Konferenca Kombëtare: Strategji të suksesshme për zbatimin e Ligjit kundër Dhunës në Familje.

 Femije denonconi dhunen ndaj Jush. Telefono pa pagese ne 116...

Bashkia Rrëshen është një ndër pesë bashkitë në vëndin tonë që ka një bashkëpunim të ngushtë me shoqatën “Refleksione” dhe rrjetin e shoqatave kundër dhunës ne familje. Për më shumë se dy vite bashkëpunimi mes kësaj shoqate dhe Bashkisë Rrëshen, janë zhvilluar aktivitete të shumta njohëse dhe sensibilizuese në qëndër të të cilaës ka qënë identifikimi dhe parandalimi i dhunës në familje, dhe veqanërisht kundër dhunës ndaj grave dhe vajzave.

Në këtë kuadër, kjo shoqatë organizoi në Hotel “Tirana Internacional” Konferencën Kombëtare me temë: Ta bëjmë realitet: Strategji të Suksesshme për Zbatimin e Ligjit kundër Dhunës në Familjen në Shqipëri”

Konferenca kombëtare ka pasur më rend dite:

Angazhohu. Vepro. Kërko: Ne MUND ta ndalojmë dhunën ndaj grave!.

Të pranishëm në këtë konferencë ishin individë të angazhuar në këtë drejtim nga pesë bashkitë si Rrësheni, Shkodra, Berati, Vlora, Pogradeci, drejtues të shoqatës “Refleksione” si Monika Kocaqi e Delina Fico, menaxhere e programit UNIFEM, Christine Arab, drejtuesit e bashkive Berat e Rreshen, z. Fadil Nasufi e Gjon Dedaj, si edhe minsitri i Ceshtjve Sociale e Shanseve te Barabarta z. Spiro Ksera e deputetet Lajla Pernaska e Mesila Doda.

Në fillim z. Monika Kocaqi, drejtore egzekutive e “Refleksione” ka bërë të ditur programin e konferencës duke dhënë edhe disa detaje në lidhje me organizimin dhe rezultatet e shoqatës që ajo drejton. Mes të tjerave ajo ka theksuar se takimi i sotën buron nga aktiviteti ynë i përbashkët. Ajo ka vënë në dukje se kur ka nisur aktivitetin kjo shoqatë, realiteti ka qënë mjaft i ndryshëm dhe i vështirë. Ajo vuri në dukje se një ndër arritjet e kësaj shoqate ka qënë edhe emplementimi i ligjit që rregullon të drejtat e grave dhe ndëshkon dhunën në familje. Duke ju referuar disa statistikave znj. Kocaqi tha se me marrjen fuqi të këtij ligji në vitin 2007 janë shtuar rastet e denoncimeve në polici dhe për pasojë marrja në mbrojtje ligjore nga ana e tyre.

Më pas ministri Spiro Ksera ka folur për përpjekjet e ministrisë që ai drejton për të qënë sa më pranë shtresave në nevojë, aq më tepër viktimave të dhunës. Piërisht për këtë jemi të interesuar dhe kemi shprehur vullnetin për të bashkëpunuar me organizatat që marrin në mbrojtje këto kategori sociale. Ai vuri në dukje se në parlamentin aktual niveli i përfaqësimit të grave nga 7 %  ka arrit në 16 %.

Edhe deputetet Përnaska dhe Doda  kanë folur për eksperiencat e tyre në angazhimet kundër dhunës gjatë kohës kur ato janë marrë me shoqatat që kanë një mision të tillë.

Në mbrojtje të ligjit aktual ka dalë edhe znj. Aurela Anastasi e cila ka vënë në dukje se ligji shqiptar është shkruar mirë, parandaj ka pasur edhe arritje të tilla. Ajo ka bërë të ditur me shifra, se kurba e denocimeve në polici dhe i atyre që kanë përfituar mbrojtje të detyrueshme ka ardhur gjithnjë e më në rritje.

