Rubik, Ditë e madhe në një qytet të vogël. Ndeshje spektakël mes kryebashkiakëve  dhe vajzave futbolliste.

Rubik. Qyteti i Rubikut për disa orë me rradhë është bërë epiqendra e botës sportive. Që në orët e para të ditës, dhjetra kryearë bashkish nga i gjithë vëndi kanë zbritur në Rubik, për tu ndeshur me një ekip vajzash të cilat tashmë kanë fituar statusin e ekipit kombëtar. Është zgjedhur Rubiku sepse pikërisht këtu për herë të parë është krijuar bërthama e këtij ekipi. Në këtë ekip që tashmë përfaqëson vëndin katër vajza janë pikërisht nga ky qytet i vogël. Por gjithësesi nisma të tilla lindin në Rubik pasi gjejnë një mbështetje nga kryebashkiaku i këtij qyteti z. Mark Ruci, dhe shefi i sporteve në këtë bashki z. Viktor Pepa. Por ekipi i burrave kryebashkiakë duket se nuk ka qënë me fat përballë seksit të dobët.  Kapiteni i ekipit të bashkive të vëndit, kryebashkiaku i Vlorës z. Shpëtim Gjika edhe pse ka qënë i shoqëruar në udhëtimin e tij nga tre parodistët e famshëm të këtij qyteti, është mundur në ndeshjen me ekipin kombëtarë të futbollit për vajza me një rezultat të thellë. Ndeshja e rrallë është zhvilluar në qytetin e vogël të Rubikut që pjesmarrësit e këtij takimi e kanë pagëzuar me shprehjen “ditë e madhe në një qyetet të vogël”.

Aktiviteti në qytetin e vogël por të vjetër të Rubikut, është zhvilluar me iniciativën e kryebashkiakut të këtij qyteti z. Mark Ruci, i sponsorizuar nga ish kryetari i kësaj bashkie, bisnezmen i njohur, president i firmës farmaceutike “Sagema” me qëndër në Tiranë, z. Bardhok Prenga. Dita në Rubik ka nisur në fushën sportive të këtij qyteti, nën ritmin e këngëve dhe valleve mirditase organizuar nga mikpritësit. Më tej në Rubik kanë filluar të parkohen automjetet e kryetarëve të disa prej qyteteve të vëndit tonë. Në Rubik kanë mbërritur Shpëtim Gjika i Vlorës, Lorenc luka i Shkodrës, Viktor Tusha i Lezhës, Luigj Isufi i Lacit, Rauf Rukaj i Kavajës, Gjon Dedaj i Rrëshenit, Nikoll Marku i Velipojës, Ded Ndreca i Mamurrasit, të cilët të veshur me komplte sportive dhe të prirë nga drejtori egzekutiv i shoqatës së kryetarëve të bashkive z. Fatos Hodaj.

Në fillim e ka marrë fjalën gazetari sportiv z. Dëfrim Methasani i cili tha se jemi të befasuar nga një aktivitet i tillë që promovon një qytet të vogël. Ai tha se fusha e blertë e Rubikut përcjell një mnodel bashkëpunimi mes pushtetit vendor pa dallime politike.

Shpëtim Gjika, kryteari i Vlorës tha se ndihem xheloz për një aktivitet të tillë në Rubik. Ai falenderoi për ftesën duke vecuar faktin se shumë prej kolegëve të tij kishin lënë punët e vështira të ditës për të lujatur në fushën e blerëtë e cila sipas tij ajo bashkon zemra. Në këtë takim kanë përshëndetur edhe kryetari i bashkisë së Shkodrës lorenc luka, ai i Kavajës Rauf Rukaj etj.

Duartrokitje t zjarrta ka korrur mjeshtri i shquar i sportit, veterani Panajot Pano i cili gjëndej në Rubik në përcjellje të këtij aktiviteti.

Ndeshja

Më tej fusha e blertë është pushtuar nga dy skudrat e kompletuara. Genc Ymeraj, trajneri i ekipit të vajzave që në fillim ë takimit u shpreh optimist për fitore pasi sipas tij vajzat ishin mjat të përgatituara ndonëse disa prej kryetarëve të bashkisë kanë qënë lojtarë titullarë në ekipe të njohura. Ndeshja ka filluar me mjaft këmbëngulje nga të dy skuadrat kundërshtare. I pari që ka prekur rrjetën në këtë ndeshje ka qënë kryebashkiaku i Lezhës z. Viktor Tusha. Nga një goditje standarte Tusha ka mundur që të kalojë pengesën e ngritur nga portjerja e vajzave. Më tej janë dashur disa aksione të vjazave për të prekur rrjetën në minutën e fundit. Pas një aksioni të gjatë lojtarja e ekipit Aurora seranaj nga Tirana, ka mundur që të shënojë golin e barazimit. Vetëm pak sekonda më vonë fërshëllima e bilbilit ka njoftuar përfundimin e ndeshjes. Më pas fituesi është përcaktuar nga goditjet e penalltisë. Disa pritje rrjesht në portën e vajzave kanë përcaktuar edhe fituesen e kësaj kupe. Në një ceremoni mjaft entuziaste me pjesmarrjen e qindra qyterëve të Rubikut, kryeari i qarkut Lezhë, z. Bardh Rica i ka dorëzuar kupën kapitenes së këtij ekipi. Më tej është zhvilluar një ndeshje mes gazetarëve sportivë dhe presidentëve të ekipeve të futbollit shqiptar. Gjatë gjithë takimit, parodistët e njohur të Vlorës kanë deputuar për të pranishmit pjesë të zgjedhura nga repertori i tyre.

A. Ndoja