Nënshejt, edicioni i parë i guidës “Mirdita turistike 2008”

 Është zhvilluar ditën e sotme edicioni i parë i Guidës “Mirdita turistike 2008”.

Është një program i hartruar prej një viti në strategjinë e zhvillimit turistik që ka pikësynuar departamenti i kulturës në bashkinë Rrëshen si dhe pallati i kulturës “Mirdita” në bashkëpunim me Forumin e Zhvillimit të Zonave Malore dega Mirditë, për t’i dhënë impuls zhvillimit të turizmit si element ndjellës për historinë, kulturën, folkun, jetën tradicionale dhe resurset e krahinës për të huajt dhe vizitorë të tjerë vendas.

Si edicion i parë, në saj të një bashkëpunimi në projekt mes Axhensisë së Zhvillimit të Zonave Malore (MADA) dhe bashkisë Rrëshen si dhe disa faktorëve të tjerë, është realizuar shtegtimi guidistik në bashkëpunim me një pjesë të stafit të makinave tipike të Rrelly-Albania, të cilat kanë demonstruar në mënyrë perfekte ecjen nëpër rrugët malore të Mirditës, kryesisht zonës së Oroshit.

 Stacionet

 Stacioni i parë” Gëziqi

Makinat e vëna në rrjesht që nga ato të Rrell-it, përfaqësues të MADA-s, drejtues të bashkisë, artistë, krijues e studiues, të shoqëruar nga makina të policisë janë ndalur tek Kisha e Gëziqit, ku ka folur për epiqendrën e shtetit të parë të Arbrit studiuesi Ndue Dedaj, duke bërë me dije rëndësinë e këtij vendi jo vetëm për Mirditën por dhe për Shqipërinë dhe pikërisht stema e Arbërit e gjetur në këtë vend, ruhet sot në muzeun historik kombëtar si dëshmi e autencitetit tonë.

Kanë përshëndetur për këtë nisje turi turistik dhe kryetari i bashkisë Rrëshen Gjon Dedaj, i cili ka falenderuar tërë aktorët e kësas dite të mrekullueshme, ashtu si dhe drejtori i MADA-s Shkëlzen Marku, duke theksuar projektet e këtij axhensioni për zhvillimin tërësor të zonave malore ashtu si dhe veprimtari të tilla promovuese të rajoneve si Mirdita e bukur malore.

 Stacioni i dytë: kalimi nëpër autostradë

 Pas një ndalesse të shkurtër në Shpal tek vendi i kuvendeve të famshme, karvani turistik i prirë nga RRELLY ALBANIA, ka shtegtuar përmes disa kilometra të autostradës së re duke kundruar dhe urat e bukura vepra gjigande arti në Reps, dhe më pas për të kaluar nëpër fshatrat e Oroshit, Lgjini, Bulshari dhe më tej për Nënshejt. Një nga pamjet vërtetë befasuese pas mjegullës së davaritur pas shiut të natës, e tërë fshatrave të Oroshit, grykës dhe abacisë e deri thellë në luginën e Fanit të Vogël ku shiheshin gjurmët e plota të autostradës. Foto të lira dhe ecje ët vrullshme me makinat sportive, kanë qenë në imazhin e kësaj pjese shtegtuese.

 Stacioni i tretë: Tek Ultinjtë e Nënshejtit

 Ultini i Nëshejtit, i mbjellur nga fretërit e bardhë benediktin të ardhur nga Roma këtu e 900 vite më parë janë vizituar nga grupi shtegtues. Edhe pse i moçëm dhe thuajse i “plakur”, në grahmat e fundit, një mrekulli më vete për nga pozicioni i vendosjes në Qafëg Shejt. Studiuesi Bardhok Pulaj në rolin e ciceronit ka spjeguar gjithë historinë e tyre si dhe ansamblit kishtar në këtë vend magjepsës për nga historitë dhe pamja piktoreske, me sa duket aq e gjetur nga bendiktinët e hershëm, që e kishin moto të tyre “Lutu dhe puno”, dhe i mbillnin këto pemë si fara të besimit. Dhjetra foto janë bërë aty.

Më tej ka folur dhe drejtori i shërbnimit pyjor Lek Marndrea, i cili ka bërë të ditur se kjo bjeshkë është shpallur Park Kombëtar nën mbroijtje dhe se për këtë gjë do të aplikohen disa projekte rivitalizmi të tryre aq më tepër që një pjesë do të jenë komunale. Mbetet e rëndësishme që këto pyje të ruhen nga prerjet dhe sidomos nga zjarret, pasi e tërë kurora e Nënshejtit deri në thellësi të pyjeve të Fanit dukej e djegur dhe e përzhitur nga flaket e vitit të kaluar.

