Rrëshen, bashkia promovon traditën përmes aktiviteve kulturore.

Rrëshen. Në ditën e trashëgimisë kulturore, bashkia Rrëshen përmes një aktiviteti të posaçëm ka mundur që të shpalosë përpara qyterëve të saj, dhjetra objekte të vjetra të cilat datojnë rreth 100 vite më parë. Drejtoria e Qëndrës Kulturore të Mirditës, dhe Muzeu Historik, gjatë gjithë ditës ka nxjerrë dhe ekspozuar në pjesët e mermerta të shatërvanit në qëndër të qytetit, dhjetra veshje dhe objekte të tjera si shtëpi të vjetra në miniaturë, paisje kuzhine etj. Madje thirrjes së bashkisë së Rrëshenit i janë përgjigjur edhe disa qytetarë të tjerë, të cilët poseidojnë objekte të vjetra të traditës. I gjithë aktiviteti në sheshin qëndror të qytetit, është ndjekur nga qindra qytetarë të cilët nën tingujt e këngëve me motive dhe autorë mirditorë, kanë kënduar dhe vallëzuar, duke krijuar një ditë ndryshe. Në qëndër të këtyre ekspozimeve, për disa orë ka qëndruar i afishur portreti i mjeshtrit të shquar nga komuna e Kaçinarit z. Nikoll Bardhi i cili për dekada me rradhë e deri sa vdiq në moshmën 94 vjeçare, me duart e tij në mënyrë krej artizanale, ka prodhuar qindra veshje të traditës për burra, gra, të rinjë dhe të reja. Madje për vite me rradhë nga duart e mjeshtrit Bardhi kanë dalë veshje nga më të ndryshme të traditës, për të gjithë pjestarët e ansamblit “Mirdita” gjatë konkurimeve të ndryshme, në të gjitha festivalet folklorike etj. Në këtë ekspoze, e bija e mjeshtrit të prodhimit të rrobave mirditore, ka folur për pasaportat e këtyre veshjeve, shumica e të cilave e kishin kaluar një shekull. Më tej bashkia e Rrëshenit ka organizuar një koktej në të cilin janë servirur ushqime dhe pije nga më të vjetrat që janë përdorur në Mirditë gjatë 100 viteve të fundit. Në këtë takim, përmes moderimit të specialistit të ruajtjes së vlerave të trashëgimisë z. Gjergj Marku qytetarët më të vjetër të Rrëshenit, kanë folur për evoluimin e e qytetit të Rrëshenit që nga fillimi i ndërtimit të tij, e deri më sot. Përmes një video projektori, të pranishmit kanë ndjekur dhjetra foto të cilat vinin nga fillimet e qytetit të Rrëshenit, të ruajtuara nga nga një banor i hershëm i qytetit z. Gjet Doda. Në këtë takim kanë përshendetur edhe banorë të ndryshëm të cilët kanë vlerësuar faktin që shumë prej institucioneve në varësi të bashkisë kanë mundur që të ruajnë të pa prekura shumë prej objekteve të traditës. Në këtë nismë është përfshirë edhe Biblioteka e Bashkisë Rrëshen e cila ekspozoi për vizitorët disa prej libravë dhe gazetave të cilat i përkasin disa dekatave me parë, por që ruheshin me shumë kujdes në ambientet e saj.

