Kryetari i Bashkisë Rrëshen z. Gjon Dedaj priti eksperte të ujrave pranë KE-së, ku u diskutua për basenin e Matit, sipas standarteve të KE-së.

 Hyrja tashmë e Shqipërisë në Bashkimin Europian ka intensifikuar aktivitetin e emisarëve të këtij organizmi për ta njohur vëndin kandidat Shqipërinë me të drejtat por edhe detyrimet e saj. Pikërisht për të bërë të ditur një sërë detyrimesh që ka vëndi ynë, një delegacion i ekspertëve të BE-së kanë mbërritur në Bashkinë Rrëshen ku janë pritur nga kryetari i Bashkisë z. Gjon Dedaj. Në përbërje të këtij delegacioni ishin ekspertë të ujrave, zotërinjtë Isnathan Pearse, dhe Hans Bunis nga INPAEL - Projekt, Skëndër Hasa nga Ministria e Mjedisit, si dhe Sonila Zekthi po nga INPAEL-Projekt. Ndërsa nga pala pritëse përveç Kyetarit të Bashkisë z. Gjon Dedaj ishin edhe N/kryetari z. Nok Mrruku dhe Drejtori i Ndërmarrjes së ujsjellësit z. Gjergj Marku.

Pas urimit të mirseardhjes nga ana e kryetarit Dedaj, fjalën e ka marrë eksperti i ujit z. Isnathan Pearse. Ai ka bërë të ditur se Shqipëria ka disa detyrime të rëndësishme përpra se të hyjë në BE, një ndër to është edhe përmirësimi përsa i përket ujrave urbane. Ai spjegoi se cdo komunë me mbi 2000 banorë duhet që të grumbullojë ujrat e bardhe dhe të zeza në bazë të stabdarteve të BE-së. Shqipëria do të emplemntojë një ligjislacion të ri dhe serioz, i cili duhet trajtuar deri në vitin 2015. Këto objektiva që do të duhet të realizohen në të gjitha parametrat dhe me një nivel ekologjik sa më të mirë. Sipas tij, problem mbetet baseni i lumit të Matit dhe pikërisht për këtë organizohej ky takim në Bashkinë Rrëshen, bashki e cila ka detyrimi në një pjese të lumit Fan i cili lidhet me basenin e Matit. Pearse theksoi se Kompanitë e Ujit janë aktorë kryesorë në këtë proces ndaj dhe kishte filluar kontaktet me aktorë të ndryshëm. Ai ka kërkuar të njihet më në detaje, me situatën e ujit në Mirditë, përmes një pyetsori të drejt përdrejtë ku është përgjigjur drejtori i ujit z. Gjergj Marku. Në përgjigje të interesimit të teknikëve të huaj, z. Marku ka thekuar se ndërmarrja e tij është shoqeri akisionere ku pjesën më të madhe të aksioneve rreth 79 %, e ka Bashkia Rrëshen si bashkia më me madhe dhe me nr më të madh banorësh që  furnizohen me ujë të pishëm. Z. Marku ka theksuar se kompania e tij është ndër kompanitë më të suksesshme në vënd me tregues pagese në nivele të lartë rreth 93 %. Por z. Gjergj Marku ka renditur edhe problemet duke theksuar se rrjeti është ndërtuar gjatë viteve 50 – 52 dhe në bazë të përllogaritjeve me 5 % amortizim në vit i bie që të të ishte ndërruar 3 herë deri tani. Por kjo nuk ka ndodhur, ndërkohë që kjo ka reflektuar një situatë jo të mirë të furnizimit me ujë. Sipas tij qyeteti furnizohet me rreth 13. 8 orë në ditë pa llogaritur faktin se shumë banorë kanë mundur që të realizojnë furnizim me ujë 24 orë në ditë përmes vendosjes së çisternave. Z. Gjergj Marku ka njoftuar se së shpejti do të kishte një rritje të çmimit të ujit pasi kjo diktohet nga nevoja për të dalë nga humbjet, ndërkohë që shteti pritet të akordojë një shumë prej 320 milionë lekë të reja për të të siguruar mbërritjen e ujit të Barxhanës në Rrëshen, dhe disa zona të tjera të fshatrave. Ai ka folur edhe për bashkëpunimin në nivel Qarku me kompani të tjera.

Në përfundim të takimit z. Gjon Dedaj i ka falenderuar miqtë e huaj për vemendjen e treguar ndaj kësaj zone, ndërkohë që ka siguruar se edhe Bashkia Rrëshen do të jetë e angazhur seriozisht në përmbushjen e atyre detyrimeve që vëndi ynë, në përmbushje të ëndërrës së shqiptarëve. Z. Dedaj tha se do të ishte i hapur dhe bashkëpunues. Marrja seriozisht me basenin e Matit si edhe shumë probleme të tjera të ujit, do ti japë fund një herë e mirë fenomenit negativ, pasi në stinën e verës vëndin e pllakos thatësira ndërsa në dimër përmbytja.

A. N