Gjakmarrja….Problem pa zgjidhje ?!

 Eshte viti 2010. Shqipëria pretendon heqjen e vizave dhe bashkimin e saj me familjen europiane.

Por në këto 20 vite tranzicion ne jemi përballur me shumë probleme sociale ende të pazgjidhura. Një nga këto është gjakmarrja, e cila bazohët ne ligjet kanunore, dhe kohwt e fundit po zbatohet jo vetwm nw Mirditë, por në gjithë Shqipërine. Kanuni i Lek Dukagjinit është një nga thesaret me te çmuara   kulturës dhe historisë shqiptare,  pasi tregon  se në atë kohë kur është krijuar (pra në mesjetë ) shqiptarët e kishin “kushtetuten” e tyre  por ai duhet ruajtur muze, e jo te zbatohet sërish pasi është rikthim i nje epoke tashmë të tejkaluar.

 Kjo dukuri i ka rrënjët që në fund të shekullit te XV.  Si nje krahinë autonome Mirdita kishte për Kushtetutë, Kanunin. Shpejt ai filloi te zbatohej nga e gjithë krahina e Mirditës pasi ligjet që kishte u pershtateshin mentalitetit mirditor

 Sipas antropologeve,  kanuni nxjerr ne pah cilësi psikike të shqiptareve si: Shpirti rrebel e luftarak, mikpritjen, mbajtjen e fjalës, respektin ndaj gruas etj…

 Edhe pse kanë kaluar disa etapa nga koha kur kanuni filloi te zbatohej, fatkeqësisht ai ka rilindur ne mendjet e shqiptareve. Me e keqja eshte se ai ka pësuar ndryshime, pasi tashme ne kete “gjueti” janë përfshirë gratë dhe fëmijet që më parë nuk pranoheshin ne mënyrë kategorike, madje ne disa raste kanuni ka qene pretekst per zhvillimin e kriminalistikës ne Shqipëri.

 Shkak për këtë rilindje kanë qenë edhe varfëria, braktisja e arsimit dhe sidomos dobësimi i autoritetit te ligjit. Madje shumë shqiptarë kanë harruar se në territoret ku jetojnë ekziston nje shtet  normal qe quhet  Shqipëri, shtet  i cili ka kushtetuten e dhe ligjet e tij.

 Pasojat? Te pabesueshme, shumë shqiptarë jane detyruar të lënë arsimin e të mbyllen brenda në shtëpi pikërisht  për këtë shkak. Madje disa kanë kaluar të gjithë fëmijerinë e tyre të mbyllur brenda katër mureve.

Zgjidhja duket e pamundur pasi as populli shqiptar nuk solidarizohet për te gjetur nje zgjidhje,  ndërsa politikanët harrojne t’a shënojne ne agjenden e tyre zgjidhjen e ketij problem.

 Ndërkohë që një pjesë e fëmijeve shqiptare studiojne e diplomohen jashte e brenda vendit, ka disa fëmijë të cilët rrinë tërë ditën prapa dritares duke pritur diten qe makthi i tyre te mbaroje…………

                Punoi: Erion Shtjefanaku

Klasa…………..Shkolla………………

email: erioni_94@albaniaonline.com