Rrëshen, Dita ndërkombëtare e Tokës me shkollën e mesme.

Vullnetarja e Korpusit të Paqes Keti që punon pranë bashkisë Rrëshen, u shpreh se është një bashkëpunim i gjërë si projekt që po realizohet nga nxënësit e shkollës së mesme në ditën Botërore të Tokës, të disa kompanive si Disney, Get Your Good On Grants, të bashkuara në një emër Youth Service Assocation si dhe me mbështetjen e grupit MODEL UN.

Falë këtij projekti nxënësit pastruan gjithë territorin e shkollës, mbollën dhjetra pemë në këtë territor si dhe krijuan kushte komode për qëndrimin në kohën e lirë në këto mjedise, ndërkohë që janë ndihmuar dhe nga bashkia Rrëshen dhe kompania e gjelbërimit në këtë bashki.

Natyrisht tashmë kur vihen re problemet e mëdha më tokën në shkallë botërore bëhet më emergjente kujdesi ndaj Tokës. Amerikanët kanë proverbin e vecantë,se tokën nuk e kemi të trashëguar nga babai, por e kemi hua nga djali,dhe kjo mbetet impenjim për brezat për ta ruajtur atë si pasurinë më të madhe që bota ka për të mbajtur gjeneratat.

Ndaj dhe kjo ditë kremtohet në një situatë alarmante në gjithë tokën e botës, pasi miliona hektarë nga të katër anët e globit janë degraduar e shkatërruar jo thjeshtë si shkak i veprimit të fortë të faktorit natyrorë, por dhe atyre njerëzorë, cka kanë sjellë përmbytje,rrëshqitje,shkrirje të akullnajeve,tërmete e fatkeqësi të madha me përmasa gati apokaliptike.

Gj. Marku