 Fjala e z. Gjon Dedaj- Kryetari i Bashkisë Rrëshen

 Në këtë takim ka përshëndetur kryetari i bashkisë z. Gjon Dedaj i cili u është lutur organizatorëve dhe mediave, që efektet pozitive të kësaj dite të përcillen tek sa më shumë qytetarë, dhe posaqërisht tek mbrojtësit kryesorë të këtyre vlerave kulturore që janë mirditorët. Të përpiqesh të ruash traditën është jo vetëm një dëshirë por edhe përgjegjësi,  dhe unë mendoj se tashmë ne i kemi të gjitha mundësitë që dalngadalë, traditën tonë ta interferojmë në atë moderme dhe sfidat e së ardhmes, për të cilat ne banorët e sotëm të Mirditës, ashtu siç jemi krenuar me paraardhësit tanë, tu japim mundësi pasardhësve që ata të mund të krenohen me ne. Por nëse nuk jemi të gjithë bashkë në këtë linjë, nëse nuk i bashkojmë fuqitë tona, energjitë tona, zor se do të bëjmë atë që është më e mira. Më lejoni ta përsëris se në shpesh bëhemi avokatë të fortë të trashëgimisë tonë, por kur ne gjëndemi në momentin që duhet ta detalizojmë fenomenin, ne shpesh nuk e kemi informacionin e duhur ose informacioni nga ajo që ne transmetojmë nuk është në koherencë midis të gjithë zërave. Kjo do të jetë një vlerë e kësaj dite për të bashkuar zërin tonë për ato vlera me të cilat ne lidhemi me origjinën tonë, por që ne mendojmë dhe duhet t’ua transmetojmë pasardhësve tanë, me qëllim që ky qytet, që kjo bashki, kjo Mirditë të jetë jo thjeshtë e banueshme por edhe e vizitueshme.

Është moment kur shumë gjëra u vihen përballë njerëzve për tu a bërë jetën efektive, por unë e konsiderojmë këtë si një ditë ku ne transmetojmë efektivitetin tonë të përbashkët. Mund të them se edhe një ushqim i thjeshtë, një petull, më e pakta mund të na kujtonte gjyshin apo gjyshen, prindërit tanë, shtëpitë tona të cilat shpesh i kemi lënë pas, për të marrë dhomë e guzhinë pa e ditur se kujt tradite i përkasin, ose për të përfituar ndonjë shpi model elbasançe kur ne kishim kullat tona të traditës. Unë mendoj se kjo nuk është vetëm për sferën e kulturës, por ështëv për edhe për sferën e ndërtuesve, për të gjithë ne, është për shkollën, është për shkollimin tonë të vazhdueshëm, pavarësisht vështirësive qe ne mund të kemi në kohë. Për më tepër që fati ka dasht që një rrugë e madhe të kalojë këndej, dhe ne duhet të bëjmë të pamundurën që njerëzit e mëdhenj të ndalojnë në Mirditë, pikërisht për këto vlera të traditës. Duke përfunduar, z. Dedaj tha se jam në dispozicionin e këtij komuniteti, jam në dispozicionin e bashkëpunimit me ju për të bërë më të mirën, gjithnjë duke menduar se një mendje e vetme nuk vlen qoftë edhe kur ju e bëni kryetar. Do të përpiqem që të jem mbështetës, kërkoj ndjesë për ato gjëra që nuk janë bërë mirë për arsye finaciare, në kohën e duhur, në momentin e duhur, gjithësesi jam i mendimit se zoti dhe shoqëria nuk i mbesin borxh askujt.

 Nikolin Kaçorri- Kryetar i Këshillit të Bashkisë Rrëshen.

 E vlerësoj ftesën që na këni bërë si institucion i Këshillit të Bashkisë, ndoshta jemi anshkaluar disi nga aktivitet kulturore, por gjithësesi asnjëherë nuk ështrë vonë. Për ne është një ditë e veçantë kjo e prmovimit të vlerave kulturore. Normalisht jam i kënqur që ndodhem mes artistëve të bashkisë së Rrëshenit. Mbi të gjitha ëështë privilegj por edhe përgjegjësi të komunikosh me këta që promovojnë traditën, por edhe bashkia nga ana e saj duhet t’i mbështesë ata. Përsa i përket këshillit të bashkisë besoj se do të jetë prezent në ndihmë të tyre, por gjithnjë duke respektuar hapësirat ligjore dhe institucionet e shtetit. Edhe një herë ju falenderoj dhe ju uroj suksese në aktivitete të tjera.

02.10.2007

 A. Ndoja