Dita Kulturore

“Krishtlindje 2008”

  Në prag të festave të fundvitit Bashkia Rrëshen ka patur një kalendar të ngjeshur veprimtarishë në bashkëpunim dhe me institucione të tjera, duke tërhequr në to pjesën dërmuese të qytetarëve.

  Dhurata për nxënësit më të mirë

  Në vazhdim të traditës së viteve, bashkia në bashkëpunim me Zyrën Arsimore organizoi në mjediset e pallatit të kulturës një veprimtari, dedikuar nxënësve më të mirë të shkollave 9 vjecare të territorit të saj.

90 fëmijë të ardhur nga Malaj, Ndërfushas, Gëziq, Tarazh dhe dy shkollat 9 vjecare të qytetit, kanë përjetuar momentet e gëzuara që sjell një organizim kolektiv, ndërsa për ta janë shpërndarë dhurata të pëlqyeshme për fëmijët nga ana e bashkisë. Pas një minispektakli, po për këta nxënës është shtruar dhe një kokteil.

Veprimtari të tilla janë organizuar dhe në shkollat e ndryshme, nga klasat, konvikti, mësuesit. Po ashtu veprimtari janë organizuar dhe nga shoqatat e grave, nga ekipiet e sportit, e të tjerë.

  Këngë dhe humor

  Në pallatin e kulturës, gjithashtu në një sallë të tejmbushur me spektatorë kryesisht mosha të reja, u organizua dhe një spektakël me këngë dhe humor, të ftuar këngëtarë e instrumentistë nga Rrësheni, Rubiku dhe Tirana si dhe personazhet e njohur të Portokallisë, Gjini dhe Ramadani.

  Mesha e Shenjtë

  Pika kulminante e këtyre veprimtarive shënohet festimi i Krishtlindjes në Katedrale.

Në mesnatë katedralja e Rrëshenit është mbushur me besimtarë të shumtë. “Jezusi ka lindur në tokë mes njerëzve për tu sjellë gëzimin paqen dhe shenjtërinë gjatë gjithë shekujve mbarë njerëzimit”. Ky ka qenë lajmi i mirë i përcjellë dhe urimi për paqe ndaj besimtarëve të shumtë të qytetit të Rrëshenit të mbledhur në kishën katedrale të kësaj qendre dioqeze ku ipeshkvi i saj Kristoforo Palmieri udhëhoqi celebrimin e festës së madhe.

Mesha e natës së Krishtlindjeve është celebruar nga misionarë të ndryshëm edhe nëpër shumë famulli të Mirditës dhe të Matit. Ndërsa ditën më pas Kisha katedrale është e mbushur jo vetëm me besimtarë të shumtë që jetojnë e banojnë në këtë zonë, por edhe nga emigrantë të kthyer për festat e fundvitit.

  Si lindën Krishtlindjet?

  Krishtlindja (edhe "Kërshëndellat" apo shkurt "Kshnellat" ndër besimtarët katolikë) është një festë fetare e krishterë. Të krishterët e festojnë çdo vit më 25 dhjetor ditëlindjen e Jezus Krishtit; në kishat e Lindjes festohet më 7 janar, për shkak të kalendarit Julian. Pas Pashkëve është festa më e rëndësishme për të krishterët. Ditëlindja e Krishtit (24-25 dhjetori) është thjeshtë simbolike, dhe nuk është menduar të jetë data e vërtetë e lindjes se Tij. Rëndësia e ditës së Krishtlindjes nisi të rritet dalngadalë pas kurorëzimit të Karlit të Madh në vitin 800, ditën e Krishtlindjes.

Sot dita e Krishtlindjes kremtohet me shfaqjen e skenës së lindjes së Krishtit, pemën e Krishtlindjes, shkëmbimin e dhuratave dhe Kartolinave, familjen e bashkuar, dhe ardhjen e Shën Nikollës apo Plakut të Vitit të Ri në prag të Krishtlindjes apo mëngjesin e Krishtlindjes. Krishtlindja është festa në të cilën të krishterët dëshirojnë më shumë se kurrë paqe e dashuri në botë.

  Urimi i Papës në shqip

  "Per shume vjet Krishtlindjet!" Ky ka qene urimi ne shqip qe Papa Benedikti XVI ka drejtuar per besimtaret e krishtere shqiptare nga Vatikani. Papa ka uruar besimtaret nga selia e Vatikanit ne 63 gjuhe te ndryshme te botes, mes te cilave dhe ne shqip. Ne meshen e mbajtur për Krishtlindje Papa per here te pare ka uruar dhe ne gjuhen indiane. Ne nje mesazh drejtuar qeverive te Botes, Papa Benedikti XVI ka apeluar per paqe ne Bote.

  Përgatiti: Gj.Marku