin tuaj, pasi ju jeni pjesë e një vëndi që eksporton paqe, ndësa ne mbetemi ende një vënd që e importojmë atë, ndonëse kontribuet tona janë mjaft të mëdha. Duke përfunduar z. Gjon Dedaj tha se duhet të ruani kontaktet me qytetin tonë i cili gjithnjë ka për tu kujtuar.

Më tej ceremonia ka vijuar me dhënien e certifikatës së falenderimit akorduar nga Bashkia Rrëshen. Frances Anderson mjaft e emocionuar gjatë marrjes së certifikatës ka falenderuar përzemërsisht z. Gjon Dedaj për nderin që i është bërë. Ajo theksoi se se Rrësheni është një qytet mjaft i bukur, me njerëz shumë të mirë. Kemi shumë shokë e shoqe këtu në Rrëshen, të cilët do ti kujtojmë gjithmonë. Në tekstin e certifikatës shkruhet, se ajo akordohet në vlerësim të vullnetit dhe kontributit maksimal për shërimin e të sëmurëve në Rrëshen, për më shumë shpresë, më shumë besim e më shumë forcë, për qytetarinë e bashkimit në shërbim të paqes, shëndetit dhe dashurisë. Edhe vullnetarë të tjerë pjesmarrës në këtë takim lamtumire u shprehën për kontributin e Frances Anderson, dhe falenderuan kryetarin e bashkisë Rrëshen për bashkëpunimin e shkëlqyer me Korpusin e Paqes.

A.   Ndoja