Arti dhe kultura një mundësi e mirë për bashkëpunim mes shqiptarëve nga të gjitha trojet.

Piktori dhe poeti mirditas Gjok Pepa në 50 vjetorin e tij të lindjes, ka mbledhur dhjetra artistë, piktorë, shkrimtarë dhe politikanë në një ditë kulturore, në Qëndrën Kulturore të Bashkisë Rrëshen. .

Sëbashku me ta, për më shumë se një orë qindra qytetarë kanë vizituar ekspozitën në pikturë ku spikaste peisazhi kryesisht nga Mirdita,  por edhe autoportreti, si edhe u diskutua  rreth librit me poezi të po këtij autori, të titulluar “Bekuar të dyja”. 

Fillmisht moderator i këtij takimi z. Gjergj Marku u ka uruar mirseardhjen drejtuesve të kulturës së Therandës (ish-Suharekë),  zotërinjve Refki Gollopeni, drejtor i kulturës në këtë komunë të Kosovës, Halil Morina ish kryetar i Therandës, Fatmir Brataj, Demush Avdimetaj piktor etj, por edhe drejtues dhe petagogë të Universitetit  “Luigj Gurakuqi” të Shkodrës, si Prof.dr. Tomorr Osmani, Mjeshter i Madh i Punes, Prof.Dr. Tefe Topalli, petagog i sintakses ne Katedren e Gjuhesise, Dr. Mimoza Priku, Shefe e katedres se Gjuhesise  etj.

Nga ana e Bashkisë Rrëshen pjesmarrja ka qënë në nivelet më të larta ku përveq drejtuesve të cultures, ka marrë pjesë edhe kryetari i sapo mandatuar, z. Ndue Geg Kolaj, nderkohe qe i pranishem ka qene dhe deputeti i Kuvendit te Shqiperise z. Ndrece Dedaj.

Në fillim piktori mirditas z. Pjetër Marku ka bërë një panoramë të aktivitetit, punës dhe përkushtimit ndër vite të piktorit Gjokë Pepa.  Ai tha se sot mund të quhet dita e Gjokës, pasi një aktivitet i tillë përkon me përvjetorin e 50-të lindjes së tij. Z. Marku tha se kjo ekspozitë përcjell cilësi të lartë në artet pamore, por edhe libri me poezi shënon një arritje të konsiderueshme. Ai tha se Gjoka njihet si njeri fjalë pak, dhe si për të dashur të kompensojë atë, ka folur me penelin e tij. Duhet që të shikohen me vemendje këto piktura, për të parë atë çfar poeti piktor ka dashur të thotë. Ai ka falenderuar vëllezërit kosovarë të Therandës, bashkëpunimi me të cilët ka nisur kohë më parë, me organizimin e ditës kulturore të Mirditës në Therandë.

Një përshkrim të pikturave ka bërë edhe piktori kosovar Demush Avdimetaj. Ai pasi ka bërë një përshkrim të shumë prej pikturave të afishuara në muret e sallës, e ka uruar piktorin Pepa për më shumë aktivitet në këtë fushë.

Petagogu i Universitetit “Luigj Gurakuqi” në Shkodër z. Tomorr Osmani, tha se kishin zgjedhur të vinin sot në Mirditë, përkundër angazhimeve të tyre arsimore, pasi pikërisht sot ishte ditë provimësh. Ai tha se e keni njohur Gjokën për angazhimin e tij në fushën e pikturës dhe letërsisë, por kemi spikatuar tek ai edhe dëshirën e madhe për dije dhe kulturë, pasi edhe në një moshë jo të përshtatshme, zgjodhi të mbaronte universitetin në Shkodër, duke u kthyer tashmë si koleg i yni. Ai ka falenderuar për ftesën në emër të të gjithë kolegëve pjesmarrës.

Ndërsa drejtori i Kulturës në Komunën e Therandës z. Refki Gollopeni tha se jemi të lumtur që më në fund u hoqën barrierat që ishin ngritur mes shqiptarëve të Kosovës dhe vëndit amë Shqipërisë. Z. Gollopeni tha se të parët e tyre në Kosovë shumë herë u kishin folur për Mirditën si një trevë e shquar e kulturës, dhe epiqendër e qëndresës në histori. Ai ka falenderuar mirditasit për pritjen dhe mbështetjen që u kanë bërë kosovarëve gjatë luftës, në ato ditë të vështira për këtë pjesë të kombit. Z. Gollopeni paraqiti një album me fotografi realizuar nga një fotograf Italian gjatë atyre ditëve të lavdishme. Njërin prej këtyre albumeve ja dhuroi kryetarit të ri të Bashkisë z. Ndue Geg Kolaj.

Ndësa z. Ndue Geg Kolaj në përshëndetjen e tij tha se unë do të flas si mik dhe shok i Gjokës, dhe fillmisht i uroj atij 50 vjetorin e lindjes, por edhe për ekspozitën me peisazhet e bukura,  dhe librin e tij që sjell me këtë rast. Z. Kola duke vijuar me tej, tha se çdo ditë kam ndjekur qe kur lindi ideja për një ekspozitë të tillë, dhe ashtu siq tha nga parafolësit, Gjoka flet mirë me pikturën e tij.

z. Ndue Gega ka falenderuar edhe petagogët e Shkodrës duke evidentuar njohjet e hershme me ta, veqanërisht me z. Tomorr Osmani, atëherë kur ata ishin shumë më të rinj, dhe sapo kishin filluar karrierën e mësimdhënies.

Në këtë takim ka folur edhe mësuesi në pension z. Preng C. Lleshi i cil theksoi se takime të tilla i gëzojnë por edhe i bashkojnë njerëzit, aq më shumë ata që historia i ndau padrejtësisht.

Në fund piktori Gjok Pepa, në cilësinë e autorit të ekspozitës ka falenderuar përzemërsisht për pjesmarrjen e madhe dhe interesimin e dukshëm të miqve dashamirësve . Z. Pepa tha se unë jam munduar të jap me anë të penelit copëza nga jeta ime, nga përftyrimi im. Z. Pepa i ftoi pjesmarrësit për të shikuar atë çfar ai ka dhënë përmes penelit por edhe vargjeve në librin e poezi

Të ftuarit kanë vizituar edhe pavionin etnografik, si edhe kanë dhuruar disa libra për bibliotekën “Gjon Gazulli” Rrëshen.

a.      a. ndoja. 17. 06. 2011