Bashkia Rrëshen në fokus të prodhuesve të energjisë me anë të erës.

 Prej shumë vitesh në vende të ndryshme të botws sipërfaqe të mëdha toke janë okupuar nga rrjeshta të pa fundëm helikash, që rrotullohen pa pushim në varësi të shpejtësisë së erës. Ndonëse këta lloj helikash shfaqim pamje të bukura dhe mjaft madhështore, shpikësit apo prodhuesit e tyre kanë menduar të shfrytëzojnë erën, këtë dukuri të zakonshme natyrore,  për të prodhuar energji elektrike. Një metodë e tillë ka rezultuar mjaft efektive, pasi është tejet ekologjike, dhe nuk kërkon ndonjë energji tjetër për ta konvertuar në energji elektrike, siç ndodh me Tec-et etj.

Kompani të ndryshme botërore janë gjithnjë në kërkim të vendeve ku shpejtësia e erës dhe prezenca e saj është në sa më shumë muaj të vitit. Nga studime të ndryshme është provuar se edhe Shqipëria është në listën e atyre vendeve që e ka një resurs të tillë. Madje dhe Mirdita është në fokus të kompanive që identifikojnë ato pika ku mund të vendosen të tilla mjete, për prodhim të energjisë elektrike.

Pikërisht dy ditë më parë në bashkinë Rrëshen është paraqitur një ekip specialistësh kryesur nga z. Stefano Falkonio, konsulent për energjinë në Itali. Ai është pritur nga kryetari i bashkisë Rrëshen z. Gjon Dedaj. Specialisti italian për energjinë z. Falkonio, ka bërë një panoramw të gjatë me elementë teknikë të nismës së kompanisë së tij për të investuar në zonën për rreth qyetit Rrëshen. Duke vijuar më tej, z. Stefano tha se fillmisht kompania e tij ishte e gatshme për të nisur një investim paraprak që të sigurohemi nëse investimi përfundimtar të jetë i mbrojtur nga ndonjë risk i mundshëm. Ai u ka kërkuar të pranishmëve që të japin sygjerimet e tyre si për zonat ku mund të investohet dhe që garantojnë një proces normal të mirfunksionimit të tyre.

Nga ana e tij z. Gjon Dedaj e ka garantuar investitorin italian se në Bashkinë Rrëshen do të gjente klimën e përshtatshme për një bashkëpunim të ngushtë në këtë drejtim, i cili do të xhenerojë përfitime të ndërsjellta. Z. Dedaj e garantoi se ata nuk do të paguanin asnjë taksë të pa ligjshme, dhe se do të nxiste administratën (sektorin përkatës) për të evidentuar zonën dhe pronarët e tyre.

Pas takimit grupi i specialistëve dhe konsulenti për energjinë z. Stefano Falconio kanë inspektuar disa zona në fshatin Malaj dhe kurorën e fshatit Bungaj, ku edhe pritet të njoftohen rezultate për ecurinë e mëtejshme të këtij procesi.

A.   Ndoja.