Te nderuar emigrante! Webfaqja e Bashkise Rreshen do te jete ne dispozicionin Tuaj, ne promovimin e vlerave me te mira dhe sukseseve te arritura ne emgracion. Per kete mund te dergoni cdo informacion ne adresen webmaster@bashkiarreshen.com.....Vlerat me te mira do te gjejne paqyrim ne faqen e Bashkise ne nje rubrike te veqante qe do te hapet seshpejti.

“Ndërmarrja “Arnid Gjoka” sukses i merituar në tregun e punës së vëndin fqinj, Itali.                                                                    Nga Bologna: Artur Reçi

  Prej më shumë se 7 muajsh, një emigrant nga Rrësheni ka mundur që të krijojë një ndërmarrje të tijën, e cila çdo ditë e më tepër po shënon sukses në tregun e punës se vëndit fqinj, Itali. Madje serioziteti me të cilën ajo është paraqitur, ka mundur të tejkalojë çdo paragjykim të vendasve, të cilët tashmë i kanë besur një sektor të rëndësishëm të shërbimit, në transportin Italian. Pronari i kësaj ndërmarrje të rëndësishme është Arnid Gjoka (Lleshi) nga qyteti i Rrëshenit, dhe suksesi i tij vjen pas një pune 7 vjeçare, po aq të suksesshme në një sektor të ngjashëm në Itali. Ndërmarrja e tij mban emrin e vetë pronarit Arnid Gjoka, dhe në të ka të punësuar vetëm emigrantë nga qyteti i Rrëshenit. Ndërmarrja e tij punon në një ndër pikat me kyçe të transportit Italian, që njihet nën emërtimin Ferrovia italiane, (hekurudha e shtetit). Cilësia në punë dhe serioziteti me të cilin është paraqitur kjo ndërmarrje, ka bërë që kontratat e para të punës me ndërmarrje të tjera lidër në këtë sektor, të sigurohen pa shumë vështirësi. Shërbimet e kësaj ndërmarrje janë në mirmbajtjen e trenave të shpejtësive të mëdha në Itali, dhe të gjithë punonjësit rrëshenas janë me një përvojë të gjatë në këtë sektor. Profili i punës ka të bëjë kryesisht në fushën e Pelikolaturës së trenave, një proces i cili përmban në vetëvete gërryerjen e trenave me levigatriçe, stukimin, lyerjen dhe pelikolimin ose e thënë ndryshe, lyerjen e trenit me një adeziv që e bën trenin të duket i ri. Pas shëtitjes në të gjithë kantierët më në zë dhe më kryesore në Itali që nga Taranto, Napoli, Ankona, Torino, Bologna, Genova, Firenze, e Romë, duke punuar në të gjitha llojet e trenave, ndër ta edhe të shpejtësisë së madhe siç janë ato “Eurostar” që kapin një shpjetësi deri në 300 km/orë, por edhe në trenat e thjeshtë që kanë një shpejtësi më të ulët, puna e ndërmrrjes së ngritur nga Arnid Gjoka është fokusuar kryesisht në dy qytete të rëndësishme të hekurudhës italiane,  si në Milano dhe Verona. Është për tu vlerësuar fakti se në fushën e pelikolaturës ka edhe shumë punonjës të tjerë nga Rrësheni që janë në përbërje të ndërmarrjeve të tjera italiane. Drejtues të Hekurudhës italiane janë shprehur shumë të kënaqur nga puna e bërë nga ndërmarrja e Arnid Gjokës, madje nuk kanë ngurrur të evidentojnë habinë e tyre se si ka mundsi që këta djem të rinjë nga Shqipëria, të jenë aq të sukseshëm në një sektor kaq të rëndësishëm të transportit të udhëtarëve në Itali. Evidentohet fakti se këta kanë arritur një sukses të konsiderueshmëm në një punë që kërkon një kohë të gjatë për tu përvetësuar, ndërkohë që në hekurudhën shqiptare në asnjë kohë nuk ka egzistuar një shërbim i tillë. Njëri prej drejtuesve të hekurudhës italiane është shprehur para punonjësve rrëshenas të cilët sapo kishin përfunduar një intervenim të suksesshëm në qytetin e Padovas, se ju meritoni një medalje për punë të mirë dhe cilësore që po bëni në shtetin Italian.

Është për tu krenuar nga fakti se si një ndërmarrje e tillë e ngritur nga mirditorët po konkuron denjësisht mes shumë ndërmarrjeve të tjera të fuqishme në këtë sektor. Madje pa shumë vështirësi është bërë i mundur sigurimi i një kontrate 1 vjeçare në qytetin e Veronas, për restaurimin e 170 vagonave të trenave të llojeve të ndryshëm. Një kontratë e tillë është siguruar vetëm falë punës së kujdesshme dhe serioze të drejtuesit dhe menaxherit Arnid Gjoka, i cili tashmë e rendit veten në plejadën e atyre emigrantëve që i bëjnë nder vehtes dhe të gjithë emigrantëve shqiptarë, të cilët punojnë punojnë me ndershmeri dhe pa cënuar aspak ligjet e vëndit fqinj.