“Nderi i Qarkut” për Dom Bardhec Zymi

(dom Beni)             Fjala e plote e z. Gjon Dedaj..

Dom Bardhec Zymi (dom Beni) është ndër meshtarët i cili kontributin e tij e ka kthyer në përkushtim. Përkushtim për të shpalosur fjalën dhe vullnetin e zotit. Përkushtim për të qënë sa më pranë të varfërve, njerzve në nevojë, deri dhe në shuarjen e konflikteve dhe faljen e gjaqeve. Një aktivitet i shkurtër por mjaft i ngjeshur në famullinë e tij, në Fanë të Mirditës ka bërë që Këshilli i Qarkut në Lezhë, në unanimitet të plotë të ti akordojë titullin më të lartë në nivel qarku, sic është titulli: “Nderi i Qarkut”. Pikërisht një ditë më parë në një ceremoni me pjesmarrjen e shumë qytetareve, besimtarëve nga Kosova e Shqipëria z. Bardh Rica Kryetari i Qarkut Lezhë, ia ka dorëzuar titullin “Nderi i Qarkut Lezhe” famullitarit te Oroshit dhe Fanit Dom Bardhec Zymi (Dom beni) per kontrinbutin e tij disavjecar ne fshatrat e Mirdites e me tej ne ringritjen e besimit duke ndihmuar si ne ifrastrukturen kishtare, ndihmem ndaj njerezve ne nevoje, pajtimin e gjaqeve dhe shuarjen e konflikteve si dhe punen baritore te bera me aq urtesi e perkushtim ne sherbim te Hyjit.

Ceremonia ka qënë e gërshtuar përmes një show artistik duke nisur me Hymnin e Flamurit. Më pas është vijuar me tre dokumentarë të shkurtër që bëjnë fjalë për jetën dhe aktivitetin e Dom Benit në Mirditë, kryesisht në famullinë e Fanit. Janë një seri objektesh fetare që kanë njohur ringritjen e tyre nga fillimi, falë angazhimit të dom Benit, ku mund të permendet Kryqi me i lartë në Europe vendosur në Fan të Mirditës, në territorin e Famullisë së tij dhe ndërtimi nga themelet i Kishës së Domgjonit. Por nuk janë vetëm objekte fetare që kanë gjetur përkushtimin e tij, por edhe objete të ndryshme social-kulturore, e mbi të gjitha në dokumetarë shpaloset edhe kontributi i tij për faljen e pesë gjaqeve në zonën e famullisë së tij. Dom Beni njihet si autori i disa librave me poezi, ndërkohë që ditët e fundit vjen me një përkthim të një autori italian.

 Më tej është vijuar me ceremoninë e dhënies së titullit “Nderi i Qarkut” nga vetë kryetari i qarkut z. Bardh Rica. Z. Rica pasi ka evidentuar faktin se kërkesa e autoriteteve të komunës Fanë është parë me kujdes, është mbërritur në përfundimin që Dom Beni e meriton plotësisht një titull të tyre, pasi puna dhe përkushtimi i tij ka qënë maksimal. Nga ana e tij dom Beni ka falenderuar këshillin e qarkut z. Berdh Rica, kryetarin e komunës së Fanit z. Gjergj Prenga si dhe të gjithë këshillatarët e qarkut për vlerësimin që i është bërë. Në podium është ngjitur edhe Ipeshkëvi i Dioqezës së Rrëshenit Cristoforo Palmieri i cili është shprehur pozitivisht për punën dhe aktivitetin e dom Benit, dhe ka uruar atë dhe familjarët e tij që kishin udhëtuar nga Kosova për të marrë pjesë në këtë ceremoni.

Në një përsheshendetjen e tij Kryetari i Bashkisë z. Gjon Dedaj ka bërë një përshkrim më të gjatë për punë dhe aktivitetin e dom Benit në Mirditë, e më gjerë. Ndër të tjera ai ka theksuar se Dom Beni kontribuon me ndërtimin e shpejtë të dy kishave dhe tre ltereve ne Fan, ringriti dy ltere në Orosh, realizoi rrethimin dhe vendosjen e shtatores së Abat DOÇIT, në ish- Abacine OROSH, ndërsa kordinoi të ndihmonte cdo ditë të varfërit e posacërisht jetimët me udhqime e veshmbadhje.

Për meshtarin e ri në moshë, por jo në përkushtim, rritja e komunikimit ishte rritje e shpirtit, panvarsisht plagëve dhe trishtimit, ndaj ai ndihmoi në fushën kulturore, në ditë të shënuara fetare në Fan, Orosh dhe në Rrëshen, duke prirë gjithnjë në fe, në dashuri, në besnikëri dhe në shërbim.

Teksa i shtohet ditarit të shërbesës katolike në Mirditë, sëbashku me Dom Ambrozin, Dom Gencin dhe Dom Gjergjin, për të na dhënë sëbashku portretin e “Ipeshkvit shqiptar të munguar” i cili qëndron  gjithmonë mbi mal, mbi shandan dhe i dukshëm për të gjithë. I shtyrë nga dicka e padukshme Dom Beni përkushtohet dhe ia del të vendosë Kryqin më të lartë në majën më të lartë në Europë, në vendin e quajtur “Guri i Nuses”, si për të thënë se Kisha – nusja e Krishtit, nuk mund të fshihet në corbën ballkanike ku kufijtë mbollën urrejtje, shovinizëm, helme.

Ky meshtar, ndërtues i shpejtë i drejtëpeshimit mes autoritetit dhe sherbimit, nuk përpiqet të urdhëroj, por ka zotesine të gjejë fillin e ndaljes e pajtimit të pesë gjaqeve.

Kanë përshëndetur dhe kryetari i Fanit z. Gjergj Prenga i cili në enmër edhe të kryetarit të Oroshit z. Aleksandër Lala, i ka dhuruar dom Benit një pikturë punuar nga piktori Pjetër Marku.