Dy nxënës të Rrëshenit, fitues të konkursit në ambasadën amerikane

Dy  nxënës të shkollave 9 vjecare të Rrëshenit janë shpallur fitues në konkurimin në shkallë vendi të nxënësve të shkollave 9 vjecare në ambasadën amerikane, konkurs që lidhej me aftësinë e nxënësve për të germëzuar në anglishte te rrjedhshme,një praktikë tashmë e njohur jo vetëm në Amerikë por dhe në shumë vende të rajonit tonë, ndërkaq në Shqipëri është aplikimi i parë i tij.

Juria e përbërë nga pesë vetë nën drejtimin e ambasadorit amerikan në Tiranë, Widhers,ka kaluar në shtatë raunde mbi 70 nxënës të 9 vjecareve nga i gjithe vendi,dhe filtrimit korrekt,dy nxënës të shkollave të Rrëshenit, Andorel Ndoj (klasa 7 në shkollën Nënë Tereza) dhe Vanesa Gjeci (kl 9 në shkollën P.VASO), janë renditur përkatësisht në vendin e dytë dhe në vendin e pestë.

Para konkurimit në ambasadën amerikane, konkurimet janë zhvilluar në tërë ato rrethe ku ka vullnetarë të Korpusit të Paqes,ndërsa më pas fituesit janë përballur me jurinë në ambasadën amerikane.

Duhet thënë se në këtë arritje kanë kontributin e tyre mësuesit e anglishtes në Rrëshen dhe për këtë të dy nxënësit vecojnë mësueset e tyre Lirie Përgjetani,Lindita Nikolli e Drita Deti me kurset e zhvilluara me nivel te larte, dhe vecmas punën e madhe që po bën në Rrëshen vullnetarja e Korpusit të Paqes, amerikania Sarah Christensen prej dy vitesh.

Ameda Pjetri