Shkolla “Pashko Vaso” në Rrëshen organizoi ditën frankofone.

  Është kthyer në traditë organizimi i ditës frankofone nga nxënës të shkollës 9 vjecare “Pashko Vaso” në Rrëshen. Në spektaklin e organizuar në sallën e pallatit të kulturës, u evidentuan mardhëniet e mira ndër vite të Francës me Shqipërinë, nëj aktivitet ku morën pjesë mësues, nxënës e prindër. Ishin të pranishëm dhe drejtues sektorësh nga zyra arsimore. Mori pjesë dhe kryebashkiaku i Rrëshenit Gjon Dedaj.

Shenjë e miqësisë ndër vite janë jo vetëm shkollimi i nxënësve shqiptarë në Francë, por dhe përjetësimi i emrave të njohur francezë që kanë dhënë kontribut të vyer për vendin tonë. Janë sa e sa rrugë e institucione në Tiranë, Vlorë, Fier a gjetkë që mbajnë emrat e francezëve të shquar si “Justin Godar”, “Janne d’Ark”, “komuna e Parisit”, “Viktor Hygo”, “Francois Poukville”, “Emil Legrand”, ”Henri Boisen, “Leon Gerome”, etj, etj. Ndërsa në Paris një rrugë e emërtuar Skëndërbej nga Jacque Chirak.

Dhe pikërisht duke gërshetuar histori e personalitete, gjithcka u soll në dramatizime apo skeçe, valle dhe këngë, si ndërthurje e dy kulturave. Ajo që tërhoqi vëmendjn ishin 10 fjalët kyce të vitit me anë të të cilave nxënësit frëngjishtfolës krijuan dialogje, hartime e poezi me to.

Mori pjesë në këtë aktivitet edhe atasheu i kopoperimit për frëngjishten në ambasadën e Francës në vendin tonë Konstantë Kaiteris.

Veprimttaria ishte e pëlqyeshmë për spektatorin e shumtë, mësues, nxënës dhe prindër. Atasheu francez përgëzoi për punën e bërë me fëmijët, mësuesen e frëngjishtes në këtë shkollë Drane Lleshaj, e cila vit për vit përcjell një aktivitet të tillë. Ndërkohë që në realizimin e aktivitetit ndihmoi dhe grupi artistik i qendrës Kulturore të fëmijëve. Më parë një veprimtari e tillë u organizua dhe në Rubik.

Duhet theksuar fakti se nxënësit flasin një frëngjishte të rrjedhshme, por mësojnë dhe në gjuhë të tjera, sidomos anglisht dhe italisht, duke plotësuar kuadrin e një nxënësi me embrion politilogësh,qëllim kryesor dhe i mësuesve të gjuhëvë të huaja në këtë rajon.

R. Lleshi