Të rrosh a te mos rrosh,  është çështja.                                               

     Lindim qenie te vogla, te pafajshme dhe të pa informuar për mbikalimet e nenkalimet e jetës. Por padituria është çështje e përkohshme,pasi kur rritemi krijojmë e identitetin e qenies tonë dhe synojmë të arrijmë perfeksionin.

    Ambicia e nxit njeriun të rritet profesionalisht, por nganjëherë ky katalizator vepron dhunshëm tek individi,i cili e ndryshon rrënjësisht personalitetin e tij. Eshtë e rëndësishme që njeriu në qendër të vëmendjes të ketë parimin për të pasur vlera të larta, i vënë gjithmonë ne qendër të universit dhe i ndjeshëm në botën që e rrethon.Ai duhet të jetë i zgjuar,mendimtar me vision, këmbëngulës për të shijuar jetën. Për këtë duhet që pavarësisht shkollimit të tij, të jetë i kohës, të ecë dhe të jetojë me hapat e saj,që puna,aktiviteti dhe mendimi i tij të përbëjnë një shkollë,një përvojë të vlefshme ,një leksion për jetën,të cilat e bëjnë atë një njeri të vlerave morale, si mbrojtës i vlerave të tij, të familjes e të shoqërisë.

   Vetëm në këtë rast njeriu di ta shijojë jetën dhe ia vlen ta jetojë atë. Ndodh që për një çast të krijohet edhe fama,ajo avullon,të kesh edhe para, ato shpenzohen. Por tek njeriu diçka mbetet dhe ai është karakteri. Ne nuk duhet të pranojmë nderime dhe dinjitet të rremë, por duhet t’i meritojmë ato me punë, sjellje, korrektësi, humanizëm dhe drejtësi pa rënë pre e mendjemadhsisë,egoizmit dhe injorancës. Duhet te nisemi nga parimi se  virtyti është me vlerë kur shfaqet me zemër dhe bukuri,por bukuria fshihet kudo dhe jo të gjithë mund ta shohin atë. Ai që e sheh, e vlerëson dhe punon me të bukurën, ai e shijon jetën dhe ia vlen ta jetojë atë.

    Fundja, jeta është e ndërtuar  mes dilemash: të rrosh a të mos rrosh, të kesh a të mos kesh, dhe njeriu është përballë zgjedhjesh. Se, siç ka thënë dhe Zhan Pol Sartri: “Njeriu është i dënuar për të qënë i lirë” por në këtë liri e rëndësishme është të zgjedhësh rrugën e drejtë.

                                                Eriona Prendi

                                      Klasa:IX shkolla 9-vjeçare Nr.2

                                                Dtl.15.12.1994

                                                Rrëshen

                                      E-mail: ona-1994@hotmail.com