DISA TAKIME ME GRATË E FSHATIT

Bordi i shoqatës”Gruaja për Progres” pas përfundimit të projetit për shëndetin riprodhues,projekt ky i iniciuar dhe reaizuar nga shoqata CRINALI, u mblodh dhe analizoi punën e bërë,çfarë u arrit nga projekti,efektet konkrete të tij dhe ç’duhet të bëjmë për të ardhmen.

Përfitimet e grave në seancat trejnuese u konsideruan shumë të vlefshme.Për këtë u pa e domosdoshme që këto lloj trejnimesh të bëheshin edhe me gratë e zonave të afërta dhe të largëta. Mjeket,anëtare të shoqatës,shprehën gatishmërinë për të përgatitur tema për shëndetin e gruas dhe për t’i punuar ato në mënyrë vullnetare.

U vendos që të fillohej ky lloj aktiviteti në fshatin Jezull, një fshat 4 km.larg qytetit Rrëshen.

Me datën 07.12 2006 aktivistet e shoqatës shkuan në këtë fshat për të bashkëbiseduar rreth problemeve të shëndetit të gruas dhe për probleme të tjera që shqetësojnë këtë kategori të shoqërisë.Në mungesë të mjekes gjinekologe,bisedën e zhvilloi një mjeke tjetër.Gratë ishin shumë të interesuara për të marrë njohuri.

Ato ishin të gjitha shtëpiake dhe dukej hapur kënaqësia e një takimi të tillë që u dha mundësinë për të thyer monotoninë e përditshme. veç problemeve të shëndetit me këto gra u diskutua edhe për probleme të tjera si mardhëniet në familje,mardhëniet në çift,ç’duhet të bëjë gruaja për tu çliruar nga mentalitetet q ë e mbajnë atë të nënshtruar dhe e pengojnë për të qenë vetvetja,për probleme të edukimit të fëmijëve,etjer.Biseduam për më shumë se tre orë dhe na u duk se koha kaloi shpejt.

Kuptuam se gratë kanë shumë nevojë për ne,por dhe ne kemi shumë nevojë që t’i njohim më mga afër hallet e tyre që të mund të bëjmë sadopak një zbutje të tyre.

Në seancë morën pjesë 16 gra.

Kërkesat që patën gratë ishin këto:

-Të kenë informacion të shkruar në formën e gazetës,revistës ose dhe libra ku trajtohen probleme të shëndetit të gruas,apo që kanë të bëjnë me edukimin e fëmijëve dhe mardhëniet në familje.

-Një kërkesë tjetër ishte për të krijuar mundësi punësimi të grave pasi ato ishin të reja dhe qëndrimi në shtëpi e vështirësonte jetën e tyre si ekonomikisht ashtu dhe shpirtërisht.

Për këtë ato dhanë mendim që të hapej fabrikë këpucësh,rrobaqepësi ose ndonjë aktivitet tjetër ashtu siç ka në Lezhë, Laç ndërmarrje të tilla ku janë punësuar shumë gra.

Kur u kërkuam bashkëpunime të mëtejshme ato ishin të gatshme, por kur u thamë se aktiviteti i radhës do të jetë një mbrëmje dëfrimi, na thanë kjo nuk realizohet.

Kuptuam se këto gra janë të shtypura disa fish nga burri, nga vjehrra, kunati e njerëz të tjerë të shtëpisë. Edhe ndonjë familje që ka shenja civilizimi, mbytet nga mentaliteti i përgjithshëm. Mundësinë për tu çliruar këto gra e shikonin të pamundur. Kur kjo gjendje është vetëm 4 km. larg qytetit,imagjino si mund të jetë në zona më të thella të Mirditës.

Grupi i shoqatës i porositi që të luftojnë me durim dhe vazhdimisht për të drejtat e tyre dhe u premtoi se sëshpejti do të realizojë një mbrëmje me to, duke triumfuar me guxim mbi mentalitetet frenuese.

Në muajin korrik 2007, takime të kësaj natyre u organizuan në fshatrat Gëziq, Ndërfushas dhe Ndërfanë.

Edhe në këto fshatra takimet u mirëpritën nga gratë. Na falenderuam që u krijuam një mundësi për të dalë nga shtëpia dhe për të qëndruar pak kohë në shoqërinë e njëra-tjetrës. Vumë re që edhe këtu gratë kanë nevojë për informacion rreth shëndetit të tyre dhe problemet sociale janë të shumta.

Në këtë zonë krahas halleve të tjera jetën e gruas e vështirësonte mungesa e ujit (të pijshëm,për larje dhe për vaditje).

Pjesëmarrja e grave në këto takime qe e mirë.

Në Gëziq morën pjesë 27 gra.

Në Ndërfushas morën pjesë 12 gra.

Në Ndërfanë morën pjesë 14 gra.

Deri tani në zonën e fshatit janë trejnuar  69 gra. Është pozitive të theksohet se ato ishin të gatshme për tu organizuar përsëri në takime dhe pjesa intelektuale (mësuese,infermiere) u angazhua për të bërë vetë takime të kësaj natyre.

Me aktivitete të kësaj forme duam të shtrihemi në të gjithë zonën e rrethit Mirditë.

Pengesa më e madhe është mungesa financiare, për të përballuar të paktën udhëtimet. (puna është vullnetare nga anëtaret e shoqatës)

Organizuan dhe realizuan këto takime: -Marie Dodaj  kryetare e shoqatës

                                                    -Drane Kola  mjeke,ant.e bordit

                                                    -Marie Brozi  ant.e bordit

Kërkesë për ndihmë financiare: - Drejtuar cilitdo që mendon se gruaja është forcë e rëndësishme e progresit shoqëror.

Që të realizojmë objektivat në vazhdimësi na nevojitet ky buxhet:

1-Qera për qendrën e grave   1500euro

2-Pagesa e një psikologeje që të shërbejë në qendër  1500euro

3-Për të organizuar seanca trajnuese në ndihmë të grave në të gjithë rrethin  2000euro.

                   Nëse dëshironi të kontribuoni, kontaktoni në adresën: prog_gr@yahoo.com

Faleminderit nga Bordi i shoqatës