Në pjesën e dytë të konferencës ka folur kryetari i Bashkisë së Beratit z. Fadil Nasufi i cili ka theksuar se dhuna në familje është një problem që prek të gjitha shtresat dhe grupet e shoqërisë pa dallim rrace a etnie, niveli ekonomik, zone gjeografike, besimi fetar, moshe etj.

Ai ka paraqitur një sërë argumentash të cilat kërkojnë vëmedjen e organeve përgjegjëse për marrjen e masave parandaluese dhe luftës kundër dhunës në familje. Disa prej tyre janë argumeti i drejtësisë, i eficensës, i cilësisë së jetës, i veprimit zinxhir.

Pas z. Nazufi e ka marrë fjalën kryetari i Bakisë Rrëshen z. Gjon Dedaj. Për disa minuta ai ka tërhequr vëmendjen e të pranishmëve përmes një komenti të gjatë përmes slajderave në monitor. Në këtë paraqitje ishin gërshetuar mirë e kaluara dhe e tashmja ku në Mirditë këto probleme kanë egzistuar dhe egzistojnë, por që janë luftuar me libra rregullash të hershëm siç është Kanuni, por më vonë me ligjet në kushtetutë, pa përjashtuar edhe Kodin e Familjes.  Z. Dedaj ka bërë një panoramë të gjatë të situatës aktuale dhe të shkaqeve që çojnë në situata të pa pëlqyeshme që cënojnë familjen si bazë e shoqërisë. Z. Dedaj vuri në dukje së pas më shumë se dhjetë trainimesh ku janë trainuar nëpunës të të gjitha instancave që shtrihen në juridiksionin e bashkisë duke përfshirë punonjës të Bashkisë Rrëshen, punonjës të policisë, përmbarues, avokat, mjek dhe mësues rezulton se ata dhe të tjerë mendojnë më shumë dhe bashkërisht se “Familja është njësia themelore dhe natyrore e shoqërisë“ sikurse citohet në nenin 16/3 të Deklaratës Universale të Drejtave të Njeriut. Kjo sepse familja është njësi matëse e demokracisë. Një tjetër pjesmarrëse na thotë se Shqipëria ka një larmi ligjesh që mbrojnë liritë dhe të drejtat themelore të njeriut, por fenomeni “Dhunë në Familje fatkeqësiht“ është edhe në Mirditë, por sensibilizimi i shoqërisë nga trainimet e vazhdueshme të shoqatës Refleksione dhe rrjetieve kundër dhunës në familje gjithnjë e më shumë po reflekton efekte pozitive.

Duke përfunduar z. Dedaj tha se falë këtij bashkëpunimi Bashkia Rrëshen ka një ngritje reale të kapaciteteve humane, dhe po krijon një bazë të dhënash statistikore të besueshme elektronike në këtë drejtim, duke evidentuar edhe homepage www.bashkiarreshen.com. 

Më pas diskutantë të shumtë kanë dhënë mendimet e tyre për situatën në të cilën gjendet familja shqiptare dhe kanë dhënë mjaft ide se si mund të të arrihet që dhuna në familje të izolohet dhe të minimizohet sa më shumë. Ndër diskutantet ka qënë edhe dava Gjoka e cila ka evidentuar faktin se shoqata  „Refleksione“ ka shfaqur një korrektesë të admirushme në Mirditë e më gjerë. Ajo tha se në Mirditë veprojnë dy shoqata si „Gruaja për Progres“ dhe „Gruaja Mirditore“. Ajo tha për këto shoqata kërkohen edhe më shumë finacime që anagazhimi i tyre të jetë edhe me efikas.

Në këtë konferencë u bë i njohur edhe një numër telefoni për fëmijë. Ai do të jetë nr 116 dhe është falas për ata që telefonojnë. Në ketë numër duhet të denoncojnë fëmijët nëse ata janë pre e dhunës fizike apo psikologjike, si nga prindërit apo mësuesit. Sipas relatores, ky numër do të jetë gjithnjë në dispozicion dhe në cdo rast dikush do të përgjigjet në anën tjetër të telefonit. Në fund të pranishmit kanë bërë thirrje donatorëve për më shumë mbështetje.

A. Ndoja