 Stacioni i tretë: Fushë Lugjet

 Më pas ka qenë një shfaqje spontane e rrallë e katër makinave të Rrelly-Albania në Fushat Lugje, kur djemtë e guximshëm në mes tyre Spartak Marku dhe Edi Koslli me origjinë nga Rrasfiku kanë performuar skena vërtetë magjepsëse me shpejtësitë skëterrë dhe ngjitjet thuajse alpine me makinat e tyre nëpër livadhe Spartak Marku, i financuar direkt nga kompania e njohur e gazoileve Alpet, është mbajtës i vendit të dytë në garat e Rrelly-Albania dhe këtu ka treguar se e meriton një vend të tillë, me ngjitjet e frikshme që ka bërë në kodrat e Fushë Lugjes si specialist perfekt, por nuk kanë mbetur më pas dhe shokët e tij që kanë dhuruar kënaqësi jo vetëm për shtegtuesit por dhe për çobanët që veronin bagëti të shumta në këtë vend të mrekullueshëm.

 Stacioni i tretë: ritet e dasmës mirditore:

 Nënshejti është mbledhur i tëri si në një dasëm. Një dasëm që bëhej në zakon të të parëve. Oborri i burrit bujar dhe fisnik Gjetë Ndoj  ka pritur “dasmorët e ansamblit Mirdita”, një stilizim perfekt i këtij riti kaq të bukur burimor dhe ndonëse spontan i performuar në shkallë të lartë përsosmërie nga trupa e artistëve të këtij ansambli, me nusen me duvak mbi kalë, krushqit burra, nënën e nuses, të zotin e shpisë e me rradhë. E gjithë kjo është gërshetuar me ushqimin bio në natyre në sofra, pritja e krushqeve dhe sajdisja e nuses (valltarja dhe gazetarja Pranvera Ndoj), e deri këngët e bukura të këtij ansambli që nga kolazhe dasmash e me radhë.

Po aty në atë ambjent kaq të këndshëm dasme, është bërë degustimi i pijeve tradicionale ku është shquar vera dhe rakia e kantinës “Arbri” me president Farn Kacorri, si dhe pijet medicinale si dhe bimë të tilla nga mjeshtri i kësaj fushe Nikoll Pershqefa. 40 lloje ilacesh mjekësore popullore të mbledhura nëpër malet e Mirditës janë preznatuar aty, ashtu si dhe ushqimet bio po të traditës. Ushqimi i përdorur ka qenë i vendit deri tek kosi, djathi, qumështi i tundur, mishi, mjalti e me rradhë.

 Miss bjeshka e Oroshit

E bukur dhe shumë e mirpritur ka qenë sfilatimi i bukurosheve të bjeshkës ku nën ritmin e muzikës orkestrale mirditore kanë sfiluar me rrobat mirditore disa vajza. Me një votim publik është përzgjedhur dhe Miss Bjeshka, për guidën “Mirdita turistike 2008”. ajo është Alvarita Preci, studente në Universitetin e Tiranës, ndërsa në vend të dytë Pranvera Ndoj, studente e sapodiplomuar në gazetari. Për fitueset Kantina e verës Arbri ka ndarë dhe vlera të vogla financiare duke hapur kështu shtegun e një promocioni të tillë të bukurisë mirditore.

Në ritmet e këngës “Si vendlindja jonë nuk ka” është përmbyllur gjithë aktiviteti i vecantë guidistik, nga të rrallët e këtij lloji që zhvillohen në Shqipëri.

Në fund të veprimtarisë guidistike grupi shtegtues është ndalur tek Abacia e Famshme e Oroshit ku ka folur Bardhok Pulaj rreth historisë së kësaj abacie ku shërbej i përndrituri abat Prend Doci. Po ashtu një historik i shkurtër është bërë për derën e Kapidanatit si dhe internatin e Grykë Oroshit.

 Organizimi:

Punuan për realizimin e këtij shtegtim me të gjithë elementët e tij, moderator Gjergj Marku, drejtues i pallatit të kulturës “Mirdita”, Gaspër Topollaj, kordinator i Forumit të Zhvillimit të Zonave Malore në Mirditë, Gjovalin Ndoj, mësues, banor i Nëshejtit, Lin Kiku në pultin fonik dhe DJ, si dhe një staf ndihmësish të tjerë nga fshati Nënshejt, i cili ka ditur të përcjellë një veprimtari guidistike të rrallë në fshatin e tyre, që padyshim shumë shpejt do të bëhet pritës i turistëve të vendit të huaj dhe të vendit pas promocionit që do të bëhet edhe nga gazetarë të shumtë që ishin pjesëmarrës në këtë veprimtari turistike. 26.07.08

A. Ndoja