Fëmijët jetimë të Mirditës, pak orë festë me mbështjen e intelektualit humanist Lekë Preçi.

Mirdita si gjithë rrethet e tjera të vendit ka një shtresë njerëzore e cila ka nevojë qoftë edhe për një fjalë të mirë. Ata janë fëmijët  jetimë  të cilët fati u ka caktuar të rriten pa njërin prej prindërve, apo në rastin më të keq, pa asnjërin prej tyre. Pa dyshim nëse sado pak arrin të depërtosh në mendimet e tyre, e kupton se me çfar stresi ata rriten, kur shikojnë moshatarët e tyre që kanë një fat tjetër, ndryshe me ta. Ndonëse ka ligje që i mbështesin në një farë mase, shoqëria e kapluar me problemet e saj, qëndron indiferent ndaj kësaj kategorie, ndonëse në shumë raste ka edhe individë të veqantë me  zemër të madhe, dhe nuk hezitojnë të bëjnë të pa mundurën për të qënë pranë kësaj shtrese mjaf delikate të shoqërisë sonë. Njëri prej tyre pa dyshim është Lekë Preçi,  i cili prej disa vitesh ka bërë që festa e Krishtlindjeve të jetë festë e veqantë edhe për këta fëmijë, të cilët për disa orë largohen nga realiteti të cilin askush nuk do t’ua uronte.

Lekë Preci i cili prej disa vitesh është emigrant i integruar në Itali drejton edhe një shoqëri të njohur ndërtimi në këtë vend, nuk i ka harruar jetimët edhe këtë vit. Në pa mundësi për qënë pranë fëmijëve jetimë në ditët e festës së Krishtlindjve, ka “deleguar” bamirësinë e tij përmes studiuesit të mirnjohur të vlerave historike mirditase, intelektualit cilësor z. Nikoll Loka. Bashkëpunimi ka qënë i sukseseshëm  edhe me kryetarin e Shoqatës së jetimëve z. Ded Pepkolaj, i cili ditë më parë është marrë me organizimin e ditës së festës për jetimët. 

Ceremonia!

Rreth 50 fëmijë janë mbledhur në njërin prej lokaleve të qytetit. Me një meny të pasur, organizatorët janë kujdesur që atmosfera të ishte sa më e kwndshme nën tingujt e muzikës. Ne fillim ka përshëndetur  Kryetari i Shoqatës së Jetimëve të Mirditës z. Ded Pepkolaj i cili u ka uruar të gjithë fëmijëve jetimë dhe familjarëve të tyre, për festat e fundvitit. Ai ka falenderuar kryetarët e bashkive Rrëshen dhe Rubik pjesmarrës në këtë takim z. Ndue Gega dhe Gjokë Vuka për mbështetjen e tyre, por në veqanti z. Lekë _Preci për mbështjen finaciare dhe qytetare, dhe përfaqësuesin e tij në këtë evenimet, z. Nikoll Loka.

Në këtë takim ka përshëndetur edhe z. Ndue Gega, kryetari i Bashkisë Rrëshen i cili në fjalën e tij ka theksuar se në këtë rast vij para jush jo si Kryetar i Bashkisë, por si mësues dhe prind. Ju uroj të dashur fëmijë të rriteni pa ndjenjën e stresit që vjen si rezultat i mungesës së prindërve. Falë edhe përkujdesit të Kryetarit të jetimëve z. Ded Pepkola, takime të tilla ju vllazërojnë me njëri tjetrin, duke bërë që të kompensohet sado pak mungesa e prindërve, qoftë edhe për pak orë apo minuta. Në përfundim z. Ndue Gega i ka uruar për një vit sa më të mbarë dhe premtues.

Nikoll Loka tha se ju fëmijë keni lindur për të qenë të lumtur si gjithë të tjerët, por fati ju ka bërë që të mos i keni njërin prind, apo të dy sëbashku. Pranë jush ka njerëz me zemër të madhe si Lek Preçi, që i cili bën që të paktën për disa orë të qëndroni sëbashku, të gëzuar si gjithë moshatarët e tjerë. Unë jam këtu në emër të z. Lekë Preçi, intelektuali  humanist i cili ndan disa kontribute nga puna e tij, traditë kjo edhe në Europë. Në emër të tij unë ju uroj Gëzuar festat e fundvitit.

Më tej kanë përshëndetrur edhe Kryetari i Bashkisë Rubik z. Gjok Vuka, Kryetari i Shoqatës së Verbërve etj. Më pas ka vijuar kënga dhe vallja me të gjithë fëmijët, ndërkohë këngëtari Nikoll Dedaj në duet me këngëtaren e re  Daniela Koka, kanë kënduar disa këngë për fëmijët jetimë.

Aleksandër Ndoja

23. 12. 2011